ឃាត់ខ្លួនជនសង្ស័យ៦នាក់ក្នុងរង្វង់ប្រតិបត្តិការចុះរដ្ឋបាលនៅតំបន់ស្មុកស្មាញ

កម្លាំងនគរបាលនៃអធិការដ្ឋាននគរបាលខណ្ឌពោធិ៍សែនជ័យ បានសហការជា​មួយរដ្ឋបាលសង្កាត់ចោមចៅទី៣​ ចុះធ្វើរដ្ឋបាលតាមបន្ទប់ជួលក្នុងតំបន់ស្មុកស្មាញ ឃាត់ខ្លួនជនសង្ស័យ៦នាក់ពាក់ព័ន្ធការប្រេីប្រាស់គ្រឿងញៀន។

ប្រតិបត្តិការនេះបានធ្វេីឡេីងកាលពីរសៀលថ្ងៃទី៦​ ខែវិច្ឆិកា​ ឆ្នាំ២០២៤​ នៅភូមិព្រៃទា១​ សង្កាត់ចោមចៅទី៣​ ខណ្ឌពោធិ៍សែនជ័យ រាជាធានីភ្នំពេញ។

សមត្ថកិច្ចបានឱ្យដឹងថា​ ការចុះធ្វើរដ្ឋបាលតាមបន្ទប់ជួលដែលជាតំបន់ស្មុកស្មាញនេះ គឺដេីម្បីរក្សាសុវត្តិភាពជូនប្រជាពលរដ្ឋ​ក្នុងមូលដ្ឋាន​ និងទប់ស្កាត់បទល្មេីសផ្សេងៗ​។ សមត្ថកិច្ចកិច្ចបានបន្តថា​ ក្នុងរង្វង់ប្រតិបត្តិការខាងលេីសមត្ថកិច្ចបានឃាត់ខ្លួនជនសង្ស័យចំនួន៦នាក់ ក្នុងនោះមានស្រី២នាក់​ រួមទាំងវត្ថុតាងមួយចំនួន​ ថ្នាំញៀន​ និងឧបករណ៍ប្រេីប្រាស់ថ្នាំញៀន។

ក្រោយឃាត់ខ្លួនជនសង្ស័យត្រូវបានបញ្ជូនទៅអធិការដ្ឋាននគរបាលខណ្ឌពោធិ៍សែនជ័យដេីម្បីចាត់ការតាមនីតិវិធី៕

អត្ថបទ៖ សុខា