សន្តិសុខសង្គម

ផ្ទុះអាវុធ៣គ្រាប់នៅក្រោយមន្ទីរពេទ្យលោកសង្ឃ

បានផុស

២ years មុន

នៅ

ថ្ងៃចន្ទ ៣ មករា ២០២២

ដោយ

ស្នូផ្ទុះអាវុធចំនួន៣គ្រាប់ទាំងកណ្តាលរាត្រីបង្កការភ្ញាក់ផ្អើលដល់បងប្អូនប្រជាពលរដ្ឋនិងសមត្ថកិច្ចកាលពីវេលាម៉ោង១២និង៣០នាទីរំលងអាធ្រាត្រ ឈានចូលថ្ងៃទី៣ ខែមករា ឆ្នាំ២០២២ នៅចំណុចខាងក្រោយពេទ្យលោកសង្ឃ តាមបណ្ដោយផ្លូវ២៦៥ ស្ថិតក្នុងសង្កាត់ទឹកល្អកទី២ ខណ្ឌទួលគោករាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញជនសង្ស័យជាខ្មាន់កាំភ្លើងម្នាក់ជិះម៉ូតូមួយគ្រឿងមិនស្គាល់ម៉ាកបានធ្វើដំណើរទៅតាមបណ្តោយផ្លូវ២៦៥ ទិសដៅពីត្បូងទៅជើងលុះមកដល់ចំណុចកើតហេតុ ដោយមិនដឹងថាមានរឿងអ្វីនោះទេ ជនសង្ស័យជាបានដកកាំភ្លើងបាញ់ឡើងលើចំនួន៣គ្រាប់ បង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋរស់នៅក្បែរកន្លែងកើតហេតុនាំគ្នាចេញមកមើលដោយមិនដឹងថាជាករណីអ្វី។ ឯខ្មាន់កាំភ្លើងបានជិះម៉ូតូគេចខ្លួនបាត់។

ក្រោយកើតហេតុសមត្ថកិច្ចមូលដ្ឋានបានចុះមកដល់បានពិនិត្យជាក់ស្ដែងនៅកន្លែងកើតហេតុនិង បានប្រមូលវត្ថុតាងសំបកគ្រាប់ចំនួន៣គ្រាប់យកទៅរក្សាទុកដើម្បីធ្វើការស្រាវជ្រាវតាមចាប់ជនសង្ស័យយកមកផ្តន្ទាទោសតាមផ្លូវច្បាប់៕

អត្ថបទ៖ សុខា