សន្តិសុខសង្គម
ផ្ដើមចេញពីទំនាស់រ៉ាំរ៉ៃ បុរសម្នាក់ចាក់សាំងដុតនិងកាប់ជនរងគ្រោះរងរបួសធ្ងន់
អ្នកភូមិជិតខាងគ្នាមានទំនាស់រ៉ាំរ៉ៃរហូតឈានដល់កាប់នឹងកាំបិតបុ័ងតោ និងយកសាំងដុតទៅលើជនរងគ្រោះបណ្តាលឲ្យរបួសធ្ងន់ តែនៅទីបំផុតត្រូវសមត្ថកិច្ចស្រុកអង្គរជុំ ឃាត់ខ្លួន។
ហេតុការណ៍ឃាត់ខ្លួនបានធ្វើឡើងនៅវេលាម៉ោង០៧ព្រឹកថ្ងៃទី១៧ ខែតុលា ឆ្នាំ២០២២ នៅភូមិម្កាក់ ឃុំតាសោម ស្រុកអង្គរជុំ ខេត្តសៀមរាប។
លោកវរសេនីយ៍ទោ សុខ ម៉េងអ៊ាង នាយការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តសៀមរាប បានឲ្យដឹងថា ដោយទទួលបានការចង្អុលបង្ហាញពីថ្នាក់ដឹកនាំខេត្តសៀមរាប លោកបានសហការណ៍ជាមួយកម្លាំងអធិការនគរបាលស្រុកអង្គរជុំ ចុះទៅដល់កន្លែងកើតហេតុឃាត់ខ្លួនជនសង្ស័យម្នាក់ឈ្មោះ សយ អាត ភេទប្រុស អាយុ៤៥ឆ្នាំ
មុខរបរកសិករ បច្ចុប្បន្នរស់នៅភូមិម្កាក់ ឃុំតាសោម ស្រុកអង្គរជុំ ខេត្តសៀមរាប ពាក់ព័ន្ធករណីហិង្សាដោយចេតនាមានស្ថានទម្ងន់ទោស (កាប់នឹងកាំបិតបុ័ងតោ និងដុតដោយសាំង ) កាលពីវេលាម៉ោង១៩និង២០នាទី ថ្ងៃទី១៦ ខែតុលា ឆ្នាំ២០២២ ត្រង់ចំណុចភូមិម្កាក់ ឃុំតាសោម ស្រុកអង្គរជុំ ដែលមានជនរងគ្រោះឈ្មោះ ឈឿ បូណា ភេទប្រុស អាយុ ៤២ឆ្នាំ មុខរបរកសិករ បច្ចុប្បន្នរស់នៅភូមិកើតហេតុខាងលើ។
លោកបន្ថែមថា ករណីនេះផ្តើមចេញពីមានទំនាស់ពាក្យសម្តីគ្នាជាមួយជនសង្ស័យ ភ្លាមនោះជនសង្ស័យបានយកសាំងដុតកញ្ចុះ និងដុតទៅលើជនរងគ្រោះបណ្តាលឲ្យឆេះអាវ បន្ទាប់មកជនសង្ស័យបានយកកាំបិតពីក្នុងផ្ទះ កាប់មកលើជនរងគ្រោះបណ្តាលឲ្យរបួសលើផ្ទៃមុខ ០១កាំបិត និង ស្មាខាងឆ្វេង ០១កាំបិត ក្រោយពេលធ្វើសកម្មភាពហើយ
ជនសង្ស័យបានរត់ចូលក្នុងផ្ទះ ហើយចាក់សោរផ្ទះសង្ងំក្នុងផ្ទះ លុះព្រឹកឡើងនៅពេលកម្លាំងចុះទៅ និងហៅជនសង្ស័យចេញពីក្នុងផ្ទះ តែពេលនោះជនសង្ស័យព្យាយាមយកសាំងគំរាមដុតខ្លួនឯងតែត្រូវកម្លាំងសមត្ថកិច្ច ឃាត់ខ្លួនយកមកធ្វើការសាកសួរតែម្តង។
លោកបញ្ជាក់ថា នៅចំពោះមុខសមត្ថកិច្ច ជនសង្ស័យបានឆ្លើយសារភាពថា ដោយសារខឹងជនរងគ្រោះតែងតែមានទំនាស់ជាមួយរូបខ្លួនទើបនៅថ្ងៃកើតហេតុរូបខ្លួនបានយកសាំងចាក់ដុតទៅលើជនរងគ្រោះ ហើយថែមទាំងយកកាំបិតកាប់ទៅលើជនរងគ្រោះពិតប្រាកដមែន។
វត្ថុតាងដកហូតបាន កាំបិត០១ ពូថៅ ០១ និងសាំង០៦ដប ។ បច្ចុប្បន្ននេះជនសង្ស័យត្រូវបានកម្លាំងជំនាញរៀបចំសំណុំរឿងបញ្ជូនទៅតុលាការដើម្បីចាត់ការទៅតាមផ្លូវច្បាប់៕
អត្ថបទ៖ កុសល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង