Connect with us

នយោបាយ

នាយករដ្ឋមន្រ្តីនាពេលអនាគត អមដំណើរនាយករដ្ឋមន្រ្តី​បច្ចុប្បន្ន​ ទៅ​ដោះស្រាយ​បញ្ហា​មីយ៉ាន់ម៉ា​

បានផុស

នៅ

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញទៅដល់ប្រទេសមីយ៉ាន់ម៉ាហើយនៅព្រឹកថ្ងៃសុក្រ ទី០៧ ខែមករា ឆ្នាំ២០២២នេះ។ នៅក្នុងដំណើរបំពេញទស្សនកិច្ចនៅមីយ៉ាន់ម៉ានេះ សម្តេចតេជោ ហ៊ុន សែន ក៏បាននាំលោក ហ៊ុន ម៉ាណែត ដែលជាកូនប្រុស និងជាបេក្ខភាពនាយករដ្ឋមន្រ្តីកម្ពុជានាពេលអនាគតរបស់គណបក្សប្រជាជនកម្ពុជាទៅជាមួយផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ុន ម៉ាណែត គឺជាឥស្សរជនជាន់ខ្ពស់កម្ពុជាទី៣ហើយ បន្ទាប់ពីលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងលោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដែលបានអមដំណើរសម្តេចតេជោ ហ៊ុន សែន ទៅកាន់ប្រទេសមីយ៉ាន់ម៉ានេះ។ នៅក្នុងដំណើរទស្សនកិច្ចនេះ សម្តេចតេជោ អាចនឹងណែនាំលោក ហ៊ុន ម៉ាណែត ឲ្យមេដឹកនាំប្រទេសមីយ៉ាន់ម៉ាបានស្គាល់ ហើយក្នុងឱកាសនេះ លោក ហ៊ុន ម៉ាណែត ក៏អាចនឹងចូលរួមជួយស្វែងរកដំណោះស្រាយជូនប្រជាជាតិមីយ៉ាន់ម៉ា ក៏ដូចជា សម្រាប់អាស៊ានផងដែរ។

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នឹងបំពេញទស្សនកិច្ចនៅប្រទេសមីយ៉ាន់ម៉ារយៈពេល ២ថ្ងៃ ចាប់ពីថ្ងៃទី ៧ ខែមករានេះ ដល់ថ្ងៃទី ៨ ខែមករា ឆ្នាំ ២០២២នេះ។ នៅទីនោះ ប្រមុខរាជរដ្ឋាភិបាលកម្ពុជា នឹងមានជំនួបទ្វេភាគីជាមួយ នាយឧត្តមសេនីយ៍ជាន់ខ្ពស់ មីន អោង ឡាំង ដើម្បីពិភាក្សា និងផ្លាស់ប្តូរទស្សនៈអំពីកិច្ចសហប្រតិបត្តិការទ្វេភាគី និងពហុភាគី និងការវិវត្តថ្មីៗ នៅក្នុងអាស៊ាន។

នៅក្នុងដំណើរទស្សនកិច្ចនេះដែរ សម្តេចតេជោនាយករដ្ឋមន្ត្រីកម្ពុជា ក៏បាននាំទៅជាមួយនូវជំនួយជាម៉ាស់ជាង ៣លាន និងគ្រឿងបរិក្ខារពេទ្យជាច្រើនទៀត ដើម្បីចូលរួមប្រយុទ្ធប្រឆាំងការរាតត្បាតជំងឺកូវីដ-១៩ នៅក្នុងប្រទេសមីយ៉ាន់ម៉ា៕

អត្ថបទ ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ២៨ នាទី មុន

បញ្ជីបេក្ខជន នៃគណបក្សចំនួន ៩ ទទួលបានអាសនៈក្រុមប្រឹក្សា សម្រាប់ការបោះឆ្នោតឃុំ-សង្កាត់អាណត្តិទី ៥

សន្តិសុខសង្គម៣៤ នាទី មុន

កូនប្រុសស្រី ​ស្រែកយំ​ឡូឡា​មុខរោងការ​ឪពុក​ សុំលុយ១ម៉ឺនដុល្លារ​សងធនាគារ

ព័ត៌មានអន្ដរជាតិ៤៧ នាទី មុន

មេដឹកនាំប្រទេសមួយនៅ អាស៊ាន បញ្ជាក់ពេលវេលាជួបទាំងលោក Putin និង Zelensky

ព័ត៌មានជាតិ២ ម៉ោង មុន

មេសហជីពមួយរំពឹងថា ប្រាក់ឈ្នួលកម្មករឆ្នាំ២០២៣ នឹងបន្តកើនឡើង ជាងឆ្នាំ២០២២

ព័ត៌មានជាតិ២ ម៉ោង មុន

មន្ត្រីក្រសួងយុត្តិធម៌ ៖ ការអំពាវនាវឲ្យដោះលែង និងទម្លាក់បទចោទលើអ្នកប្រព្រឹត្តខុសច្បាប់ មិនមែនជាការធានាលំហប្រជាធិបតេយ្យទេ  

Sokha Hotels

ព័ត៌មានពេញនិយម