នយោបាយ
សម្ដេចតេជោ ហ៊ុន សែន អំពាវនាវមន្ត្រីបក្សប្រជាជនកម្ពុជា ចុះពន្យល់ពលរដ្ឋគូសសន្លឹកឆ្នោតឲ្យបានត្រឹមត្រូវ
សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា បានអំពាវនាវដល់មន្ត្រីគណបក្សប្រជាជនកម្ពុជា និងមន្ត្រីបណ្ដាគណបក្សនយោបាយ ដែលចូលរួមការបោះឆ្នោតជ្រើសតាំង តំណាងរាស្រ្ដ នីតិកាលទី ៧ ទាំងអស់ ត្រូវរួមគ្នាចុះពន្យល់ប្រជាពលរដ្ឋម្ចាស់ឆ្នោតឲ្យគូសសន្លឹកឆ្នោតឲ្យបានត្រឹមត្រូវ។
ការអំពាវនាវយ៉ាងដូច្នេះ បន្ទាប់ពីមានពួកជនក្លែងបន្លំ ជាថ្នាក់ដឹកនាំគណបក្សប្រជាជនកម្ពុជា និងគណបក្សនយោបាយដទៃទៀត បានទៅណែនាំឲ្យគូសដូចសន្លឹកឆ្នោតគំរូ ដែលសម្ដេចបានបង្ហោះនៅក្នុងបណ្ដាញសង្គមតេលេក្រាម ដោយគេគូសធ្វើយ៉ាងម៉េច ដើម្បកុំឲ្យសន្លឹកឆ្នោតនោះបានការ។
តាមរយៈសារជាសំឡេង កាលពីយប់ថ្ងៃទី ៤ ខែកក្កដា ឆ្នាំ ២០២៣ សម្ដេចតេជោ ហ៊ុន សែន បានឲ្យដឹងថា កាលកន្លងទៅនេះ សម្ដេច បានទទួលព័ត៌មានថា មានជនក្លែងបន្លំថា ជាថ្នាក់ដឹកនាំគណបក្សប្រជាជនកម្ពុជា បានទៅណែនាំឲ្យគូសដូចសន្លឹកឆ្នោតគំរូ ដែលសម្ដេចបានបង្ហោះនៅក្នុងបណ្ដាញសង្គមតេលេក្រាម។ ការគូសរបៀបនេះ គឺមិនមែនមានតែសម្រាប់គណបក្សប្រជាជនកម្ពុជានោះទេ ដោយគណបក្សនយោបាយដទៃទៀត ក៏កើតឡើងបែបនេះដែរ ដោយគេគូសធ្វើយ៉ាងម៉េច ដើម្បកុំឲ្យសន្លឹកឆ្នោតនោះបានការ។
សម្ដេចតេជោ ហ៊ុន សែន លើកឡើងថា ទង្វើបែបនេះ ត្រូវទាមទារឲ្យគ្រប់គណបក្សនយោបាយទាំងអស់ ត្រូវតែបង្រៀនប្រជាពលរដ្ឋដែលជាសមាជិក-សមាជិការបស់ខ្លួន ឲ្យចេះគូសសន្លឹកឆ្នោតដើម្បីឲ្យជាសន្លឹកឆ្នោតបានការ។ ពួកក្លែងបន្លំ បានទៅពន្យល់ប្រជាពលរដ្ឋថា ការគូសច្រើនដងលើសពីមួយ ពីរ ឬបី គឺមានន័យថា បង្ហាញពីការស្រលាញ់ពេញចិត្តចំពោះគណបក្សប្រជាជនកម្ពុជា។ ដូច្នេះហើយ ទើបធ្វើឲ្យប្រជាពលរដ្ឋ គូសកាន់តែច្រើនដើម្បីបង្ហាញក្ដីស្រលាញ់ ចំពោះគណបក្សប្រជាជនកម្ពុជា ដោយពួកក្លែងបន្លំនោះ មានវិធីសាស្រ្ដរបស់ពួកគេ។ សម្រាប់គណបក្សនយោបាយដទៃ ដែលចូលរួមការបោះឆ្នោត ក៏ដូចគ្នាដែរ។
សម្ដេចតេជោ ហ៊ុន សែន បានអំពាវនាវបែបនេះថា «ដូច្នេះខ្ញុំអំពាវនាវទាំងសមាជិក-សមាជិកាគណបក្សប្រជាជន ទាំងបណ្ដាគណបក្សនយោបាយផ្សេងៗ រួមគ្នាដើម្បីពន្យល់ដល់ប្រជាពលរដ្ឋឲ្យគូសសន្លឹកឆ្នោតឲ្យបានត្រឹមត្រូវ ព្រោះនេះជាកិច្ចការដែលយើងត្រូវធ្វើរួមគ្នា ដើម្បីឲ្យការបោះឆ្នោតមួយធានានូវភាពរលូន និងជោគជ័យ សម្រាប់ជាតិយើងទាំងមូល»។
ជាមួយគ្នានេះ សម្ដេចតេជោ ហ៊ុន សែន ក៏បានណែនាំដល់ក្រសួងប្រៃសណីយ៍ និងទូរគមនាគមន៍ ត្រូវស្រាវជ្រាវផងដែរ ព្រោះក៏មានក្រុមដែលបង្រៀនគូសសន្លឹកឆ្នោតតាមអនឡាញដែរ។ «ធ្វើការស្រាវជ្រាវជាបន្ទាន់ តើអ្នកណាខ្លះប្រើប្រាស់អនឡាញ ដើម្បីធ្វើកិច្ចការងារនេះ អាចនឹងមានវិធីរកឃើញចំពោះមុខសញ្ញានេះ»។ នេះជាការណែនាំបន្ថែមរបស់សម្ដេចតេជោ ហ៊ុន សែន។
បន្ថែមពីលើនេះទៀត សម្ដេចតេជោ ហ៊ុន សែន ក៏បានណែនាំធ្វើយ៉ាងណា ចាប់ឲ្យបានពួកដែលក្លែងបន្លំជាមន្ត្រីគណបក្សប្រជាជនកម្ពុជា ហើយទៅបង្រៀនប្រជាពលរដ្ឋឲ្យគូសសន្លឹកឆ្នោតខុស។ ប្រសិនបើចាប់បានពួកគេ គឺជាការជួយដល់គណៈកម្មាធិការជាតិរៀបចំការបោះឆ្នោត (គ.ជ.ប) និងសមត្ថកិច្ចដែលធ្វើការពាក់ព័ន្ធនឹងការបោះឆ្នោត ផងដែរ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ