ព័ត៌មានជាតិ

ក្រដាសជូតមាត់ផលិតនៅខ្មែរចំនួន ៥ ម៉ាក ពេញនិយម កំពុងវាយលុកទីផ្សារពីទីក្រុងដល់ជនបទ

បានផុស

១០ ខែ មុន

នៅ

ថ្ងៃសុក្រ ២២ សីហា ២០២៥

ដោយ

សហគ្រាសក្នុងស្រុកចំនួន ៥ កំពុងសាងកេរ្តិ៍ឈ្មោះតាមរយៈការផលិតក្រដាសជូតមាត់ រួមទាំងក្រដាសអនាម័យផ្សេងទៀត សម្រាប់ប្រើប្រាស់ក្នុងគេហដ្ឋាននិងតាមទីតាំងអាជីវកម្មផ្សេងៗ។

ក្រុមហ៊ុន អិមជី ផេស៊ីហ្វិក (MG Pacific)

ក្រុមហ៊ុន អិមជី ផេស៊ីហ្វិក ជាសហគ្រាសផលិតក្រដាសអនាម័យក្នុងស្រុក ដែលបានចាប់បើកដំណើរការតាំងពីឆ្នាំ ២០១៥ ដោយមានផ្គត់ផ្គង់ក្រដាសជូតមាត់ និងក្រដាសប្រើប្រាស់ក្នុងបន្ទប់ទឹកម៉ាក MG។ ផលិតផលក្រដាសអនាម័យដែលបង្កើតដោយសហគ្រាសក្នុងស្រុកនេះមិនប្រើប្រាស់ផ្លាស្ទិក ដែលបានចូលរួមចំណែកជួយបរិស្ថានសង្គម និងកាត់បន្ថយការប្រើប្រាស់ផ្លាស្ទិកក្នុងប្រទេសកម្ពុជា។

កាលពីឆ្នាំ ២០២០ សហគ្រាសទទួលបានពានរង្វាន់ Country Star of the Year ពីកម្មវិធី ASEAN Business Award 2020។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុន អ៊ិមស៊ី ទីស្យ៊ (MC Tissue)

សហគ្រាស MC Tissue បានបង្កើតឡើងនៅក្នុងឆ្នាំ ២០១១ បច្ចុប្បន្នគឺជាសហគ្រាសដែលផលិតក្រដាសជូតមាត់ឈានមុនគេមួយ ដោយចាប់ផ្តើមពីសហគ្រាសខ្នាតតូច រហូតបានពង្រីកផលិតកម្មធំលូតលាស់ឈរជើងលើទីផ្សារយ៉ាងទូលំទូលាយ។ ផលិតផលក្រដាសអនាម័យរបស់សហគ្រាសមានដូចជា ក្រដាសទ្រនាប់កែវចាន ក្រដាសជូតដៃ ក្រដាសសម្រាប់ប្រើប្រាស់ក្នុងផ្ទះបាយ ក្រដាសជូតមុខ ក្រដាសក្នុងបន្ទប់ទឹក និងមានប្រភេទក្រដាសជាច្រើនមុខទៀត។

ក្រដាសជូតមាត់ចំនួន ៤ ម៉ាកកំពុងពេញនិយមមាន ខំហ្វី ព្រីម៉ូ ៧៩ និង ប្រណិត។

ក្រៅពីសហគ្រាសទាំងពីរនេះ មានសហគ្រាសក្នុងមួយស្រុកមួយចំនួនទៀតក៏មានផលិតក្រដាសជូតមាត់ និងក្រដាសអនាម័យផ្សេងៗទៀតដែលអាចផ្គត់ផ្គង់លើទីផ្សារ រួមចំណែកកាត់បន្ថយការនាំចូលពីក្រៅ។

សហគ្រាស Dynith

សហគ្រាសក្នុងស្រុកនេះមានផលិតក្រដាសអនាម័យជាច្រើនប្រភេទដោយយកពាណិជ្ជនាមជាឈ្មោះខ្មែរ «រំដួល» ដែលមានក្រដាសជូតមុខ ជូតដៃ ជូតមុខ ក៏ដូចជាក្រដាសសម្រាប់ប្រើប្រាស់ក្នុងផ្ទះបាយ។

សហគ្រាស Flyshine Tissue

សហគ្រាស Flyshine Tissue ទើបចាប់ផ្តើមដំណើរការរោងចក្រផលិតកម្មនៅក្នុងឆ្នាំ ២០២៤ ដែលមានផលិតក្រដាសអនាម័័យចេញពីសរសៃសុទ្ធ 100%។

សហគ្រាស Snowy Tissue

ក្រដាសជូតមាត់ម៉ាកស្នូវីរបស់សហគ្រាស Yin Family ផលិតឡើងដោយយកគុណភាពជាចម្បង។ ក្រុមហ៊ុនអះអាងថា រាល់ការផលិតយកតែវត្ថុធាតុដើមដែលមានគុណភាពមកផលិតតាមស្តង់ដា មិនមានការកែច្នៃដាក់គីមី មិនមានដាក់សារធាតុធ្វើឲ្យប៉ះពាល់ដល់សុខភាព ជាមួយសាច់ក្រដាសទន់ហ្មត់ល្អមិនមានកំទិចហ៊ុយ៕

បន្តចុចអាន៖ ស្គាល់ក្រដាសអនាម័យ ៥ ប្រភេទនេះឲ្យច្បាស់ ងាយស្រួលប្រើឲ្យចំគោលដៅ

Related Topics:Featured ផលិតផលក្នុងស្រុក ក្រដាសជូតមាត់

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា