សន្តិសុខសង្គម
មន្ត្រីជំនាញខេត្តកំពង់ចាម ចុះណែនាំដល់ម្ចាស់យានដ្ឋានជួសជុល និងកែច្នៃឧបករណ៍បំពងសំឡេងខុសបច្ចេកទេស
មន្ត្រីជំនាញនៃមន្ទីរសាធារណការ និងដឹកជញ្ជូនខេត្តកំពង់ចាម បន្តចុះត្រួតពិនិត្យ និងណែនាំដល់ម្ចាស់យានដ្ឋានជួសជុល កែច្នៃដំឡើងយានយន្ត និងឧបករណ៍បំពងសំឡេងខុសលក្ខណៈបច្ចេកទេស ក្នុងស្រុកចំនួន២នៃខេត្តកំពង់ចាម ។

លោក ផេង ដារ៉ែន អនុប្រធានមន្ទីរសាធារណការ និងដឹកជញ្ជូនខេត្តកំពង់ចាម នៅថ្ងៃទី២០ ខែមីនា ឆ្នាំ២០២៤ បានដឹកនាំក្រុមការងារជំនាញ សហការជាមួយកម្លាំងអធិការដ្ឋាននគរបាលស្រុកបាធាយ និងស្រុកជេីងព្រៃ ចុះត្រួតពិនិត្យ និងណែនាំដល់ម្ចាស់យានដ្ឋានជួសជុល កែច្នៃដំឡើងយានយន្ត និងឧបករណ៍បំពងសំឡេងខុសលក្ខណៈបច្ចេកទេស។ លោកបានបញ្ជាក់ថា ដោយមានការណែនាំ និងការចង្អុលបង្ហាញ ពី លោក អ៊ុន ចាន់ដា អភិបាលខេត្តកំពង់ចាម បានចាត់ឱ្យក្រុមការងារមន្ទីរសាធារណការ និងដឹកជញ្ជូនខេត្តកំពង់ចាម សហការជាមួយកម្លាំងនគរបាលស្រុក ចុះត្រួតពិនិត្យ ណែនាំ យានដ្ឋានជួសជុល កែច្នៃដំឡើងយានយន្ត ឱ្យបញ្ឈប់សកម្មភាពបំពាក់ឧបករណ៍បំពងសម្លេង និងកែច្នៃខុសលក្ខណៈបច្ចេកទេស ដែលបង្កការរំខាន និងប៉ះពាល់ដល់សណ្ដាប់ធ្នាប់តាមដងផ្លូវ ក៏ដូចជាគ្រោះថ្នាក់ចរាចរណ៍ ដែលអាចកើតឡើងជាយថាហេតុ។

លោក ផេង ដារ៉ែន បន្តថា ការចុះត្រួតពិនិត្យយានដ្ឋានជួសជុល កែច្នៃដំឡើង និងដេប៉ូលក់គ្រឿងបន្លាស់បរិក្ខារសម្រាប់យានយន្តនេះ បានធ្វេីការចុះអនុវត្តចំនួន១៩កន្លែង រួមមាន៖ ស្រុកបាធាយ មានយានដ្ឋាន កែច្នៃដំឡើងចំនួន១២កន្លែង និងដេប៉ូលក់គ្រឿងបរិក្ខារអគ្គិសនីសម្រាប់រថយន្តចំនួន មួយកន្លែង និងស្រុកជើងព្រៃមានយានដ្ឋាន កែច្នៃដំឡើងចំនួន៦កន្លែង។

ជាមួយគ្នានេះដែរ ក្រុមការងារក៏បានអំពាវនាវ និងផ្សព្វផ្សាយដល់ម្ចាស់យានដ្ឋានក៏ដូចជាម្ចាស់យសនយន្តទាំងអស់ត្រូវចូលរួមសហការជាមួយអាជ្ញាធរ និងគោរពតាមច្បាប់បទដ្ឋានបច្ចេកទេសឲ្យបានត្រឹមត្រូវ ដេីម្បីធ្វេីយ៉ាងណាកាត់បន្ថយគ្រោះថ្នាក់តាមដងផ្លូវដែលបង្កដោយរថយន្តខុសបច្ចេកទេស៕
ដោយ៖ ឡេក ចាន់ពេជ្រ



-
ព័ត៌មានអន្ដរជាតិ២ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ១៨ ម៉ោង ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៦ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ៦ ម៉ោង ago
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ