សន្តិសុខសង្គម

Update៖ សមត្ថកិច្ចរកឃើញកាំភ្លើងដែលជនសង្ស័យបាញ់ជាង២០គ្រាប់រួចរត់គេចខ្លួន

បានផុស

២ years មុន

នៅ

ថ្ងៃព្រហស្បតិ៍ ៩ ធ្នូ ២០២១

ដោយ

សមត្ថកិច្ចបានតាមប្រមាញ់ និងស្រាវជ្រាវរុករកមុខសញ្ញាដែលបានបាញ់អស់ជាង២០គ្រាប់ រួចរត់គេចខ្លួន បង្កការភ្ញាក់ផ្អើលពេញស្រុកសំឡូតពេលនេះបានប្រទះឃើញកាំភ្លើងហើយ ដែលជនបង្កបានផ្លុងចោលក្នុងគុម្ពោធព្រៃ។

គួរបញ្ជាក់ថា កាលពីថ្ងៃទី០៦ ខែធ្នូ ឆ្នាំ២០២១ វេលាម៉ោងប្រហែល៨យប់ មានការបាញ់បោះសេរីចំនួន២១ គ្រាប់ បង្កការភ្ញាក់ផ្អើលយ៉ាងខ្លាំងដល់ប្រជាពលរដ្ឋ ដែលការបាញ់នេះបង្កដោយជនសង្ស័យឈ្មោះ សុខ គង់ ភេទប្រុស អាយុ៥៤ឆ្នាំ រស់នៅភូមិអូរស្ងួត ឃុំតាសាញ ស្រុកសំឡូត ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះគេសង្ស័យថា អាចមានការទាស់សម្តីជាមួយកូនប្រសារផង និងមកពីជនសង្ស័យផឹកស៊ីស្រវឹងផង ក៏ទាញកាំភ្លើងដែលលាក់ទុកខុសច្បាប់មកបាញ់ឡើងលើតែម្តង ដែលសមត្ថកិច្ចបានរកឃើញសំបងកាទុស្ស AK-47 សរុបចំនួន២១គ្រាប់ រួចជនសង្ស័យក៏បានរត់គេចខ្លួនចូលព្រៃបាត់ទាំងយប់តែម្តង។

ក្រោយពីកម្លាំងសមត្ថកិច្ចតាមស្រាវជ្រាវរុករកអស់មួយរយ:ខ្លីរួចមក នៅល្ងាចថ្ងៃទី០៨ ខែធ្នូ ឆ្នាំ២០២១ កម្លាំងងជំនាញសហការជាមួយកម្លាំងអន្តរាគមន៍ស្រុក និងកម្លាំងប៉ុស្តិ៍នគរបាលរដ្ឋបាលតាសាញ បានរកឃើញកាំភ្លើងAK-47 (ស្វ័យបត់) ១ដើម ពុំមានបង់ដែលជនសង្ស័យបោះចោលនៅចំណុចក្នុងព្រៃខាងក្រោយផ្ទះ ចម្ងាយប្រហែល៥០០ម៉ែត្រ ចំណែកជនសង្ស័យកំពុងគេចខ្លួនបាត់នៅឡើយ ៕

អត្ថបទ៖ សោ និយមរ័ត្ន