កីឡា

ជំហានថ្មីមួយទៀត! លីគបាល់ទាត់នារីកម្ពុជា ២ កម្រិតនឹងរៀបចំនៅឆ្នាំ ២០២៦ នេះ

បានផុស

៣ ខែ មុន

នៅ

ថ្ងៃសុក្រ ១០ មេសា ២០២៦

ដោយ

chean virakbot

សហព័ន្ធកីឡាបាល់ទាត់កម្ពុជា នឹងរៀបចំការប្រកួតលីគបាល់ទាត់នារីចំនួន ២ កម្រិតផ្សេងគ្នានៅក្នុងឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី ១០ ខែមេសា ឆ្នាំ ២០២៦ សហព័ន្ធកីឡាបាល់ទាត់កម្ពុជា បានរៀបចំធ្វើបទបង្ហាញស្តីពីច្បាប់ និងបទបញ្ជានៃការប្រកួត«ខេមបូឌានលីគនារីអាជីព» និង «ខេមបូឌានលីគនារីអាយុក្រោម ១៦ ឆ្នាំ» ប្រចាំឆ្នាំ ២០២៦។ ក្នុងពិធីបទបង្ហាញគឺមានក្រុមបាល់ទាត់នារីចំនួន ៨ ត្រូវចូលរួមប្រកួត។

ខេមបូឌានលីគនារី ត្រូវបានចាត់ទុកជាលីគនារីលំដាប់លេខ ១ នៅក្នុងប្រទេសកម្ពុជា ហើយជាពានបាល់ទាត់នារីតែមួយគត់ដែលរៀបចំដោយសហព័ន្ធកីឡាបាល់ទាត់កម្ពុជាជាច្រើនលើកមកហើយ។

ឥឡូវនេះ ខេមបូឌានលីគនារី អាយុក្រោម ១៦ ឆ្នាំ ជាការប្រកួតកីឡាបាល់ទាត់យុវតី លើកដំបូងរៀបចំជាផ្លូវការដោយសហព័ន្ធកីឡាបាល់ទាត់កម្ពុជា។ នេះជាជំហានថ្មីមួយទៀតដែលនឹងនឹងក្លាយជាមូលដ្ឋានគ្រឹះ និងជំរុញឲ្យកីឡាបាល់ទាត់នារីនៅកម្ពុជាកាន់តែរីកចម្រើន លូតលាស់ និងលេចធ្លោ ដើម្បីអាចប្រកួតប្រជែងជាមួយបណ្តាប្រទេសនៅក្នុងតំបន់។

បច្ចុប្បន្ននេះ ក្រុមបាល់ទាត់នារីជាច្រើនបាន និងកំពុងរៀបចំក្រុមឲ្យមានភាពល្អប្រសើរសម្រាប់ការចូលរួមប្រកួតលីគនារីរដូវកាលថ្មី។ ជាក់ស្តែង ក្រុមនារីភ្នំពេញក្រោនមានកីឡាការិនីក្នុងស្រុកល្អ និងមានកីឡាការិនីជប៉ុន ខណៈ ក្រុមនារី ព្រះខ័នរាជស្វាយរៀង ទើបតែប្រកាសនាំចូលកីឡាការិនី ៤ នាក់ ហើយក្រុមនារី សៀមរាប អេហ្វស៊ី មានកីឡាការិនីបរទេស ៤ នាក់៕