Connect with us

នយោបាយ

សម្តេច ហ៊ុន សែន គ្រោងស្នើព្រះមហាក្សត្រតែងតាំង​លោក សួង សោភ័ណ្ឌ ជារដ្ឋលេខាធិការ​ទីស្តីការគណៈរដ្ឋមន្ត្រី ក្រោយរួមរស់​ជាមួយបក្សប្រជាជន

បានផុស

នៅ

នៅថ្ងៃទី៣០ ខែមេសានេះ អតីតប្រធានចលនាយុវជននៃអតីតបក្សសង្គ្រោះជាតិ លោក សួង សោភ័ណ្ឌ និងបច្ចុប្បន្នជាប្រធានគណបក្សខ្មែរឈ្នះ បានប្រកាសសុំចូលរួមជីវភាពនយោបាយជាមួយគណបក្សប្រជាជនកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងការប្រកាសរបស់លោក សួង សោភ័ណ្ឌ បែបនេះ សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា ក៏បានស្វាគមន៍ចំពោះអតីតមន្ត្រីបក្សប្រឆាំងរូបនេះក្នុងការចូលរួមនយោបាយជាមួយគណបក្សប្រជាជនកម្ពុជាវិញ។ តាមរយៈប្រព័ន្ធតេឡេក្រាម សម្ដេចតេជោ ហ៊ុន សែន បានសរសេរយ៉ាងដូច្នេះថា៖ «ក្នុងនាមគណបក្សប្រជាជនកម្ពុជា សម្ដេចសូមស្វាគមន៍យ៉ាងកក់ក្តៅចំពោះលោក សួង សោភ័ណ្ឌ ដែលពេញចិត្តសុំមករួមជីវភាពនយោបាយជាមួយគណ បក្សប្រជាជនកម្ពុជា»។

ទន្ទឹមនេះដែរ ក្នុងនាមរាជរដ្ឋាភិបាលកម្ពុជា សម្ដេចតេជោនាយករដ្ឋមន្ត្រី គ្រោងនឹងស្នើសុំអង្គព្រះមហាក្សត្រ ដើម្បីចេញព្រះរាជក្រឹត្យតែងតាំងមុខតំណែងលោក សួង សោភ័ណ្ឌ ជារដ្ឋលេខាធិការនៃទីស្តីការគណៈរដ្ឋមន្ត្រី ផងដែរ។

ថ្លែងតាមរយៈវីដេអូឃ្លីបប្រវែងជាង ៣នាទី ប្រធានគណបក្សខ្មែរឈ្នះ បានបញ្ជាក់ដូច្នេះថា« ខ្ញុំ សួង សោភ័ណ្ឌ បានសម្រេចចិត្តយ៉ាងច្បាស់លាស់នៅថ្ងៃនេះ ស្នើសុំចូលជីវភាពនយោបាយជាមួយគណបក្សប្រជាជនកម្ពុជា»។ ការឈរនៅខាងក្រុមប្រឆាំងធ្វើការងារបានផលតិចតួចជួយដល់ជាតិមាតុភូមិ។ ដោយយល់ឃើញដូច្នេះហើយ ទើបលោក សួង សោភ័ណ្ឌ បានសម្រេចចិត្តយ៉ាងច្បាស់លាស់ ចូលរួមជាមួយរដ្ឋាភិបាល ដើម្បីយកសមត្ថភាព​ទៅចូលរួម​បម្រើប្រជាពលរដ្ឋដោយផ្ទាល់។

លោកថ្លែងដូច្នេះថា« ខ្ញុំសង្ឃឹមយ៉ាងមុតមាំពលរដ្ឋនឹងយល់ពីស្មារតី និងឧត្តមគតិរបស់ខ្ញុំ»៕

គួរជម្រាបថា លោក សួង សោភ័ណ្ឌ ជាអតីតប្រធានចលនាយុវជន និងធ្លាប់ឈរឈ្មោះជាបេក្ខជន​តំណាងរាស្ត្រនៃ​អតីតគណបក្សសង្គ្រោះជាតិ មណ្ឌលខេត្តប៉ៃលិន។ តែយ៉ាងណា ក្នុងអំឡុងឆ្នាំ២០១៧ លោក សួង សោភ័ណ្ឌ ក៏បានប្រកាសលាលែងពីសមាជិកអតីតគណបក្សសង្រ្គោះជាតិ ដោយបានទៅកាន់តំណែងជា​អនុប្រធាន​គណបក្សអំណាចខ្មែរ ខណៈក្នុងឆ្នាំ២០១៨ លោក បានធ្វើជាប្រធាននៃគណបក្សនេះ ហើយបានដូរ​ឈ្មោះជា​គណបក្សខ្មែរឈ្នះវិញរហូតដល់បច្ចុប្បន្ននេះ៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២១ នាទី មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៣៥ នាទី មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៣ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៤ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៥ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម