សន្តិសុខសង្គម
អាជ្ញាធរខណ្ឌ ៧ មករា បន្តចុះរដ្ឋបាលតំបន់បុរីកីឡា បង្ការទប់ស្កាត់បញ្ហាអសន្តិសុខជូនពលរដ្ឋ
កម្លាំងអាជ្ញាធរខណ្ឌ ៧ មករា បានបន្តចុះធ្វើរដ្ឋបាលត្រួតពិនិត្យនៅតំបន់មានភាពស្មុគស្មាញក្នុងភូមិសាស្ត្ររបស់ខ្លួន ដើម្បីបង្ការទប់ស្កាត់នូវរាល់បញ្ហាអសន្តិសុខដែលអាចកើតមានឡើងបង្កភាពភ័យខ្លាចដល់ប្រជាពលរដ្ឋ។
ជាក់ស្ដែងកាលពីព្រឹកថ្ងៃទី ២០ ខែមិថុនា ឆ្នាំ ២០២៥ នេះ កម្លាំងគណៈបញ្ជាការឯកភាពខណ្ឌ ៧ មករា ដោយមានការចង្អុលបង្ហាញពី លោក ថេង សុថុល អភិបាលខណ្ឌ ៧ មករា ចាត់ឲ្យ លោក ណុប ផា អភិបាលរងខណ្ឌ ដឹកនាំបន្តការចុះធ្វើរដ្ឋបាលនៅតំបន់អគារបុរីកីឡា ស្ថិតក្នុងសង្កាត់វាលវង់ ខណ្ឌ ៧ មករា ដើម្បីបង្ការទប់ស្កាត់បទល្មើស និងបង្ក្រាបសកម្មភាពគ្រឿងញៀន និងក្មេងទំនើងជាដើម។
លោក ណុប ផា អភិបាលរងខណ្ឌ ៧ មករា តំណាងលោកអភិបាលខណ្ឌ បានប្រាប់ឱ្យដឹងថា អាជ្ញាធរខណ្ឌ តែងបានយកចិត្តទុកដាក់ក្នុងការចុះធ្វើរដ្ឋបាលជាប់លាប់ជាប្រចាំនៅតំបន់អគារបុរីកីឡានេះ ព្រោះតំបន់នេះ ជាតំបន់ភូមិសាស្ត្រស្មុគស្មាញ ឧស្សាហ៍កើតមានសកម្មភាពក្មេងទំនើង ជនញៀនថ្នាំ និងអំពើអសន្តិសុខមួយចំនួនដែលកើតមានឡើងទាំងពេលយប់ និងពេលថ្ងៃ បង្កជាក្តីព្រួយបារម្ភដល់ពលរដ្ឋជាច្រើនរស់នៅក្នុងតំបន់អគារបុរីកីឡានេះ។ លោកបញ្ជាក់បន្ថែមថា ក្នុងការចុះធ្វើរដ្ឋបាលនេះ កម្លាំងជំនាញ បានឃាត់ខ្លួនមនុស្សចំនួន ០៥ នាក់ មានការសង្ស័យ និងដកហូតវត្ថុតាង ដែកសម្រាប់កាច់.ក ម៉ូតូផងដែរ។
លោកអភិបាលរង បន្តថា បច្ចុប្បន្ននេះភាពអនាធិបតេយ្យ និងសកម្មភាពអសន្តិសុខមួយចំនួននៅតំបន់មានភាពល្អប្រសើរឡើងច្រើនហើយ ប៉ុន្តែទោះជាយ៉ាងណា កម្លាំងអាជ្ញាធរ ក៏មិនបានបន្ធូរដៃក្នុងការមានវិធានការរដ្ឋបាលលើបញ្ហានេះនោះឡើយ គឺនៅបន្តធ្វើកិច្ចការងារនេះរហូតទទួលបានប្រសិទ្ធភាពខ្ពស់ ដើម្បីជាការធានាបានសន្តិសុខល្អជូនពលរដ្ឋ។
លោក លី អាន ប្រជាពលរដ្ឋរស់នៅតំបន់បុរីកីឡា បានសម្តែងក្តីសប្បាយរីករាយ និងពេញចិត្តបំផុតចំពោះសកម្មភាពចុះធ្វើរដ្ឋបាលរបស់ក្រុមអាជ្ញាធរ ដែលនេះជាការទប់ស្កាត់ បង្ការបានពីសកម្មភាពអសន្តិសុខនានា តែងកើតមានឡើងពីជនទំនើង ឬមុខសញ្ញាជាក្រុមជនសង្ស័យផ្សេងៗ ដែលយកតំបន់អគារបុរីកីឡា ជាទីកន្លែងស្នូលសម្រាប់ប្រព្រឹត្តិបទល្មើស។
សូមបញ្ជាក់ថា នេះមិនមែនជាលើកទី ១ នោះទេ ដែលកម្លាំងគណៈបញ្ជាការឯកភាពខណ្ឌ ៧ មករា ចុះធ្វើរដ្ឋបាលនៅតំបន់បុរីកីឡានេះ។ ហើយការចុះធ្វើរដ្ឋបាលកាលពីពេលកន្លងៗ ទៅ គឺតែងតែបានប្រមូលក្រុមជនទំនើង ក្មេងញៀនថ្នាំ ជនអនាថា ឬជនសង្ស័យមួយចំនួន ដែលបានប្រព្រឹត្តិបទល្មើសលួច ឆក់ ឬគ្រឿងញៀនជាដើម ដោយបានធ្វើការដកហូតវត្ថុតាងជាច្រើនជាបន្តបន្ទាប់ និងបានឃាត់ខ្លួនមនុស្ស ហើយបានប្រើវិធានការអប់រំរួមជាវិធានការច្បាប់៕
អត្ថបទ ៖ សុភា
អាជ្ញាធរខណ្ឌ ៧ មករា បន្តចុះរដ្ឋបាលតំបន់បុរីកីឡា បង្ការទប់ស្កាត់បញ្ហាអសន្តិសុខជូនពលរដ្ឋ
រដ្ឋអំពាវនាវដល់ម្ចាស់អាជីវកម្មអចលនវត្ថុ និងបញ្ចាំ ត្រូវបំពេញនីតិវិធីស្នើសុំអាជ្ញាបណ្ណឱ្យបានត្រឹមត្រូវ
កម្ពុជារកចំណូលបានជាង ៥៦០ លានដុល្លារពីការនាំចេញសំបកកង់រថយន្តក្នុងរយៈពេល៥ខែ
ពលរដ្ឋជាង ១២០០គ្រួសារ នៅសង្កាត់ស្ទឹង មានជ័យទី២ ទទួលបានអំណោយ និងប័ណ្ណ ប ស ស ពីជំទាវបណ្ឌិត ពេជ ចន្ទមុន្នី ហ៊ុនម៉ាណែត
សមាជិកព្រឹទ្ធសភា លោក ចែម វីឌ្យ៉ា ត្រូវបានជ្រើសឱ្យកាន់ជាអគ្គលេខាធិការអន្តរសភាអាស៊ាន
តួកគី ថ្កោលទោសថា Netanyahu សាហាវជាង Hitler ទៅទៀត
ពូទីន ស្នើជួយដោះស្រាយជម្លោះមជ្ឈិមបូព៌ា តែ ត្រាំ ប្រាប់វិញថា ដោះស្រាយរឿងខ្លួនឯងឲ្យចេញសិនទៅ ចាំគិតរឿងគេ
ក្រុមសកម្មប្រយុទ្ធនិកាយស៊ីអ៊ីតអ៊ីរ៉ាក់ គំរាមវាយមូលដ្ឋានទ័ពអាមេរិក បើ ត្រាំ ចូលជួយអ៊ីស្រាអែល
គណបក្សសំខាន់២ទៀតក្នុងរដ្ឋាភិបាលចម្រុះ បដិសេធ ផែថងថាន កាន់តំណែងបន្ត
អតីតកីឡាការិនីល្បុក្កតោ ពេជ្រ ចរណៃ ទំហំទឹកប្រាក់នៃការខូចខាតឆេះហាងអស់ខ្ទង់ ២៦ម៉ឺនដុល្លារ
-
នយោបាយ៧ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៤ ថ្ងៃ agoអ៊ីរ៉ង់ ថា ប៉ាគីស្ថាន ចេញមុខធានាទម្លាក់គ្រាប់បែកនុយក្លេអ៊ែរ លើអ៊ីស្រាអែល ក្នុងលក្ខខណ្ឌមួយ
-
ព័ត៌មានអន្ដរជាតិ១ សប្តាហ៍ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានអន្ដរជាតិ១ ថ្ងៃ agoរដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
-
សន្តិសុខសង្គម១ ថ្ងៃ agoក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
-
ព័ត៌មានអន្ដរជាតិ១ ថ្ងៃ agoផែថងថាន រក្សាភាពស្ងប់ស្ងាត់ និង គ្មានការលាលែងពីអំណាច រហូតពេលនេះ
-
ព័ត៌មានអន្ដរជាតិ១ សប្តាហ៍ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ១ សប្តាហ៍ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន