Connect with us

សន្តិសុខសង្គម

រដ្ឋបាលក្រុងប៉ោយប៉ែតចុះណែនាំ បណ្ដាទីតាំង KTV ហាមមានគ្រឿងញៀន និងល្បែងស៊ីសង

បានផុស

នៅ

លោក គាត ហ៊ុល អភិបាល នៃគណៈអភិបាលក្រុង និងជា ប្រធានគណៈបញ្ជាការឯកភាពក្រុង បានដឹកនាំកម្លាំងគណៈបញ្ជាការឯកភាពចុះណែនាំ និងធ្វើកិច្ចសន្យា ជាមួយម្ចាស់អាជីវកម្មទីតាំង KTV ក្នុងក្រុងប៉ោយប៉ែត ហាមមិនឱ្យមានការប្រើប្រាស់ និងចែកចាយនៅសារធាតុញៀន និងបង្កប់ល្បែងស៊ីសងខុសច្បាប់ ជាដាច់ខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះធ្វើរដ្ឋបាលលើទីតាំងខាងលើ ធ្វើឡើងកាលពីរសៀល ថ្ងៃទី៥ ខែមេសា ឆ្នាំ២០២៤ បន្ទាប់ពីសមត្ថកិច្ចនគរបាលខេត្តបានចុះប្រតិបត្តិការបង្រ្កាបលើទីតាំងគ្លិបកម្សាន្ត និងទីតាំងខារ៉ាអូទេចំនួន២ គឺខារ៉ាអូរខេយីហោ B9.KTV និងក្លិបកម្សាន្តឡាំ​បូគីនី ​LAMBORGHINI កាលពីយប់ចូល ថ្ងៃទី៥ មេសា ២០២៤ ដែលសង្ស័យមានការប្រើប្រាស់គ្រឿងញៀន។

លោក គាត ហ៊ុល អភិបាល បានឱ្យដឹងថា ដោយអនុវត្តតាមអនុសាសន៍របស់ សម្តេចធិបតី ហ៊ុន ណែត នាយករដ្ឋមន្រ្តីកម្ពុជា និង ឯកឧត្តមអភិសន្តិបណ្ឌិត ស សុខា រដ្ឋមន្រ្តី ក្រសួងមហាផ្ទៃ លើបញ្ហាល្បែងសុីសងខុសច្បាប់ និងគ្រឿងញៀន លោកបានដឹកនាំកម្លាំងគណៈបញ្ជាការឯកភាពដឹកនាំក្រុមកងារ ចុះណែនាំ និងធ្វើកិច្ចសន្យា លើម្ចាស់អាជីវកម្មទីតាំង KTV ហាមមិនឱ្យមានការប្រើប្រាស់ និងចែកចាយនៅសារធាតុញៀន និងបង្កប់ល្បែងស៊ីសងខុសច្បាប់ នៅក្នុងទីតាំងរបស់ខ្លួន ជាដាច់ខាត។

គួរបញ្ជក់ថា កន្លងមកនៅក្រុងប៉ោយប៉ែត មានបែកធ្លាយរូបភាព និងរឿងអាស្រូវចេញពីក្លិបកម្សាន្ត និងខារ៉ាអូខេល្បីៗដូចជា ខារ៉ាអូខេឡាហ្វីរ៉ា បច្ចុប្បន្នដូរឈ្មោះមកជា អេហ្សីប ខារ៉ាអូខេស្កាយ មានបើកឱ្យប្រើប្រាសគ្រឿងញៀន និងលេងល្បែងសុីសង។ បច្ចុប្បន្នមហាជននៅតែមានការសង្ស័យទៅលើទីតាំងខារ៉ាអូខេអេហ្សុីប និងផែអាត់ មានបើកឱ្យភ្ញៀវចូលលេងនូវអ្វីដែលច្បាប់ហាម៕

អត្ថបទ៖ ពៅ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣៧ វិនាទី មុន

រដ្ឋបាលក្រុងប៉ោយប៉ែតចុះណែនាំ បណ្ដាទីតាំង KTV ហាមមានគ្រឿងញៀន និងល្បែងស៊ីសង

ព័ត៌មានជាតិ៥ នាទី មុន

តំបន់ប្រតិបត្តិការសឹករងខេត្តកំពត បើកវគ្គហ្វឹកហ្វឺនពង្រឹងសមត្ថភាពកងទ័ពឱ្យកាន់តែរឹងមាំ

ព័ត៌មានជាតិ៣៥ នាទី មុន

អភិបាលខេត្ត ថា ការងារគ្រប់គ្រងសន្តិសុខក្នុងខេត្តព្រះសីហនុ ទទួលបានលទ្ធផលល្អ ដើមឆ្នាំនេះ

ព័ត៌មានជាតិ៣៧ នាទី មុន

រដ្ឋបាលខេត្តរតនគិរី ត្រៀមរួចស្រេចស្វាគមន៍ភ្ញៀវទេសចរនាឱកាសបុណ្យចូលឆ្នាំ

ព័ត៌មានអន្ដរជាតិ៦០ នាទី មុន

លោក ថាក់ស៊ីន ចេញមុខនិយាយជំនួសកូនស្រី ក្រោយមានពាក្យសម្ដីល្អិច​ល្អៀងថា ភឿថៃ ជាបក្សអភិរក្សនិយម

Sokha Hotels

ព័ត៌មានពេញនិយម