នយោបាយ
មីយ៉ាន់ម៉ា មិនព្រមបញ្ជូន«តំណាង»មកចូលរួមកិច្ចប្រជុំរដ្ឋមន្រ្តីការបរទេសអាស៊ាននៅកម្ពុជាឡើយ
កិច្ចប្រជុំរដ្ឋមន្ត្រីការបរទេសអាស៊ានលើកទី៥៥ ដែលកម្ពុជាធ្វើជាម្ចាស់ផ្ទះ នឹងប្រព្រឹត្តធ្វើឡើងដោយមិនមានវត្តមាន«តំណាងមិនពាក់ព័ន្ធនយោបាយ»ណាមួយរបស់មីយ៉ាន់ម៉ាចូលរួមឡើយ។ នេះបើតាមការបញ្ជាក់ឲ្យដឹងរបស់លោក លុយ ដាវីត រដ្ឋលេខាធិការក្រសួងការបរទេសកម្ពុជា និងជាប្រធានលេខាធិការដ្ឋានរៀបចំកិច្ចប្រជុំរដ្ឋមន្ត្រីការបរទេសអាស៊ានលើកទី៥៥។
លោក លុយ ដាវីត បានបញ្ជាក់ប្រាប់«កម្ពុជាថ្មី» នៅរសៀលថ្ងៃព្រហស្បតិ៍នេះថា សម្រាប់ប្រទេសមីយ៉ាន់ម៉ា អាស៊ានបានសម្រេចមិនអញ្ជើញឲ្យរដ្ឋមន្ត្រីការបរទេសចូលរួមឡើយ តែអាចចាត់តំណាងមិនមែនកម្រិតនយោបាយចូលរួមប្រជុំដោយផ្ទាល់បាន។ តែយ៉ាងណា រដ្ឋាភិបាលយោធាមីយ៉ាន់ម៉ាមិនបានដាក់តំណាងមិនមែនកម្រិតនយោបាយចូលរួមនោះទេ។ នេះ គឺជាលើកទី២ហើយដែលមីយ៉ាន់ម៉ា មិនបញ្ជូនតំណាងមិនមែនកម្រិតនយោបាយចូលរួមប្រជុំនៅក្នុងប្រទេសកម្ពុជា។
នៅក្នុងកិច្ចប្រជុំចង្អៀតរដ្ឋមន្រ្តីការបរទេសអាស៊ានដែលធ្វើឡើងនៅរាជធានីភ្នំពេញ កាលពីខែកុម្ភៈ ឆ្នាំ២០២២ មានវត្តមានចូលរួមដោយផ្ទាល់របស់រដ្ឋមន្ត្រីការបរទេសចំនួន ៦ ប្រទេស គឺ ឥណ្ឌូនេស៊ី ម៉ាឡេស៊ី សិង្ហបុរី ហ្វីលីពីន ឡាវ និងរដ្ឋមន្ត្រីការបរទេសកម្ពុជា ជាម្ចាស់ផ្ទះ។ ចំណែក រដ្ឋមន្ត្រីការបរទេសចំនួន ៣រូប គឺថៃ ប៊្រុយណេ និងវៀតណាម ចូលរួមប្រជុំតាមប្រព័ន្ធអនឡាញ។ ប៉ុន្តែ នៅពេលនោះ រដ្ឋមន្ត្រីការបរទេសមីយ៉ាន់ មិនត្រូវបានអញ្ជើញឲ្យចូលរួមឡើយ ហើយមីយ៉ាន់ម៉ា ក៏មិនបញ្ជូនតំណាងណាមួយមកចូលរួមដែរ។
សូមបញ្ជាក់ថា កិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធនានា នឹងធ្វើឡើងចាប់ពីថ្ងៃទី៣១ ខែកក្កដា ដល់ថ្ងៃទី៦ ខែសីហា ឆ្នាំ២០២២ ដែលនឹងប្រព្រឹត្តទៅតាមទម្រង់ដោយផ្ទាល់នៅរាជធានីភ្នំពេញ។ គិតមកដល់ពេលនេះ មានប្រទេសជាសមាជិកអាស៊ាន និងប្រទេសជាដៃគូរនានាចំនួន ៣១ប្រទេសហើយ បានចុះឈ្មោះមកចូលរួមសម្រាប់កិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធនេះដោយផ្ទាល់នៅក្នុងប្រទេសកម្ពុជា៕
ដោយ ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ