ព្រះរាជអាជ្ញា​រង​ខេត្ត​កោះកុង​ចុះ​បង្រ្កាប​ទីតាំង​កត់​ឆ្នោត​គ្មាន​ច្បាប់​មួយ​កន្លែង​កែង​ផ្សារ​ដងទង់

ព្រះរាជអាជ្ញារងអមសាលាដំបូងខេត្តកោះកុង សហការជាមួយកម្លាំងនគបាលក្រុងខេមរភូមិន្ទ ចុះបង្រ្កាបទទីតាំងកត់ឆ្នោតដោយគ្មានច្បាប់អនុញ្ញាតមួយកន្លែង នៅចំនុចខាងកើតកែងផ្សារដងទង់ ស្ថិតក្នុងភូមិ៣ សង្កាត់ដងទង ក្រុងខេមរភូមិន្ទ ខេត្តកោះកុង។

ប្រតិបត្តិការបង្រ្កាប និងទប់ស្កាត់ការលេងល្បែងស៊ីសងកត់ឆ្នោតថៃ វៀតណាម គឺធ្វើឡើងកាលពីថ្ងៃទី១១ ខែមីនា ឆ្នាំ២០២២ ប៉ុន្តែទើបបែកធ្លាយលេចឭមកកាន់ក្រុមអ្នកសារព័ត៌មាន។

ក្រោយពីបានត្រួតពិនិត្យឃើញថា ការកត់ឆ្នោតវៀតណាម និងថៃគឺគ្មានច្បាប់អនុញ្ញាតប្រាកដមែន ដោយជ្រកក្រោមអាជ្ញាប័ណ្ណឆ្នោតផ្សេងៗ។

ព្រះរាជអាជ្ញារងខេត្តកោះកុងបន្ថែមថា អ្នកស្រី ជា ហ្គេវជូ អាយុ៥៧ឆ្នាំ ជាម្ចាស់ទីតាំងបើកទីតាំងកត់ឆ្នោតខុសច្បាប់ខាងលើ បច្ចុប្បន្នត្រូវបានសមត្ថកិច្ចជំនាញបញ្ចូនខ្លួនមកតុលាការបន្តអនុវត្តនីតិវិធី។

វត្ថុតាងដកហូតរួមមាន៖ ក្រដាស់កត់កន្ទុយលេខឆ្នោតវៀតណាម២ដុំ ត្រាឆ្នោតថៃចំនួន៤ ត្រាឆ្នោតវៀតណាមចំនួន០២​ត្រាថ្ងៃខែឆ្នាំចំនួន២ កន្ទុយឆ្នោតចំនួន១ដុំ ម៉ាសុីនគិតលេខ១ បុិច៣ដើម ប្រដាប់កឹបក្រដាស់០១ និងវត្ថុតាងមួយចំនួនទៀត។

បើតាមលោកព្រះរាជអាជ្ញារងខេត្តកោះកុង ប្រតិបត្តិការបង្រ្កាបល្បែងឆ្នោតស៊ីសង នឹងបន្តស្រាវជ្រាវអនុវត្តនៅទីតាំងផ្សេងក្នុងមូលដ្ឋាន គ្រាសកម្មភាពបទល្មើសល្បែងស៊ីសងចាក់ឆ្នោត បៀរ អាប៉ោង ជល់មាន់កំពុងកើតមានលួចលាក់ជាច្រើនកន្លែងគ្មានការអនុញ្ញាត។

ម៉្យាងការលេងល្បែងស៊ីសង វាផ្ទុយនឹងគោលនយោបាយភូមិឃុំសង្កាត់មានសុវត្ថិភាពរបស់រាជរដ្ឋាភិបាលផងដែរ៕

អត្ថបទៈ សិរីវឌ្ឍនៈ