Connect with us

សន្តិសុខសង្គម

ឃាត់ខ្លួនជនសង្ស័យប្រុស-ស្រីពីរនាក់ ក្រោយឆែកឃើញកាំភ្លើងខ្លីមួយដើម

បានផុស

នៅ

ជនសង្ស័យ​ប្រុស-ស្រី ២​នាក់​ ត្រូវបាន​កម្លាំង​ប៉ុស្តិ៍នគរបាល​រដ្ឋបាល​ស្រះចក​ធ្វើការឃាត់ខ្លួន​បន្ទាប់​ពីរកឃើញលាក់ទុកកាំភ្លើងខ្លីមួយដើម។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យត្រូវបាន​ឃាត់ខ្លួន​នៅ​ចំណុខ​មុខផ្ទះ​លេខ A៦ ផ្លូវ​លេខ​៨២(​បឹងកក់​) ភូមិ​១ សង្កាត់​ស្រះចក ខណ្ឌដូនពេញ រាជធានី​ភ្នំពេញ​ កាលពី​រសៀលថ្ងៃទី​២៦ ខែធ្នូ ឆ្នាំ​២០២១​នេះ​ វេលា​ម៉ោង​១៥និង០០​នាទី​។​

មន្ត្រី​ផ្នែក​យុត្តិធម៌ និង​ប៉ុស្តិ៍ស្រះចក​ បាន​បន្តទៀតថា​ នៅ​មុនពេល​ឃាត់ខ្លួន​ជនសង្ស័យ​ទាំងនោះ ​គឺ​កម្លាំង​បានចេញ​ល្បាត​ក្នុង​មូលដ្ឋាន​លុះ​ទៅដល់​ចំណុច​កើតហេតុ ក៏​ឃើញ​ជនសង្ស័យ ដោយមាន​ការសង្ស័យ​ហៅ​ត្រួតពិនិត្យទើបរកឃើញអាវុធខ្លី​មួយ​ដើម​ម៉ាក PRAHA លេខ​Z៥១១៩៦៣ បង់​មួយ និង​គ្រាប់​ចំនួន​០៥​គ្រាប់នៅជាប់​នឹង​ខ្លួន ទើប​កម្លាំង​ធ្វើការ​ឃាត់ខ្លួន​នាំមក​ប៉ុស្តិ៍នគរបាល​រដ្ឋបាល​ស្រះចក ដើម្បី​សាកសួរ​។​

​ជនសង្ស័យមានឈ្មោះ មុយ សុខុម ភេទ​ប្រុស អាយុ​៤៤​ឆ្នាំ ជនជាតិខ្មែរ មុខរបរ​មិន​ពិតប្រាកដ ស្នាក់​នៅ​ផ្ទះជួល​លេខ​៤៤ បន្ទប់​៨ ផ្លូវ​លេខ​៧០ ភូមិ​២៤ សង្កាត់​ស្រះចក ខណ្ឌដូនពេញ​ ។ ឈ្មោះ សន រ៉​ន ភេទ​ស្រី អាយុ​៤០​ឆ្នាំ ជនជាតិខ្មែរ មុខរបរ​មិន​ពិតប្រាកដ ស្នាក់នៅ​ផ្ទះជួល​លេខ​៤៤ បន្ទប់​៨ ផ្លូវ​លេខ​៧០ ភូមិ​២៤ សង្កាត់​ស្រះចក ខណ្ឌដូនពេញ​។​

ជនសង្ស័យទាំងពីរនាក់ ត្រូវបានកំពុងសួរចម្លើយ និង​កសាង​សំណុំរឿង​បញ្ជូនទៅ​សាលាដំបូង​តាម​នីតិវិធី​ច្បាប់៕

អត្ថបទ៖ ​រស្មី​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម