សន្តិសុខសង្គម

ប្រើកាំភ្លើងកែច្នៃ បាញ់របួសមនុស្ស ០២ នាក់ សងសឹកគំនុំចាស់

បានផុស

១ ខែ មុន

នៅ

ថ្ងៃសៅរ៍ ២៣ កញ្ញា ២០២៣

ដោយ

ជនសង្ស័យ ០១ នាក់ ត្រូវបានកម្លាំងសមត្ថកិច្ចស្រុកសង្កែ ចុះឃាត់ខ្លួនភ្លាមៗ ក្រោយធ្វើសកម្មភាពយកកាំភ្លើងកែច្នៃទៅបាញ់លើស្ត្រី ០២ នាក់ បណ្ដាលឲ្យរងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីផ្នែកព្រហ្មទណ្ឌមួយរូប នៃអធិការដ្ឋាននគរបាលស្រុកសង្កែ បានបញ្ជាក់ថា ហេតុការណ៍ហិង្សាដោយចេតនា និងមានស្ថានទម្ងន់នេះ បានកើតឡើង កាលពីថ្ងៃទី ២២ ខែកញ្ញា ឆ្នាំ ២០២៣ វេលាម៉ោង ៥ ល្ងាច នៅចំណុចភូមិអូរស្រឡៅ ឃុំវត្តតាមិម ស្រុកសង្កែ ខេត្តបាត់ដំបង ដោយមានបុរសម្នាក់ ឈ្មោះ ឆាយ បញ្ញា អាយុ ២៨ ឆ្នាំ បានយកកាំភ្លើងខ្យល់កែច្នៃ បាញ់ទៅលើជនរងគ្រោះចំនួន ០២ នាក់ គឺ ១.ឈ្មោះ អឿ ជន ភេទស្រី អាយុ ៥៣ ឆ្នាំ រងរបួសសាច់ដុំដៃមួយកន្លែង ហើមជាំ និង ២.ឈ្មោះ រួម ចំរើន ភេទស្រី អាយុ ២៦ ឆ្នាំ របួសកដៃខាងឆ្វេងមួយកន្លែង បែកហូរឈាម អ្នកទាំងពីរ រស់នៅក្នុងភូមិ-ឃុំ ខាងលើ។ ក្នុងនោះ ជនសង្ស័យ ក៏បានបំផ្លិចបំផ្លាញទ្រព្យសម្បត្តិក្នុងផ្ទះអស់មួយចំនួនផងដែរ។

ក្រោយពីទទួលបណ្ដឹងផ្ទាល់មាត់រួច កម្លាំង នៃអធិការដ្ឋាននគរបាលស្រុកសង្កែ សហការជាមួយកម្លាំងប៉ុស្តិ៍នគរបាលរដ្ឋបាលវត្តតាមិម បានធ្វើការបង្ក្រាបឃាត់ខ្លួនជនសង្ស័យឈ្មោះ ឆាយ បញ្ញា នៅវេលាម៉ោង ៧ និង ៣០ នាទី យប់ ថ្ងៃដដែល ចំណុចកើតហេតុ។ ចំពោះមូលហេតុ ដោយសារមានគំនុំខឹងរឿងរ៉ាវចាស់ ធ្លាប់វាយគ្នាជាមួយប្តីរបស់ជនរងគ្រោះ។