Connect with us

សន្តិសុខសង្គម

​អភិបាលខេត្តប្រាប់ឱ្យពលរដ្ឋ​ប្ដូរផ្លូវធ្វើដំណើរតាមផ្លូវជាតិលេខ៣ ខណៈទឹកហូរកាត់ផ្លូវជាតិលេខ៤

បានផុស

នៅ

លោក វី សំណាង អភិបាលខេត្តកំពង់ស្ពឺ នៅម៉ោង ៤ រសៀលថ្ងៃទី ១២ ខែកក្កដា ២០២២ នេះ បាន​ប្រកាសឱ្យប្រជាពលរដ្ឋ​ដែលមានបំណងធ្វើដំណើរតាមផ្លូវជាតិលេខ ៤ បង្វែរទៅតាមផ្លូវជាតិលេខ ៣ វិញ ខណៈជំនន់ទឹកភ្លៀងបានហូរកាត់ផ្លូវជាតិលេខ ៤ ត្រង់គីឡូម៉ែត្រ​លេខ ១១៦-១១៧។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្តព្រះសីហនុបានប្រកាសថា ក្នុងករណីភ្លៀងនៅតែបន្តធ្លាក់ថែមទៀត នឹងបណ្ដាលឱ្យជន់លិចផ្លូវជាតិលេខ ៤ កាន់តែខ្លាំង និងអាចឈានទៅផ្អាកចរាចរណ៍ជាបណ្ដោះអាសន្នត្រង់ចំណុចខាងលើ។

សូមជំរាបថា ភ្លៀងធ្លាក់ជាបន្តបន្ទាប់ក្នុងរយៈពេលប៉ុន្មានថ្ងៃនេះ ធ្វើឱ្យមានជំនន់ទឹកភ្លៀងនៅតាមភូមិឋានរបស់ប្រជាពលរដ្ឋក្នុងតំបន់ខ្លះ នៃស្រុកកំពង់សីលា ព្រមទាំងបានជន់លិចហូរកាត់ផ្លូវជាតិលេខ ៤ ត្រង់ចំណុចស្ពានស្ទឹងសំរោង គីឡូម៉ែត្រលេខ ១១៥-១១៦ ស្ថិតក្នុងភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ ប្រវែង ១៨០ ម៉ែត្រ៕

អត្ថបទ៖ ឡេង ដេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម