សន្តិសុខសង្គម
ក្រុមគប់កញ្ចក់រថយន្ដនៅផ្លូវជាតិលេខ៣ អាវុធហត្ថខេត្តតាកែវចាប់ខ្លួនបាន៦នាក់
ក្រុមគប់កញ្ចក់រថយន្ដនៅផ្លូវជាតិលេខ៣បណ្ដាលឲ្យបុរសជាអ្នកបើករថយន្ដម្នាក់រងរបួសកាលពីថ្ងៃទី១ ខែកញ្ញាកន្លងទៅ ត្រូវបានកម្លាំងបញ្ជាការដ្ឋានកងរាជអាវុធហត្ថខេត្តតាកែវធ្វើការស្រាវជ្រាវចាប់ខ្លួនបានហើយដែលមានបក្ខពួកសរុប៦នាក់ និងវត្ថុតាងមួយចំនួន។
សូមបញ្ជាក់ថា កាលពីយប់ថ្ងៃទី១ ខែកញ្ញា ឆ្នាំ២០២៣ មានគណនីហ្វេសប៊ុកមួយឈ្មោះ ហ៊ាសុង កំពង់ចាម បានបង្ហោះចែកចាយនៅលើបណ្ដាញសង្គមពីករណីជនសង្ស័យគប់កញ្ចក់រថយន្ដដោយភ្ជាប់ជាមួយរូបភាពរបួសឈាមពេញផ្ទៃមុខ។ ម្ចាស់គណនីហ្វេសប៊ុកបានសរសេរថា «សូមបងប្អូនជួយស៊ែរម្នាក់មួយផងឲ្យបងប្អូនតៃកុងឡានទាំងអសើគ្នាបានដឹង នៅវេលាម៉ោង៧និង០០នាទី ថ្ងៃទី១ ខែ៩ ឆ្នាំ២០២៣ មានករណីក្មេងទំនើងគប់កញ្ចក់ឡានផ្លូវជាតិលេខ៣ នៅចំណុចគីឡូម៉ែត្រ៥៣ ផ្សារត្រាំខ្នា សូមបងប្អូនប្រុងប្រយ័ត្នទាំងអស់គ្នា»។
បន្ទាប់ពីទទួលបានព័ត៌មាន កម្លាំងជំនាញអធិការដ្ឋាននគរបាលស្រុកសំរោង រួមជាមួយកម្លាំងប៉ុស្តិ៍រដ្ឋបាលខ្វាវ បានចុះដល់កន្លែងកើតហេតុភ្លាមៗ ដើម្បីប្រមូលព័ត៌មាន និងបានសហការជាមួយបណ្តាប៉ុស្តិ៍រដ្ឋបាលពាក់ព័ន្ធទាំងខេត្តកំពង់ស្ពឺ និងតាកែវ នៅតាមបណ្តោយផ្លូវជាតិលេខ៣ តែដោយសារទីតាំងកើតហេតុពុំមានកាមេរ៉ាសុវត្ថិភាព ទើបមិនអាចទាន់កំណត់មុខសញ្ញាណជនបង្កបាន។
យោងតាមសេចក្ដីប្រកាសរបស់ក្រុមការងារតាមដានព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តតាកែវ បានឲ្យដឹងថា ករណីគប់កញ្ចក់រថយន្ដបានកើតឡើងនៅវេលាម៉ោង១៩និង៥០នាទី យប់ថ្ងៃ០១ ខែកញ្ញា ឆ្នាំ២០២៣ លើបណ្តោយផ្លូវជាតិលេខ៣ ស្ថិតក្នុងភូមិសាស្ត្រភូមិព្រៃញឹក ឃុំខ្វាវ ស្រុកសំរោង ខេត្តតាកែវ បង្កឡើងដោយជនល្មើសមិនស្គាល់អត្តសញ្ញាណមានគ្នា៤នាក់ ម៉ូតូ២គ្រឿង បើកបរមកពីទិសខាងជើងមកត្បូង បានធ្វើសកម្មភាពគប់ដុំថ្មទៅលើរថយន្តជនរងគ្រោះម៉ាកហីយ៉ាន់ដាយ ពណ៌ខៀវ ពាក់ផ្លាកលេខភ្នំពេញ3B-9147 បើកបរមកពីទិសខាងត្បូងទៅជើង បបណ្តាលឱ្យត្រូវត្រង់កញ្ចក់មុខបណ្ដាលឲ្យអ្នកបើកបររថយន្ដឈ្មោះ សុខ ពៅ ភេទប្រុស អាយុ៣៧ឆ្នាំ រងរបួសបែកចិញ្ចើមខាងឆ្វេង៕
អត្ថបទ៖ សុខុម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង