សន្តិសុខសង្គម
ផ្អាកអាជីវកម្មកាស៊ីណូទីងស៊ីង នៅខេត្តព្រះសីហនុ ក្រោយមានករណីចាប់បង្ខាំងមនុស្ស ធ្វើទារុណកម្ម និងជម្រិតទារប្រាក់
អាជ្ញាធរខេត្តព្រះសីហនុ បានសម្រេចផ្អាកជាបណ្ដោះអាសន្ន អាជីវកម្មកាស៊ីណូទីងស៊ីង មានអាសយដ្ឋាន ស្ថិតនៅផ្លូវមិត្តភាព ក្រុមទី ៤ ភូមិ ២ សង្កាត់លេខ ២ ក្រុងព្រះសីហនុ។
ក្នុងលិខិតរបស់លោក គួច ចំរើន អភិបាលខេត្តព្រះសីហនុ ជម្រាបជូនលោក Qian Cheng អ្នកគ្រប់គ្រងកាស៊ីណូទីងស៊ីង នៅថ្ងៃទី ១៥ ខែធ្នូ ឆ្នាំ ២០២១ បានបញ្ជាក់ថា ការប្រកបអាជីវកម្មរបស់កាស៊ីណូទីងស៊ីង មិនបានអនុវត្តត្រឹមត្រូវតាមច្បាប់ និងលិខិតបទដ្ឋានគតិយុត្តនានា ដែលកំពុងនៅជាធរមានឡើយ។
ជាក់ស្ដែងយោងតាមរបាយការណ៍ របស់ស្នងការដ្ឋាននគរបាលខេត្តព្រះសីហនុ បានបញ្ជាក់ថា កាលពីថ្ងៃទី ១៤ ខែធ្នូ ឆ្នាំ ២០២១កន្លងទៅនេះ មានករណីចាប់បង្ខាំងមនុស្ស ធ្វើទារុណកម្ម និងជម្រិតទារប្រាក់ នៅក្នុងកាស៊ីណូទីងស៊ីង ហើយត្រូវបានកម្លាំងមានសមត្ថកិច្ច បង្រ្កាបបានតាមបណ្ដឹងរបស់ភាគីជនរងគ្រោះ។
លិខិតដដែល បានឲ្យដឹងទៀតថា រដ្ឋបាលខេត្តព្រះសីហនុ សម្រេចផ្អាកកាស៊ីណូទីងស៊ីង ដែលមានអាសយដ្ឋាន នៅផ្លូវមិត្តភាព ក្រុមទី ៤ ភូមិ ២ សង្កាត់លេខ ២ ក្រុងព្រះសីហនុ ជាបណ្ដោះអាសន្ន។ ក្នុងអំឡុងពេលនេះ ស្នងការដ្ឋាននគរបាលខេត្ត ត្រូវចាត់តាំងកម្លាំងប្រចាំការ គ្រប់គ្រងទីតាំងនោះដើម្បីអនុវត្តនីតិវិធី និងទប់ស្កាត់បទល្មើស រង់ចាំក្រុមការងារចម្រុះ របស់រដ្ឋបាលខេត្តព្រះសីហនុ ចុះអង្កេតស្រាវជ្រាវករណីនេះ បានចប់សព្វគ្រប់ និងមិនអនុញ្ញាតឲ្យមានការផ្ទេរសិទ្ធិ ឬការលក់ ឬការជួល ឬការបញ្ចាំ ឬការធ្វើអំណោយទីតាំងនោះ ទៅឲ្យអ្នកដទៃជាដាច់ខាត ដោយត្រូវរង់ចាំការទូទាត់ប្រាក់ឈ្នួល និងអត្ថប្រយោជន៍ផ្សេងៗ ជូនកម្មករ-និយោជិត រួចរាល់សិន។
ក្នុងករណី អ្នកគ្រប់គ្រងកាស៊ីណូទីងស៊ីង មិនអនុវត្តតាមការសម្រេចខាងលើ រដ្ឋបាលខេត្តព្រះសីហនុ នឹងអនុវត្តវិធានការច្បាប់ ជាធរមាន៕
អត្ថបទ៖ ស៊ុយ ចាន់ធា
-
ព័ត៌មានជាតិ១ សប្តាហ៍ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
ចរាចរណ៍២ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ១ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ២ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម១ សប្តាហ៍ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ជីវិតកម្សាន្ដ១ សប្តាហ៍ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានអន្ដរជាតិ១ សប្តាហ៍ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
សន្តិសុខសង្គម១៧ ម៉ោង ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ