សន្តិសុខសង្គម
សិស្សសាលាដែលឃាត់ខ្លួនកាលពីម្សិលមិញមានចំនួន១១៣នាក់ មកពី១៦វិទ្យាល័យ
យោងតាមរបាយការណ៍របស់អធិការដ្ឋាននគរបាលខណ្ឌទួលគោកបានឲ្យដឹងថា សិស្សសាលាដែលត្រូវឃាត់ខ្លួនកាលពីថ្ងៃទី២៦មីនាម្សិលមិញនេះ មានចំនួន១១៣នាក់ មកពី១៦វិទ្យាល័យ ក្នុងនោះមានស្រីចំនួន២៤នាក់។
តាមរបាយការណ៍ ការឃាត់ខ្លួននេះបានធ្វើឡើងនៅវេលាម៉ោងប្រហែល១៤និង១០នាទី ថ្ងៃទី២៦ ខែមីនា ឆ្នាំ២០២៤ ខណៈដែលក្រុមក្មេងសិស្សសាលាទាំងនោះបានប្រមូលផ្តុំគ្នាលេងបាញ់ទឹក គប់ទឹក ជិះម៉ូតូប្រដេញគ្នា ស្រែកហូកញ្ច្រៀវ ដេញបាតម្សៅ ជិះម៉ូតូគ្មានពាក់មួកសុវត្ថិភាព ដែលបង្កភាពអនាធិបតេយ្យបាត់បង់សណ្ដាប់ធ្នាប់សាធារណៈ។
បើតាមលោកវរសេនីយ៍ឯក សំ វិច្ឆិការ អ្នកនាំពាក្យស្នងការដ្ឋាននគរបាលរាជធានីភ្នំពេញបានឲ្យ កម្ពុជាថ្មី ដឹងនៅព្រលប់ថ្ងៃទី២៦មីនាថា ពាក់ព័ន្ធករណីឃាត់ខ្លួនក្រុមក្មេងសិស្សសាលាទាំង១១៣នាក់នេះ បានធ្វើឡើងបន្ទាប់ពីមានពាក្យបណ្ដឹង និងរាយការណ៍ពីប្រជាពលរដ្ឋពីភាពបង្កអុកឡុករញ៉េរញ៉ៃដែលនៅជិតទីតាំងនោះ។
អ្នកនាំពាក្យរូបនេះបញ្ជាក់ថា ក្នុងប្រតិបត្តិការឃាត់ខ្លួនក្រុមក្មេងសិស្សសាលានេះ កម្លាំងនគរបាលនៃអធិការដ្ឋាននគរបាលខណ្ឌទួលគោក បានដកហូតម៉ូតូចំនួន៥១គ្រឿង រួមទាំងសម្ភារប្រើប្រាស់ឲ្យការបាញ់ទឹកមួយចំនួន និងបាននាំមកអធិការដ្ឋាននគរបាលខណ្ឌ ដើម្បីណែនាំអប់រំ និងធ្វើកិច្ចសន្យាឲ្យបញ្ឈប់សកម្មភាពទាំងនេះ ហើយក៏បានអញ្ជើញឪពុកម្ដាយក៏ដូចជាអាណាព្យា និងលោកនាយកសាលាឲ្យមកធានា និងយកទៅអប់រំបន្ត។
លោកបន្ថែមថា ក្នុងករណីនេះកម្លាំងនគរបាលក៏បានណែនាំអប់រំពាក់ព័ន្ធបញ្ហាផលប៉ះពាល់គ្រឿងញៀន បញ្ហាក្មេងទំនើង និងចូលរួមគោរពច្បាប់ចរាចរណ៍ផ្លូវគោក ជាពិសេសគឺចង់ឲ្យក្មេងទាំងនេះបញ្ឈប់រាល់សកម្មភាពទាំងឡាយណាដែលបង្កប៉ះពាល់ដល់សន្តិសុខសណ្ដាប់ធ្នាប់សង្គម និងកុំឲ្យក្លាយជាក្មេងទំនើងបង្កហិង្សាដាក់គ្នាដែលអាចឲ្យសមត្ថកិច្ចឈានដល់ការអនុវត្តវិធានការច្បាប់៕
អត្ថបទ៖ សុខុម
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ