នយោបាយ
ប្រមុខដឹកនាំកម្ពុជា ៖ «ដើម្បីឈ្នះបដិវត្តពណ៌ វិធីតែមួយគត់ គឺកាន់កងកម្លាំងប្រដាប់អាវុធឱ្យជាប់»
ប្រមុខរដ្ឋាភិបាលកម្ពុជា សម្តេចតេជោ ហ៊ុន សែន នៅព្រឹកថ្ងៃពុធនេះ បានប្រតិកម្មខ្លាំងៗទៅនឹងបញ្ហាបដិវត្តពណ៌ដែលក្រុមអតីតបក្សប្រឆាំងចង់បង្កើតឲ្យមាននៅក្នុងប្រទេសកម្ពុជា។ បើតាមសម្តេចតេជោ បដិវត្តពណ៌នៅលើលោកនេះ មិនទាន់បញ្ចប់ទេ ហើយរឹតតែមានការជំរុញខ្លាំងបន្ថែមទៀត។ ដូច្នេះហើយ ប្រមុខដឹកនាំកម្ពុជា បានគូសបញ្ជាក់ថា ដើម្បីឈ្នះបដិវត្តពណ៌នេះ វិធីតែមួយគត់ គឺកាន់កងកម្លាំងប្រដាប់អាវុធឱ្យជាប់។
ប្រតិកម្មរបស់សម្តេចតេជោ នាយករដ្ឋមន្រ្តីកម្ពុជានេះ គឺជាការឆ្លើយតបទៅនឹងការវិភាគរបស់ក្រុមអ្នកវិភាគ ក៏ដូចជា ក្រុមអតីតបក្សប្រឆាំងមួយចំនួនចំពោះការលើកឡើងរបស់លោក ហ៊ុន ម៉ាណែត មេបញ្ជាការកងទ័ពជើងគោកកម្ពុជា។ លោក ហ៊ុន ម៉ាណែត នៅក្នុងពិធីបិទ-បើកវគ្គហ្វឹកហ្វឺន និងសម្ពោធសមិទ្ធផលនានា ក្នុងមជ្ឈមណ្ឌលហ្វឹកហ្វឺនបញ្ជាការដ្ឋានអង្គរក្ស កាលពីថ្ងៃទី២៥ ខែធ្នូ ឆ្នាំ២០២១ បានប្រាប់កងទ័ពត្រូវការពារថ្នាក់ដឹកនាំ និងការពារស្ថាប័ននានាឱ្យបានជាដាច់ខាត។ ជាមួយគ្នានេះ លោក ក៏បានអះអាងថា ការពង្រឹងកងទ័ព ដាច់ខាតត្រូវតែពង្រឹងស្មារតីស្មោះត្រង់ចំពោះជាតិ និងប្រជាជន ការពារដាច់ខាត ជាតិ សាសនា ព្រះមហាក្សត្រ និងការពារសន្តិភាពឲ្យបានដាច់ខាតគ្រប់កាលៈទេសៈ និងទោះក្នុងតម្លៃណាក៏ដោយ។
ក្រុមអ្នកវិភាគ និងក្រុមអត្ថាធិប្បាយនៃអតីតបក្សប្រឆាំងមួយចំនួន បានរិះគន់លើបញ្ហានេះ។ ពួកគេបានអះអាងថា ការលើកឡើងនេះ គឺមិនត្រឹមត្រូវទេ ដោយពួកគេចង់ឲ្យកងកម្លាំងប្រដាប់អាវុធ និងរដ្ឋបាលស៊ីវិលមានភាពអព្យាក្រិត។ ប៉ុន្តែ សម្តេចតេជោ បានគូសបបញ្ជាក់ថា កងកម្លាំងប្រដាប់អាវុធ និងរដ្ឋបាលស៊ីវិល មានអព្យាក្រិតភាពបានរវាងតែបក្សនយោបាយ និងបក្សនយោបាយប៉ុណ្ណោះ មិនអាចរវាងរាជរដ្ឋាភិបាល និងបក្សនយោបាយបានឡើយ។
សម្តេចនាយករដ្ឋមន្រ្តី បានអះអាងបែបនេះថា៖ «យើងទទួលស្គាល់នូវអព្យាក្រិតភាពនៃកងកម្លាំងប្រដាប់អាវុធ និងរដ្ឋបាលស៊ីវិល ចំពោះមុខបក្សនយោបាយ ប៉ុន្តែយើងមិនអាចអព្យាក្រិតកងកម្លាំងប្រដាប់អាវុធ និងរដ្ឋបាលស៊ីវិល រវាងរដ្ឋាភិបាល និងបក្សនយោបាយបានទេ សូមចាំអាកន្លែងហ្នឹង។ ពួកគេអាចធ្វើឈ្នះនៅកន្លែងមួយចំនួន ប៉ុន្តែមិនអាចធ្វើឈ្នះនៅកម្ពុជា ដោយសារអី? បទពិសោធនេះត្រូវចងចាំ ហើយត្រូវធ្វើបន្តទៅមុខ។ យើងត្រូវអព្យាក្រិតចំពោះមុខបណ្តាបក្សទាំងអស់ដូចៗគ្នា យើងការពារឲ្យដូចៗគ្នា បម្រើឲ្យ ឧទាហរណ៍ថា កម្លាំងនគរបាលត្រូវការពារនូវការជួបជុំណាមួយរបស់បក្សនយោបាយក្នុងការឃោសនាបោះឆ្នោត ឬក្នុងកិច្ចការរបស់គេ ត្រូវការពារឲ្យ បក្សកាន់អំណាចក៏យើងការពារ បក្សមិនមែននៅក្នុងអំណាចក៏យើងការពារ»។
ជាមួយគ្នានេះ សម្តេចតេជោ បានគូសបញ្ជាក់ថា កងទ័ពទាំងអស់ត្រូវការពាររដ្ឋធម្មនុញ្ញ មិនអាចឲ្យមានបដិវត្តពណ៌ណាមួយកើតឡើងនៅក្នុងប្រទេសកម្ពុជាបានឡើយ។ សម្តេចតេជោ បានគូសបញ្ជាក់ទៀតថា នៅពេលដែលសម្តេចនៅជានាយរកដ្ឋមន្រ្តីនៃប្រទេសកម្ពុជា គឺសម្តេចមានសិទ្ធិបញ្ជាបានកងទ័ពទាំងអស់ ដោយផ្អែកទៅតាមរដ្ឋធម្មនុញ្ញនៃព្រះរាជាណាចក្រកម្ពុជា។ សម្តេច បានសង្កត់ធ្ងន់ថា៖ «អ្នកណាក៏ដោយដែលប៉ះពាល់ដល់រដ្ឋធម្មនុញ្ញ កងកម្លាំងប្រដាប់អាវុធត្រូវកម្ទេចចោល»។
សម្រាប់សម្តេចតេជោ ហ៊ុន សែន ចំណុចស្នូល ឬគន្លឹះនៃមេធ្វើបដិវត្តពណ៌ គឺការធ្វើឲ្យអព្យាក្រិតភាពនៃកងកម្លាំងប្រដាប់អាវុធ និងរដ្ឋបាលស៊ីវិល។ ចំណែក ចំណុចស្នូល ឬគន្លឹះនៃអ្នកការពារប្រទេស និងការពារដ្ឋធម្មនុញ្ញ គឺត្រូវក្តោបឲ្យបាននូវកងកម្លាំងប្រដាប់អាវុធ និងរដ្ឋបាលស៊ីវិល៕
អត្ថបទ ៖ វណ្ណ សុគន្ធា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ