Connect with us

សន្តិសុខសង្គម

ជនដៃដល់ប្រាប់ហេតុការណ៍​មុន​ឈាន​ទៅ​​​សម្លាប់នារី​ជាសង្សារនៅក្នុងបន្ទប់ជួល

បានផុស

នៅ

ជនដៃដល់ដែល​បានន​សម្លាប់នារីជាសង្សារ​រួចយកទៅព្យួរ​កនៅបន្ទប់ទឹករហូតធំក្លិនស្អុយ ពេលនេះកម្លាំងនគរបាលខណ្ឌពោធិ៍សែនជ័យ​បាននាំខ្លួនជនដៃដល់មកសួរនាំ​ ដោយជនដៃដល់បានរៀបរាប់ពីដំណេីរដេីមចមអំពីមូលហេតុនៃការសម្លាប់​នារីជាសង្សារហ។

ចំពោះមុខសមត្ថកិច្ចជនដៃដល់បានសារភាពថា​ មូលហេតុដែលធ្វេីឱ្យរូបគេសម្លាប់នារីជាសង្សារ​ ដោយសារភ្លេីងប្រចណ្ឌ​ ព្រោះ​នាងមានទំនាក់ទំនងជាមួយប្រុសថ្មី​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យ​បាន​ឲ្យ​ដឹង​បន្ត​ថា មុនពេលកេីតហេតុរូបគេបានឱ្យនាងមកបន្ទប់ជួលខ្លួន។ ពេលសុំទូរស័ព្ទនាងមេីលតែនាងមិនឱ្យធ្វេីឱ្យរូបគេខឹងយ៉ាងខ្លាំង រួចរុញនាងឱ្យដួលទៅនឹងឥដ្ឋរួចយកខ្នេីយមកខ្ទប់ច្រមុះ និងច្របាច់ករហូតដាច់ខ្យល់​ បន្ទាប់មកក៏យកខ្សែចងកព្យួរ​ទៅ​បន្ទប់ទឹកតែម្តង។

តាមការបំភ្លឺរបស់ឈ្មោះលំ​ តាំងយី​ ភេទស្រីអាយុ ៤៣ឆ្នាំ​ ត្រូវជាម្តាយជនរងគ្រោះបានរៀបរាប់​ថា​ កាលពីថ្ងៃទី ៥​ ខែធ្នូ​ ឆ្នាំ២០២៣​ វេលាម៉ោង ១៩ និង ១៥ នាទី​ មិនឃេីញកូនស្រីចេញពីធ្វេីការត្រឡប់មកបន្ទប់ជួលដែលស្នាក់នៅជាមួយគាត់​ ពេលនោះគាត់បានតេទូរស័ព្ទចំនួន ២ ដងតែគ្មានអ្នកលេីក​ ខំដេីររកក៏មិនឃេីញ។ លុះរហូតមកដល់ថ្ងៃទី ៧​ ខែឆ្នាំដដែល​ ក៏បបួលបងប្អូនជីដូនមួយមកមេីលនៅបន្ទប់ជួលលេខ៣៧​ ជាន់ទី១​ ភូមិត្រពាំងថ្លឹង២​ សង្កាត់ចោមចៅទី១​ ខណ្ឌពោធិ៍សែនជ័យ​ ដែលត្រូវជាសង្សាររបស់កូនស្រីរបស់គាត់​ ឈ្មោះផា​ ភេទប្រុស​ តែទ្វារចាក់សោខាងក្រៅ។​ ពេលនោះក៏ធំក្លឹនស្អុយរូបគាត់ក៏ចុចពិលអេីតមេីលឃេីញកូនស្រីរបស់គាត់ចង​កជាប់ទៅនឹងទ្វារបន្ទប់ទឹក ទេីបរាយការណ៍ទៅសមត្ថកិច្ច​តែម្តង។

ក្រោយទទួលព័ត៌មានភ្លាម កម្លាំងមូលដ្ឋានបានចុះទៅហុំព័ទ្ធកន្លែងកេីតហេតុរង់​ចាំជំនាញមកធ្វេីកោសល្យវិច័យ​ ក្រោយពីកម្លាំងសមត្ថកិច្ចជំនាញពិនិត្យរួចបញ្ជាក់ថា ជនរងគ្រោះត្រូវបានឃាតកយកខ្នេីយខ្ទប់ច្រមុះរួចយកទៅព្យូរកនៅបន្ទប់ទឹក​ រួចគេចខ្លួនបាត់។

រហូតមកដល់ថ្ងៃទី ៨​ ខែធ្នូ​ ឆ្នាំ២០២៣ ជនដៃដល់បានចូលខ្លួនទៅសារភាពនៅអធិការដ្ឋានគរបាល​ស្រុកក្រឡាញ់​ ខេត្តសៀមរាប​ដេីម្បីទទួលកំហុស។ បន្ទាប់មកនគរបាលស្រុកក្រឡាញ់បានទំនាក់ទំនងមកស្នងការនរបាលរាជធានីភ្នំពេញ​ដេីម្បី​ឱ្យម្ចាស់ករណីមកទទួលនិងបន្តនីតិវិធីវិញ។ នៅយប់ថ្ងៃទី ៨ ខែឆ្នាំដដែល​ កម្លាំងនគរបាលខណ្ឌពោធិ៍សែនជ័យបាន​ទៅនាំខ្លួនជនដៃដល់មកសួរនាំបន្តដោយសារតែជាម្ចាស់ករណី។

សូមបញ្ជាក់ថា​ ករណីឃាតកម្មខាងលេីនេះបង្កការភ្ញាក់ផ្អេីលកាលពីវេលាម៉ោង ១១ ព្រឹក​ ថ្ងៃទី៧​ ខែធ្នូ​ ឆ្នាំ២០២៣​ នៅភូមិត្រពាំងថ្លឹង​ ២​ សង្កាត់ចោមចៅទី១​ ខណ្ឌពោធិ៍សែនជ័យ។

ជនរងគ្រោះមានឈ្មោះ​ ស៊ីមរ៉ាឌី ភេទស្រីអាយុ ១៩ ឆ្នាំ​ មុខរបរកម្មការិនីរោងចក្រ​ ស្នាក់នៅបន្ទប់ជួល​ ១២សេ​ ភូមិត្រពាំងថ្លឹង២​ សង្កាត់ចោមចៅទី១​ ខណ្ឌពោធិ៍សែនជ័យ​ មានស្រុកកំណេីត​ ភូមិសំបួរ​ ​ ឃុំព្រៃគុយ​ស្រុកំពង់ស្វាយ​ ខេត្តកំពង់ធំ។ ចំណែកជនដៃដល់ឈ្មោះភុំ​ ផា​ ភេទប្រុសអាយុ ២០ ឆ្នាំ​ នៅបន្ទប់ជួលលេខ ៣៧​ ជាន់ទី១​ ភូមិត្រពាំងថ្លឹង២​ សង្កាត់ចោមចៅទី១​ ខណ្ឌពោធិ៍សែនជ័យ​ មានស្រុកកំណេីតនៅភូមិគរគីកណ្តាល​ ឃុំលំលង​ ស្រុកអន្លុងវែង​ ខេត្តបន្ទាយមានជ័យ។

បច្ចុបន្នជនដៃដល់សមត្ថកិច្ចជំនាញកំពុងកសាងសំណុំរឿងបញ្ជូនទៅតុលាកាដេីម្បីចាត់ការតាមច្បាប់៕

អត្ថបទ៖សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤០ វិនាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៥ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៩ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១០ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

Sokha Hotels

ព័ត៌មានពេញនិយម