សន្តិសុខសង្គម
នគរបាលស្រុកបាទីចាប់ខ្លួនក្រុមកាប់ប្លន់ពីរនាក់ ក្រោយដេញកាប់ប្លន់ម៉ូតូពីជនរងគ្រោះម្នាក់បានសម្រេច
កម្លាំងនគរបាលជំនាញព្រហ្មទណ្ឌនៃអធិការដ្ឋាននគរបាលស្រុកបាទី សហការជាមួយកម្លាំងប៉ុស្តិ៍នគរបាលរដ្ឋបាលចំបក់ បានស្រាវជ្រាវតាមចាប់ខ្លួនក្រុមកាប់ប្លន់ចំនួន២នាក់ បន្ទាប់ពីធ្វើសកម្មភាពដេញកាប់ប្លន់ម៉ូតូពីជនរងគ្រោះម្នាក់បានសម្រេច ខណៈ២នាក់ទៀតកំពុងគេចខ្លួន។
![](https://www.kampucheathmey.com/wp-content/uploads/2024/01/422944646_692929009657887_6236636896588719506_n.jpg)
ការឃាត់ខ្លួននេះបានធ្វើឡើងកាលពីវេលាម៉ោង១០និង០០នាទី ដោយឃាត់ខ្លួនជនសង្ស័យចំនួនពីរនាក់មានឈ្មោះ ផន បញ្ញា ហៅញ៉ា ភេទប្រុស អាយុ២១ឆ្នាំ នៅត្រង់ភូមិត្រពាំងលាន ឃុំចំបក់ ស្រុកបាទី ខេត្តតាកែវ និងឈ្មោះ សយ សាទៀង ហៅទៀង ភេទប្រុស អាយុ២៦ឆ្នាំ នៅត្រង់ភូមិរុន ឃុំចំបក់ ស្រុកបាទី ខេត្តតាកែវ។
ក្នុងប្រតិបត្តិការបង្ក្រាប និងឃាត់ខ្លួននេះ កម្លាំងជំនាញបានដកហូតវត្ថុតាងម៉ូតូម៉ាកស៊ុយស៊ូគី លែត សេរីឆ្នាំ២០១៥ ពណ៌ផ្កាឈូក ពាក់ផ្លាកលេខ ភ្នំពេញ 1BZ-5977 (ម៉ូតូជិះធ្វើសកម្មភាព) ។ រីឯបក្ខពួកចំនួន០២នាក់ទៀត កំពុងរត់គេចខ្លួន។
![](https://www.kampucheathmey.com/wp-content/uploads/2024/01/422648635_692929042991217_8755721212090131800_n.jpg)
យោងតាមរបាយការណ៍របស់ស្នងការដ្ឋាននគរបាលខេត្តតាកែវបានឲ្យដឹងថា នៅវេលាម៉ោង១២និង៣០នាទីរំលងអាធ្រាត ឈានចូលថ្ងៃទី២៤ ខែមករា ឆ្នាំ២០២៤ ក្រុមជនសង្ស័យ០៤នាក់ ប្រើប្រាស់មធ្យោបាយម៉ូតូចំនួន២គ្រឿងធ្វើសកម្មភាពយកដាវសាំម៉ូរ៉ៃដេញកាប់ប្លន់យកម៉ូតូម៉ាកហុងដាឌ្រីមស្សង់ C125 សេរីឆ្នាំ 2023 ពណ៌ខ្មៅ ពាក់ផ្លាកលេខ ភ្នំពេញ 1KF-3123 របស់ជនរងគ្រោះឈ្មោះ តឺ សំណាង ភេទប្រុស អាយុ២២ឆ្នាំ ខណៈជនរងគ្រោះកំពុងជិះធ្វើដំណើរតាមបណ្តោយដងផ្លូវជាតិលេខ២ ក្នុងទិសដៅពីជើងទៅត្បូង ពីចំណុចមុខការ៉ាស់សាំងភីធីធី ខាងត្បូងផ្សារសំរោងយ៉ោង ហើយជនរងគ្រោះព្យាយាមជិះរត់គេចខ្លួន ប៉ុន្តែក្រុមជនសង្ស័យនៅតែបន្តដេញតាមរហូតដល់ចំណុចវត្តអូព័ទ្ធ ស្រាប់តែម៉ូតូរបស់ជនរងគ្រោះអស់សាំងក៏សម្រេចចិត្តជិះចូលក្នុងវត្តដោយបានចាក់សោរកទុកក្នុងវត្ត ខណៈនោះក្រុមជនសង្ស័យបានជិះតាមមកទាន់ពីក្រោយ និងបានដេញកាប់ទៅលើជនរងគ្រោះរត់ចោលម៉ូតូទៅ។ បន្ទាប់ពីជនរងគ្រោះរត់បាត់ ក្រុមជនសង្ស័យបាននាំគ្នាកាច់បំបាក់់សោរកម៉ូតូយករត់គេចខ្លួន តែដោយសារម៉ូតូជនរងគ្រោះអស់សាំង ក្រុមជនសង្ស័យបានយកម៉ូតូរបស់ជនរងគ្រោះទៅផ្លុងចោលនៅលើចិញ្ចើមផ្លូវលំខាងលិចកន្លែងកើតហេតុប្រហែល១០០០ម៉ែត្រ រួចនាំគ្នាគេចខ្លួន។
![](https://www.kampucheathmey.com/wp-content/uploads/2024/01/422402594_692929079657880_7997628159210329517_n.jpg)
ជនសង្ស័យដែលឃាត់ខ្លួនត្រូវបានកម្លាំងជំនាញកំពុងធ្វើការសាកសួរ ដើម្បីកសាងសំណុំរឿងបញ្ជូនទៅសាលាដំបូងខេត្ត និងបន្តស្វែងរកចាប់ខ្លួនបក្ខពួកដែលរត់គេចខ្លួនមកផ្តន្ទាទោសតាមច្បាប់ រីឯម៉ូតូជនរងគ្រោះ បានប្រគល់ ឲ្យទៅជនរងគ្រោះយកទៅប្រើប្រាស់វិញ៕
អត្ថបទ៖ សុខុម
![](https://www.kampucheathmey.com/wp-content/uploads/2024/01/422601225_692929119657876_5775010138000729041_n.jpg)
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ