កីឡា

ពានអាស៊ាន FIFA ASEAN Cup កាន់តែធំ ដោយមានប្រាក់ឧបត្ថម្ភសរុប ៤ លានដុល្លារ

បានផុស

១ ខែ មុន

នៅ

ថ្ងៃព្រហស្បតិ៍ ៧ ឧសភា ២០២៦

ដោយ

ពានរង្វាន់ថ្មីប្រចាំតំបន់អាស៊ាន FIFA ASEAN CUP កំពុងស្ថិតនៅក្នុងគម្រោងកាន់តែធំ និងកាន់តែមានការប្រកួតប្រជែងខ្លាំងដែលមានក្រុមច្រើនមកពីតំបន់ក្រៅអាស៊ានថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រហូតដល់ពេលនេះ សេចក្តីប្រកាសផ្លូវការរបស់សហព័ន្ធកីឡាបាល់ទាត់អន្តរជាតិ (FIFA) មិនទាន់ចេញនៅឡើយទេ ប៉ុន្តែត្រូវបានគេដឹងថា ទំនងជាចេញព័ត៌មានលំអិតផ្លូវការនៅថ្ងៃទី១ ខែមិថុនា ឆ្នាំ ២០២៦។ ទោះបីជាយ៉ាងណា មានព័ត៌មានផ្សព្វផ្សាយជាច្រើនទូទាំងតបន់អាស៊ានក្នុងនោះបង្ហាញពីចំនួនក្រុម រូបមន្តនៃការប្រកួត និងប្រាក់រង្វាន់ជាដើម។

ការប្រកួតពាន FIFA ASEAN Cup ធ្វើនៅថ្ងៃ FIFA Day ចាប់ពីថ្ងៃទី២១ ខែកញ្ញា ដល់ ថ្ងៃទី៦ ខែតុលា ឆ្នាំ ២០២៦ ដោយមាន ពានរង្វាន់ ២ ផ្សេងគ្នា។ ក្រុមចំនួន ១៤ ត្រូវចូលរួមប្រកួតនេះដោយផ្អែកលើតារាងចំណាត់ថ្នាក់ FIFA Ranking។ ក្រុមដែលមានចំណាត់ថ្នាក់ខ្ពស់ជាងគេចំនួន ៨ ត្រូវប្រកួតពានកម្រិតទី១ និងក្រុមដែលមានចំណាត់ថ្នាក់ទាប ចំនួន ៦ ត្រូវប្រកួតពានកម្រិតទី២។

ចំពោះពានកម្រិតទី១ ត្រូវបានអញ្ជើញ ក្រុមបាល់ទាត់ជម្រើសជាតិ ចិន និង ឥណ្ឌា បន្ថែមលើ ឥណ្ឌូណេស៊ី ថៃ វៀតណាម ហ្វីលីពីន ម៉ាឡេស៊ី និងសិង្ហបុរី។ កម្រិតទី ១ នេះត្រូវបែងចែងជា ២ ពូល ដែលក្នុង ១ ពូល មាន ៤ ក្រុមដើម្បីប្រកួតសន្សំពិន្ទុក្នុងពូល នៅប្រទេសឥណ្ឌូណេស៊ី ជាម្ចាស់ផ្ទះ។

ចំណែក ពានកម្រិតទី២ មាន ៦ ក្រុម គឺ ហុងកុង មីយ៉ាន់ម៉ា កម្ពុជា ឡាវ ព្រុយណេ និងទីម័រខាងកើត។ កម្រិតនេះក៏បែងចែកជា ២ ពូល ដែរដោយ ១ ពូលមាន ៣ ក្រុម ដើម្បីប្រកួតសន្សំពិន្ទុក្នុងពូល នៅ ហុងកុង ជាម្ចាស់ផ្ទះ។

ការប្រកួតគ្មានវគ្គពាក់កណ្តាលផ្តាច់ព្រ័ត្រទេសម្រាប់ពានរង្វាន់ទាំងពីរកម្រិតគឺ ក្រុមលេខ ១ នៃពូលទាំង២ ត្រូវជួបគ្នាវគ្គផ្តាច់ព្រ័ត្រ ដណ្តើមជើងឯក ខណៈក្រុមលេខ ២ លេខ ៣ និងលេខ ៤ នៃពូលនីមួយៗក៏ត្រូវប្រកួតគ្នាដើម្បីដណ្តើមចំណាត់ថ្នាក់។ ក្រុមនីមួយៗអាចមានការប្រកួតចន្លោះពី ២ ទៅ ៤ ប្រកួតទើបចប់។

ប្រាក់រង្វាន់សរុបប្រមាណ ៤ លានដុល្លារអាមេរិក