កីឡា

ក្រុមជម្រើសជាតិបាល់ទះកម្ពុជា ទៅហ្វឹកហាត់នៅចិន រយៈពេល៣ខែ ត្រៀម SEA GAMES 2021 នៅវៀតណាម

បានផុស

៥ years មុន

នៅ

ថ្ងៃអង្គារ ១៨ ឧសភា ២០២១

ដោយ

សហព័ន្ធកីឡាបាល់ទះកម្ពុជាត្រៀមបញ្ជូនគ្រូបង្វឹក និងកីឡាករ ដែលស្ថិតក្នុងក្រុមកីឡាជម្រើសជាតិទៅធ្វើការហ្វឹក ហាត់នៅប្រទេសចិនរយៈពេលវែងនាចុងខែកក្កដា ឆ្នាំ២០២១ ដើម្បីត្រៀមចូលរួមព្រឹត្តិការណ៍ការប្រកួត SEA GAMES 2021 ឆ្នាំ២០២១ នៅទីក្រុងហាណូយ ប្រទេសវៀតណាមនាខែវិច្ឆិកាឆ្នាំ២០២១ និងត្រៀមសម្រាប់SEA GAMES 2023 ឆ្នាំ២០២៣ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Li Jun នឹងដឹកនាំក្រុមបាល់ ទះក្នុងសាលផ្នែកបុរសជម្រើសជាតិកម្ពុជាទៅចូលរួមការប្រកួត SEA GAMES 2021 ឆ្នាំ២០២១ នៅទីក្រុងហាណូយ ប្រទេសវៀតណាមនាខែវិច្ឆិកាខាងមុខ។

លោក បឹង គឹមតោ អគ្គលេខាធិការសហព័ន្ធកីឡាបាល់ទះកម្ពុជាបានប្រាប់តាមសារអេឡិត្រូនិកថា សហព័ន្ធនឹងបញ្ជូនគ្រូ បង្វឹក និងកីឡាករទៅហ្វឹកហាត់នៅប្រទេសចិននៅចុងខែកក្កដាខាងមុខនេះ ហើយចំពោះការហាត់ហ្វឹកហ្វឺននៅប្រទេសចិនមានរយៈពេល៩០ថ្ងៃ (៣ខែ) មុនព្រឹត្តិការណ៍ការប្រកួត SEA GAMES 2021 ឆ្នាំ ២០២១ នៅទីក្រុងហាណូយ ប្រទេសវៀតណាមមកដល់។ មុននឹងចេញដំណើរទៅហ្វឹកហាត់កីឡាករត្រូវរៀនភាសាចិនថ្នាក់មូលដ្ឋានជាមុនសិន។

លោកបានបន្តថា ក្រោយចប់ការប្រកួត SEA GAMES 2021 ឆ្នាំ២០២១ ក្រុមនេះ នឹងត្រឡប់ទៅហាត់នៅប្រទេសចិនវិញដើម្បីត្រៀមព្រឹត្តិការណ៍ការប្រកួត SEA GAMES 2023 ឆ្នាំ២០២៣ លើកទី៣២ ដែលកម្ពុជាយើងនឹងធ្វើម្ចាស់ផ្ទះការប្រកួតជាផ្លូវការ។

សូមបញ្ជាក់ថា ការហ្វឹកហាត់នេះ សម្រាប់កីឡាករដែលបានជាប់ជាជម្រើសជាតិបាល់ទះក្នុងសាលក្នុងការប្រមូលផ្ដុំនៅឆ្នាំ ២០២១ទាំងអស់គឺជាកីឡាករជម្រើសជាតិតែប៉ុណ្ណោះ។ សម្រាប់ក្រុមជម្រើសជាតិបាល់ទះក្នុងសាលកម្ពុជាមានចំនួន២០នាក់៖ ១-សួន ចាន់ណារ៉ូ ២-គួន ម៉ុម ៣-សឿន ហេង៤-អាន សុខហេង៥-ឡាង រាសីកែវ ៦-មី សុផណ្ណ ៧-ឈាង ភារដ្ឋ ៨-ពិន សារុន ៩-វឿន វាសនា១០-ផុល រតនៈ ១១-គង់ ពិសិដ្ឋ ១២-ខឹម សុវណ្ណារ៉ា ១៣-ម៉ន សុខនាង ១៤-មី រសី ១៥-សឿន ហង ១៦-មួន និមល ១៧-ផល ផានីត ១៨-ភុំចាន់តុលា១៩-ឈីម ឈាងនី ២០-សៅ តាន ៕

អត្ថបទ៖ វិសិទ្ធ

សូមចុចអាន៖ ក្រុមកីឡាតេក្វាន់ដូWTកម្ពុជា ចេញដំណើរចូលរួមប្រកួតវគ្គជម្រុះកីឡាអូឡាំពិកតូក្យូទ្វីបអាស៊ីនៅហ្ស៊កដង់