នយោបាយ
មនុស្សជំនិតលោកកឹម សុខា បង្ហាញរូបភាពថ្នាក់ដឹកនាំអតីតបក្សប្រឆាំងកំពុងលេងល្បែងនៅក្នុងកាស៊ីណូ
អតីតមន្ត្រីជាន់ខ្ពស់នៃអតីតគណបក្សសង្រ្គោះជាតិ លោក មុត ចន្ថា និងជាមនុស្សជំនិតរបស់លោក កឹម សុខា ផងនៅថ្ងៃចន្ទនេះ បានបង្ហាញនូវរូបភាព ៣ សន្លឹក ដែលគេស្គាល់ថា ជាអតីតថ្នាក់ដឹកនាំនៃអតីតគណបក្សសង្រ្គោះជាតិ កំពុងលេងល្បែងនៅក្នុងកាស៊ីណូមួយ។ បើតាមលោក មុត ចន្ថា គឺរូបភាពនេះ គ្មានអ្នកណាកាត់តទេ។
តាមរយៈបណ្តាញសង្គមហ្វេសប៊ុកផ្លូវការរបស់ខ្លួននារសៀលថ្ងៃទី២៧ ខែធ្នូ ឆ្នាំ២០២១នេះ ដោយភ្ជាប់មកនូវរូបភាពផងនោះ លោក មុត ចន្ថា បានសរសេរដោយខ្លីថា៖«សុំចែករំលែកជាសាធារណៈ ដើម្បីឈ្វេងយល់ទាំងអស់គ្នា តែការពិតបង្ហាញច្បាស់ហើយ ព្រោះគ្មាននរណាកាត់តរូបថតទាំងនេះទេ»។
តាមរយៈរូបភាពនេះ បានបង្ហាញថា ទី១. គឺរូបលោក ថាច់ សេដ្ឋា អតីតសមាជិកព្រឹទ្ធសភានៃអតីតគណបក្សសម រង្ស៊ី ហើយបច្ចុប្បន្ន ជាប្រធានស្តីទីគណបក្សភ្លើងទៀន (លេងល្បែងនៅក្នុងកាស៊ូណូណាហ្គា ថ្ងៃទី២៩ ខែធ្នូ ឆ្នាំ២០១៦ ជាន់ទី៩) ។ ចំណែក ទី២. គឺជារូបលោក អេង ឆៃអ៊ាង អនុប្រធានអតីតគណបក្សសង្រ្គោះជាតិ និងជាមនុស្សជំនិតរបស់លោក សម រង្ស៊ី និងទី៣. គឺជារូបលោក ញឹម គឹមញ៉ុល ដែលជាសមាជិកគណៈកម្មាធិការនាយកនៃអតីតគណបក្សសង្គ្រោះជាតិ ដែលថ្មីៗនេះ ត្រូវបានបដិសេធការស្នើសុំនីតិសម្បទានយោបាយឡើងវិញជាមួយលោក ជូង ជូងី។
ជាការកត់សម្គាល់ រូបភាពទាំងនេះ ត្រូវបានបែកធ្លាយជាយូរមកហើយនៅតាមបណ្តាញសង្គមហ្វេសប៊ុក។ ប៉ុន្តែ មកដល់ពេលនេះ ថ្នាក់ដឹកនាំអតីតគណបក្សសង្រ្គោះជាតិទាំងនេះ មិនទាន់បានចេញមកប្រតិកម្ម ឬបកស្រាយយ៉ាងណានៅឡើយទេ៕
អត្ថបទ ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង