នយោបាយ
អ្នកនាំពាក្យ ៖ លោក សុន ឆ័យ ទទួលស្គាល់ថា ក្រុមការងារបក្សភ្លើងទៀន ពិតជាបានដាក់បេក្ខជនខ្លះ មិនចេះអាន មិនចេះសរសេរអក្សរមែន
គណៈកម្មាធិការជាតិរៀបចំការបោះឆ្នោត (គ.ជ.ប) នៅព្រឹកថ្ងៃទី ១១ ខែមេសា ឆ្នាំ ២០២២នេះ បានជួបពិភាក្សាការងារជាមួយតំណាងគណបក្សភ្លើងទៀន ទាក់ទងនឹងដំណើរការរៀបចំការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី ៥ ឆ្នាំ ២០២២ ដែលនឹងត្រូវធ្វើឡើងនៅដើមខែមិថុនាខាងមុខ។
លោក សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប មានប្រសាសន៍ប្រាប់កម្ពុជាថ្មីថា នៅក្នុងជំនួបនោះលោក សុន ឆ័យ បានទទួលស្គាល់ថា ក្រុមការងាររបស់លោក ពិតជាបានដាក់បេក្ខជនខ្លះ មិនចេះអាន មិនចេះសរសេរអក្សរខ្មែរមែន។
លោកបញ្ជាក់យ៉ាងដូច្នេះថា «នៅក្នុងជំនួបនោះលោក សុន ឆ័យ បានទទួលស្គាល់ថា ក្រុមការងារគណបក្សភ្លើងទៀន ពិតជាបានដាក់បេក្ខជនមិនចេះអាន មិនចេះសរសេរអក្សរខ្មែរជាបេក្ខជន និងបានរៀបចំឯកសារផ្សេងទៀត ពាក់ព័ន្ធប្រវត្តិរូបសង្ខេបឈរឈ្មោះជាបេក្ខជន ដោយក្រុមការងារគណបក្សភ្លើងទៀន ហើយពេលខ្លះក្រុមការងារគណបក្សភ្លើងទៀននេះ បានចុះហត្ថលេខាជំនួសក៏មាន»។
ចំណែកលោក សុន ឆ័យ បានថ្លែងប្រាប់អ្នកសារព័ត៌មានក្រោយពីជំនួបនោះថា នៅក្នុងជំនួបនោះ បានលើកឡើងអំពីការលុបឈ្មោះបេក្ខជនគណបក្សភ្លើងទៀនចេញពីបញ្ជី, ការលុបបញ្ជីបេក្ខជនចូលរួមបោះឆ្នោតរបស់គណបក្សភ្លើងទៀន, ការបំភិតបំភ័យសកម្មជនគណបក្ស, ករណីមេប៉ូលីសស្លៀកពាក់ស៊ីវិល ឈរខាងមុខការិយាល័យបោះឆ្នោត, និងបញ្ហាអ្នកសង្កេតការណ៍របស់គណបក្សភ្លើងទៀន ដែលត្រូវគំរាមដកបណ្ណក្រីក្រជាដើម។
លោក សុន ឆ័យ បានអះអាងថា ករណីមានកំហុសលើបញ្ជី គួរតែផ្ដល់សិទ្ធឲ្យដាក់បញ្ជីថ្មីមួយទៀត ដែលការធ្វើដូច្នេះដើម្បីឲ្យមានការចូលរួមស្មើភាព ឬផ្ដល់លទ្ធភាពដើម្បីឲ្យមានការចូលរួម។ លោកថា ជំនួបពិភាក្សានេះខាងលើ គ.ជ.ប អះអាងថា អាចនឹងមានការកែលម្អខ្លះ ហើយការលុបបញ្ជីបេក្ខជននេះនឹងមានការកែប្រែផងដែរ។ ជាមួយគ្នានោះលោក សុន ឆ័យ បានស្នើសុំឲ្យ គ.ជ.ប ស្នើទៅខាងសមត្ថកិច្ចថា ប្រសិនបើមានរឿងអ្វីមួយពាក់ព័ន្ធនឹងបេក្ខជន សូមឲ្យទុករឿងនោះសិន ចាំរួចការបោះឆ្នោត ចាំដោះស្រាយ។
ទោះជាយ៉ាងណាលោក សុន ឆ័យ បានអះអាងថា នៅក្នុងជំនួបនេះមានលទ្ធផលច្រើន ហើយជាបរិបទថ្មីមួយក្នុងការជជែកពិភាក្សា។ លោកថា បើការបោះឆ្នោតប្រព្រឹត្តិទៅដោយរលូន នៅពេលលទ្ធផលចេញ អ្នកចាញ់ត្រូវជូនពរអ្នកឈ្មះ។ លោកថា នៅក្នុងជំនួបនោះតំណាង គ.ជ.ប បានអះអាងថា គ.ជ.ប បានធ្វើការងារនេះខ្លះហើយ ដើម្បីធ្វើយ៉ាងណាឲ្យបរិយាកាស នៃការបោះឆ្នោតនេះប្រព្រឹត្តទៅដោយរលូន ស្មើរភាព និងអាចទទួលយកបានពីគ្រប់ភាគីពាក់ព័ន្ធ។
សូមបញ្ជាក់ថា នៅជំនួបនោះ ខាងគណបក្សភ្លើងទៀន មានចំនួន ៤រូបគឺ ទី១. លោក សុន ឆ័យ អនុប្រធានគណបក្ស ទី២. លោក សំ សុគង់ សមាជិកអន្ត្រៃយ៍គណបក្ស និងជាមេធាវី ទី៣. លោក កែត ឃី មេធាវីរបស់គណបក្ស ទី៤. លោក ហែម សុជាតិ អនុប្រធានការិល័យច្បាប់របស់គណបក្ស។ ចំណែកខាង គ.ជ.ប ដឹកនាំដោយលោក ទេព នីថា អគ្គលេខាធិការ គ.ជ.ប, លោក សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប, លោក តុប ប្ញទ្ធី អគ្គនាយក នៃអគ្គនាយកដ្ឋានសេវាកម្មច្បាប់ គ.ជ.ប, លោក វឹង មុន្នី នាយកខុទ្ធកាល័យប្រធាន គ.ជ.ប, លោក ខន កែវមនោ អគ្គនាយករង នៃអគ្គនាយកដ្ឋានសេវាកម្មច្បាប់ និងសហការីមួយចំនួនទៀត៕
អត្ថបទ៖ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង