Connect with us

សន្តិសុខសង្គម

ចូលកាច់.ក ម៉ូតូ មិនបានសម្រេច ត្រូវម្ចាស់ឃើញទាន់ វាយទ្រមប្រគល់ឲ្យសមត្ថកិច្ច

បានផុស

នៅ

ជនសង្ស័យ​ម្នាក់ ត្រូវ​ប្រជាពលរដ្ឋ​ចាប់ខ្លួន បន្ទាប់ពី​ព្យាយាម​កាច់.ក ម៉ូតូ ១ គ្រឿង តែ​មិន​បាន​សម្រេច នៅ​លើ​ផ្លូវ​ចោមចៅ (​វេ​ង​ស្រេង​) ចំណែក​បក្ខពួក​ម្នាក់ទៀត ជិះ​ម៉ូតូ​រត់​គេច​ខ្លួន​បាត់​ស្រមោល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍​នេះ​បាន​កើតឡើង​កាលពី​វេលា​ម៉ោង​ប្រមាណ ៧ និង ៣០ នាទី​យប់ ថ្ងៃ​ទី ៣០ ខែ​តុលា ឆ្នាំ ២០២៥ នៅ​ចំណុច​ទល់មុខ​ហាង​លក់​ខោអាវ​យីហោ PT ភូមិ​ចោមចៅ​ ៣ សង្កាត់​ចោមចៅ​ទី​ ២ ខណ្ឌ​ពោធិ៍​សែន​ជ័យ រាជធានី​ភ្នំពេញ។ ជនសង្ស័យ​មាន​ឈ្មោះ សៀង ហាក់​លី អាយុ ៥៣ ឆ្នាំ មុខរបរ និង​ទីលំនៅ​មិន​ច្បាស់លាស់។

ស្ត្រី​ម្ចាស់​ម៉ូតូ បាន​ប្រាប់​ថា មុន​ពេល​កើតហេតុ នាង​បាន​ជិះ​ម៉ូតូ​ ម៉ាក Honda Dream C125 ពណ៌​ខ្មៅ ពាក់​ស្លាក​លេខ ភ្នំពេញ 1JG-5299 មក​ទុក​នៅ​មុខ​ហាង PT រួច​ចូល​ទៅ​ក្នុង​ហាង។ មិនយូរប៉ុន្មាន ស្រាប់តែ​លេច​មុខ​បុរស ២ នាក់ ជិះ​ម៉ូតូ ១ គ្រឿង​ មិន​ច្បាស់​ម៉ាក មក​ឈប់​ជិត​ហាង។ បុរស​ម្នាក់​ដែល​អង្គុយ​ពីក្រោយ​ បាន​ចុះ​ចូល​ទៅ​កាច់.ក ម៉ូតូ តែ​ត្រូវ​ម្ចាស់​ឃើញ​ទាន់ ស្រែក “​ចោរៗ​!” ហើយ​ត្រូវ​ប្រជាពលរដ្ឋ​ជួយ​ចាប់​បាន។

បន្ទាប់មក ជនសង្ស័យ ​ត្រូវ​បាន​វាយ​ទ្រម​ខ្លួន រួច​ទើប​ហៅ​ឲ្យ​សមត្ថកិច្ច​មូលដ្ឋាន​យក​ទៅ​សួរនាំ​បន្ត​។ បច្ចុប្បន្ន សមត្ថកិច្ច កំពុង​សួរនាំ​បន្ថែម និង​ចាត់ការ​តាម​នីតិវិធី​ផ្លូវ​ច្បាប់៕

អត្ថបទ ៖ សំណាង

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម