សន្តិសុខសង្គម
បាញ់សម្លាប់បុរសជនជាតិចិនម្នាក់ក្នុងផ្ទះជួល សមត្ថកិច្ចរកឃើញសំបកគ្រាប់៣នៅកន្លែងកើតហេតុ
បុរសជាជនជាតិចិនម្នាក់ត្រូវបានជនមិនស្គាល់មុខបាញ់សម្លាប់ជាច្រើនគ្រាប់នៅក្នុងបន្ទប់ផ្ទះជួលមួយកន្លែងបណ្ដាលឲ្យស្លាប់និងបង្កការភ្ញាក់ផ្អើលដល់កម្លាំងសមត្ថកិច្ច។
ករណីឃាតកម្មនេះលើបុរសជាជនជាតិចិននេះ បានកើតឡើងកាលពីវេលាម៉ោង៣និង៣០នាទី ថ្ងៃទី៤ ខែធ្នូ ឆ្នាំ២០២១ នៅក្នុងបុរីBlue Sky ក្នុងភូមិ៥ ក្រុងព្រះសីហនុ ខេត្តព្រះសីហនុ។

សមត្ថកិច្ចបានឲ្យដឹងថា សពជនរងគ្រោះមានឈ្មោះ JIKE MUNAI ភេទប្រុស អាយុ២១ឆ្នាំ កាន់លិខិតឆ្លងដែនលេខ ED៣៦០៣២០០ ស្នាក់នៅមិនពិតប្រាកដ ត្រូវបានឃាតកបាញ់សម្លាប់ដោយមានស្នាមគ្រាប់កាំភ្លើងចូលលើឆ្អឹងក្បាលជង្គង់គ្រាប់បៀមគ្រាប់១កន្លែង ស្នាមជើងខាងស្តាំ១កន្លែង បាញ់ត្រង់គន្លាក់ជង្គង់ធ្លាយភ្លៅទៅផ្នែកខាងក្រោយ និងបាញ់ចំចំហៀងក្បាលជង្គង់ខាងក្នុង ធ្លាយទៅគល់ភ្លៅខាងក្រោយ១កន្លែងទៀត ដែលសមត្ថកិច្ចបញ្ជាក់ថា គឺជាករណីឃាតកម្មបាញ់សម្លាប់ និងបានរកឃើញសំបកគ្រាប់កាំភ្លើងចំនួន៣គ្រាប់នៅចំណុចកើតហេតុ។

ពាក់ព័ន្ធករណីនេះ កម្លាំងនគរបាលខេត្តព្រះសីហនុ កំពុងស្រាវជ្រាវតាមចាប់ខ្លួនជនដៃដល់ដើម្បីយកមកផ្ដន្ទាទោសតាមផ្លូវច្បាប់។ ចំណែកសពជនរងគ្រោះត្រូវបានសមត្ថកិច្ចដឹកយកមកតម្កល់ទុកនៅមន្ទីរពេទ្យបង្អែកខេត្ត ដើម្បីរង់ចាំសាច់ញាតិមកទទួលយក៕



-
សន្តិសុខសង្គម៣ ថ្ងៃ ago
ឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម២ ថ្ងៃ ago
កុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ២ ថ្ងៃ ago
ក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៤ ថ្ងៃ ago
ភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ១ សប្តាហ៍ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៤ ថ្ងៃ ago
បាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ១ សប្តាហ៍ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម១ ថ្ងៃ ago
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ