សន្តិសុខសង្គម
គណៈបញ្ជាការស្រុកថ្មគោល ចុះប្រតិបត្តិការលើកទី១ ប្រមូលជនប្រើថ្នាំញៀន ជនសតិមិនល្អ
លោក សេង លុច អធិការស្រុកថ្មគោល ខេត្តបាត់ដំបង បានឱ្យដឹងថា នេះជាលើកទី១ ហើយដែលគណៈបញ្ជាការ ស្រុកថ្មគោល ចុះប្រតិបត្តិការប្រមូលជនអនាថាជិត ៣០នាក់ តាមមូលដ្ឋានដើម្បីបន្ធូរបន្ថយការតានតឹងក្នុងអារម្មណ៍របស់ប្រជាពលរដ្ឋក្នុងមូលដ្ឋាន ដែលក្រុមជនជនញៀនថ្នាំ និងជនសតិមិនល្អទាំងនេះតែងដើរអុកឡុងស្ទើររាល់ថ្ងៃ។

លោក សេង លុច បញ្ជាក់ថា ការប្រមូលក្រុមនេះគឺបញ្ជូនទៅមណ្ឌលកែប្រែ ហើយសមត្ថកិច្ចនឹងសុំស្នើគោលការណ៍ថ្នាក់លើជាថ្មីទៀត ប្រសិនបើមានជនអនាថា និងជនសរសៃប្រសាទ ឬសតិមិនគ្រប់នៅតាមមូលដ្ឋាន។

លោក សេង លុច បានឱ្យដឹងបន្តថា ជនអនាថា ដែលកម្លាំងគណៈបញ្ជាការកងឯកភាពស្រុកចុះប្រមូលបាននេះគឺប្រមូលពីតាមបណ្ដាមូលដ្ឋាននានា និងនៅក្នុងទីប្រជុំជនស្រុកថ្មគោល។ ពួកគេជាជនអនាថា ជនប្រើញៀនថ្នាំ និងជនមានសតិមិនប្រក្រតី សរុបចំនួន ២៧នាក់។

លោក សេង លុច លើកឡើងថា ក្រុមនេះតែងតែបង្កការអុកឡុកតាមមូលដ្ឋាន និងតាមទីប្រជុំជនដែលយើងពិបាកក្នងការគ្រប់គ្រង ធ្វើឱ្យពលរដ្ឋក្នុងមូលដ្ឋានព្រួយបារម្ភ ទើបអាជ្ញាធរស្រុកបានសម្រេចស្នើសុំគោលការណ៍ថ្នាក់លើ ដើម្បីប្រមូលពួកគេ ហើយកម្លាំងគណៈបញ្ជាការកងឯកភាពស្រុកថ្មគោល បាននាំយកទៅដាក់នៅមណ្ឌលកែប្រែ “ពិភពនៃក្តីសង្ឃឹម” ចំនួន ២៣នាក់ ចំណែក៤នាក់ទៀត ដែលមានរោគសសៃប្រសាទ បាននាំយកទៅប្រគល់ជូន មន្ទីរសង្គមកិច្ច អតីតយុទ្ធជន និង យុវនីតិសប្បទាខេត្ត កាលពីថ្ងៃម្សិលមិញ ថ្ងៃទី៣១ ខែមីនា៕
អត្ថបទ៖ សៅ សារិទ្ធ
-
ព័ត៌មានអន្ដរជាតិ២ ថ្ងៃ មុន
វេបសាយ ថៃ ចុះផ្សាយពីម្ហូបអាហារនៅស៊ីហ្គេមរបស់កម្ពុជាថា មានច្រើនមុខរាប់មិនអស់
-
ជីវិតកម្សាន្ដ៦ ថ្ងៃ មុន
ធ្លាយវីដេអូស្និទ្ធស្នាលរវាង Pinky និង Tui ក្រោយល្បីថារស់នៅក្រោមដំបូលតែមួយ
-
ជីវិតកម្សាន្ដ១ សប្តាហ៍ មុន
James Jirayu បង្ហោះរូបគូស្នេហ៍លើកដំបូង ធ្វើឱ្យហ្វេនស្រីៗខូចចិត្តព្រាត
-
ព័ត៌មានជាតិ១ សប្តាហ៍ មុន
ប្អូនប្រុសរបស់លោក ស៊ន តារា អះអាងថា នឹងព្យាយាមពន្យល់បងប្រុសឲ្យចាកចេញពីក្រុមឧទ្ទាមក្បត់ជាតិ
-
ជីវិតកម្សាន្ដ៤ ថ្ងៃ មុន
Matt ទម្លាយថា នាងបែកគ្នាជាមួយមិត្តប្រុសយូរហើយ និងគ្មានជនទីបីពាក់ព័ន្ធ
-
ជីវិតកម្សាន្ដ៤ ថ្ងៃ មុន
ម្ដាយ Matt បង្ហោះសារវែងអន្លាយលើកទឹកចិត្តកូនស្រី ក្រោយបែកបាក់ជាមួយ Songkran
-
ព័ត៌មានជាតិ១ សប្តាហ៍ មុន
ក្រុមហ៊ុន ប៊ូ យ៉ុង ផ្ដល់ជំនួយរថយន្តក្រុង ១ ០០០ គ្រឿងដល់កម្ពុជា
-
ជីវិតកម្សាន្ដ៥ ថ្ងៃ មុន
កូនស្រីជាទូតសុឆន្ទៈឱ្យប្រេន CELINE ទាំងមូល តែម្ដាយ Lisa ប្រើការបូបតម្លៃថោកៗ