សន្តិសុខសង្គម
(មានវីដេអូ)ឃាត់ខ្លួនក្មេងទំនើង ១០ នាក់ ករណីហិង្សាដោយចេតនា ០២ ករណី
នគរបាលក្រុង សហការជាមួយកម្លាំងខណ្ឌដង្កោ ស្រាវជ្រាវបង្ក្រាបក្រុមក្មេងទំនើងចំនួន ១០ នាក់ ដោយមានក្រុម YSK ហៅ (យើងស្រលាញ់គ្នា) និង ក្រុម Alien ហៅ (អេលៀន)។
ប្រតិបត្តិការបង្ក្រាបនេះបានធ្វើឡើងកាលពីវេលាម៉ោង ១១ យប់ ថ្ងៃទី ១២ ខែឧសភា ឆ្នាំ ២០២៥ នៅចំណុចក្នុងតំបន់កោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
លោក ប៊ុន សត្យា ស្នងការរងទទួលផែនការងារព្រហ្មទណ្ឌ បានឲ្យដឹងថា សមត្ថកិច្ចបានបើកការស្រាវជ្រាវរយៈពេល ០២ ថ្ងៃ បន្ទាប់ពីមានករណីហិង្សារហូតដល់ ០២ ករណី។ ក្នុងនោះ នគរបាលជំនាញ បានបើកការស្រាវជ្រាវ សហការជាមួយ អធិការដ្ឋានខណ្ឌដង្កោ បង្ក្រាបបានជនសង្ស័យរហូតដល់ ១០ នាក់ , ម៉ូតូ ០៦ គ្រឿង , ដាវ ០៣ ដើម , កាំបិតបុ័ងតោ ០២ ដើម និង កាំបិតផ្គាក់ ០១ ដើម។
លោកស្នងការរង បន្តថា ជនសង្ស័យទាំង ១០ នាក់នេះ បានប្រព្រឹត្តករណីហិង្សាដោយចេតនារហូតដល់ ០២ ករណី ដោយ ករណីទី ០១.នៅចំណុចផ្លូវថៃហ្គ័រ សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ កាលពីថ្ងៃទី ១១ ខែឧសភា ឆ្នាំ ២០២៥ វេលាម៉ោង ១២ និង ៤០ នាទីយប់ និង ករណីទី ០២.នៅចំណុចផ្លូវលេខ ១០៤ ភូមិកណ្តាល សង្កាត់រលួស ខណ្ឌដង្កោ រាជធានីភ្នំពេញ កាលពីថ្ងៃទី ១១ ខែឧសភា ឆ្នាំ ២០២៥ វេលាម៉ោង ០៣ និង ០៦ នាទីយប់។
ដោយឡែកជនសង្ស័យទាំង ១០ នាក់ រួមមាន ៖ ០១.ឈ្មោះ នី គីនីន ហៅ អានីន ភេទប្រុស អាយុ ១៨ ឆ្នាំ , ០២.ឈ្មោះ ចាន់ ថារទ្ធី ហៅ អារិទ្ធី ភេទប្រុស អាយុ ១៧ ឆ្នាំ , ០៣.ឈ្មោះ គង់ ឧត្តម ហៅ អាដំ ភេទប្រុស អាយុ ១៧ ឆ្នាំ , ០៤.ឈ្មោះ ជឹម សំណាង ភេទប្រុស អាយុ ១៧ ឆ្នាំ , ០៥.ឈ្មោះ ហ៊ង ម៉េងសាន ហៅ អាសាន ភេទប្រុស អាយុ ១៧ ឆ្នាំ , ០៦.ឈ្មោះ កុសល វិសាល ភេទប្រុស អាយុ ១៧ ឆ្នាំ , ០៧.ឈ្មោះ ហ៊ុន ថូបូរ៉ា ហៅ អាយុទ្ធ ភេទប្រុស អាយុ ១៧ ឆ្នាំ , ០៨.ឈ្មោះ សេម មករា ហៅ អា មករា ភេទប្រុស អាយុ ១៧ ឆ្នាំ , ០៩.ឈ្មោះ ថៃ សីហា ភេទប្រុស អាយុ ១៧ ឆ្នាំ និង ១០.ឈ្មោះ ភឿន សុភានី ហៅ អាភី ភេទប្រុស អាយុ ១៧ ឆ្នាំ។
បច្ចុប្បន្ន ជនសង្ស័យ និងវត្ថុតាង ត្រូវបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី នៃច្បាប់៕
អត្ថបទ ៖ រដ្ឋា
សូមទស្សនាវីដេអូខាងក្រោម ៖
រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ជំរុញការងារ ចុះបញ្ជីដីធ្លី បង្ហើយនៅភូមិសាស្ត្រខេត្តរតនគិរី
រុស្ស៊ីទាមទារអ៊ុយក្រែនដកទ័ពចេញពីខេត្តទាំង៤ដែលរុស្ស៊ីកាន់កាប់ ខណៈហ្សេលេនស្គីឲ្យបស្ចឹមប្រទេសបន្តជួយ
យុវជនម្នាក់មកពីទីរួមស្រុកសំបូរទទួលបានជ័យលាភីលេខ១ ក្នុងទិវាប្រាក់រៀលឆ្នាំ២០២៥
ភ្នំខ្នងផ្សារ នឹងអភិវឌ្ឍន៍ទៅតាមស្ដង់ដារ ដើម្បីទាក់ទាញភ្ញៀវទេសចរជាតិ និងអន្តរជាតិ
រុស្ស៊ី-អ៊ុយក្រែនយល់ព្រមដោះដូរឈ្លើយសឹកម្ខាង១០០០នាក់ ប៉ុន្តែគ្មានលទ្ធផលបញ្ចប់សង្គ្រាម
លោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
នគរបាលរាជធានី កំពុងកសាងសំណុំរឿងករណីបុករះបង្កឡើងដោយលោកវរសេនីយ៍ឯក ហ៊ុន ហេង បញ្ជូនទៅតុលាការ
បឋម៖ បុករះទៀតហើយ នៅផ្លូវជាតិលេខ៦ មុខសាលាស្រុកមុខកំពូល
ឃាត់ខ្លួនស្ត្រីម្នាក់ពាក់ព័ន្ធករណីឆបោកប្រាក់ ២៦ ២០០ដុល្លារ រឿងរត់ការចូលក្របខណ្ឌនគរបាលជាតិ
អ៊ុយក្រែន ធ្លាក់ F-16 មួយគ្រឿងទៀតហើយ!
-
ជីវិតកម្សាន្ដ៦ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ចរាចរណ៍១ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍១ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៣ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ៥ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានអន្ដរជាតិ១ សប្តាហ៍ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
កីឡា៩ ម៉ោង agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
-
ចរាចរណ៍១ ថ្ងៃ agoបឋម៖ ករណីបុករះបង្កឡើងដោយរថយន្ដឡិចសុីសមួយគ្រឿងបណ្ដាលឲ្យមានអ្នកស្លាប់នៅផ្លូវព្រះនរោត្ដម