យុវជនដ៏ស្រស់ស្អាតម្នាក់បានសម្រេចចិត្តធ្វើអត្តឃាតដោយចងកសម្លាប់ខ្លួន បន្ទាប់ពីឪពុកបានចូលសួរខាងស្រីដើម្បីយកធ្វើជាកូនប្រសារ តែត្រូវឪពុក ម្តាយខាងស្រីបង្គាប់លើបណ្ណាការខ្ពស់ពេក។

ហេតុការណ៍នេះ បានកើតឡើងកាលពីថ្ងៃទី ១០ ខែមីនា វេលាម៉ោង ៥ នៅក្នុងបន្ទប់ទឹក ស្ថិតនៅចំណុច ភូមិសំឡូត ឃុំសំឡូត ស្រុកសំឡូត ខេត្តបាត់ដំបង។

បើតាមការរៀបរាប់ពីក្រុមគ្រួសារបាននិយាយថា យុវជនរងគ្រោះរូបនេះមានឈ្មោះ ហាត ហួត អាយុ ២០ឆ្នាំ រស់នៅក្នុងភូមិ ឃុំ កើតហេតុខាងលើ ហើយការធ្វើអត្តឃាតនេះ ក្រោយពីឪពុកចូលសួរនាំដើម្បីរកប្រពន្ធឲ្យប៉ុន្តែខាងស្រីយកថ្លៃបណ្ណាការច្រើនពេក មិនមានលុយគ្រប់ ក៏ធ្វើឱ្យមានការតូចចិត្ត ទើបសម្រេចចិត្តធ្វើអត្តឃាត ដោយប្រើប្រាស់ខ្សែគោ ចងទៅនឹងធ្នឹមបន្ទប់ទឹករបស់ខ្លួន។ បច្ចុប្បន្នសពត្រូវបានក្រុមគ្រួសាររៀបចំធ្វើបុណ្យហើយដែលប្រកបដោយភាពសោកសង្រែងជាទីបំផុត៕

អត្ថបទ៖ សោ និយមរ័ត្ន