Connect with us

កីឡា

គ្រូ​ក្លិប​Kedah របស់​ម៉ាឡេស៊ី​ ទាមទារ​ឱ្យ​កីឡាករ​របស់ខ្លួន​មាន​ស្មារតី​ចង់​ឈ្នះ​ក្នុងការ​ប្រកួត​ចុងក្រោយ AFC Cup ទល់នឹង​វិសាខា កម្ពុជា

បានផុស

នៅ

លោក Aidil Sharin Sahak គ្រូបង្វឹក​របស់​ក្លិប Kedah Darul Aman FC បានដាក់​ការទាមទារ​ឱ្យ​កីឡាករ​របស់ខ្លួន​មាន​ស្មារតី​ចង់​ឈ្នះ នៅពេលដែល​ពួកគេ​ប្រកួត​ជាមួយ​ក្លិប​វិសាខា ក្នុងការ​ប្រកួត​ចុងក្រោយ​ពូ​ល G នៃ​យុទ្ធនាការ AFC Cup នៅ​កោះ​បាលី ប្រទេស​ឥណ្ឌូនេស៊ី នៅ​យប់​ថ្ងៃស្អែក​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជ័យជម្នះ ៤-១ លើ​ក្លិប​ហ្វីលីពីន Kaya FC ក្នុង​ប្រកួត​ទី​២ កាលពី​ថ្ងៃ​ច័ន្ទ​កន្លងទៅ បាន​ជំរុញ​ទឹកចិត្ត​កូនក្រុម​របស់លោក មុន​ជំនួប​ទល់នឹង​ក្លិប​មកពី​កម្ពុជា​។

«​ការតាំង​ចិត្ត នោះ​គឺ​ត្រូវ​គិតថា​ឱកាស​ដើម្បី​បាន​ឡើងទៅ​ប្រកួត​ជុំ​បន្ទាប់​នៅតែមាន នោះ​ជាការ​សំខាន់បំផុត និង​ការលើកទឹកចិត្ត​មួយ​នៅពេលដែល​យើង​មក​ជាមួយនឹង​ស្មារតី​ចង់​ឈ្នះ នៅ​យប់​ថ្ងៃស្អែក​។ ខ្ញុំ​មិន​ដឹង​ថា​វិសាខា​គិត​យ៉ាងណាទេ ព្រោះ​គេ​កក់ក្ដៅ​រួចហើយ​ក្រោយ​ឈ្នះ​២​ប្រកួត ប្រហែល​ថ្ងៃស្អែក​គេ​នឹងមាន​អារម្មណ៍​ធូរស្រាល​។​» នេះ​បើ​តាម​សម្ដី​របស់លោក Aidil Sharin Sahak ក្នុង​សន្និសីទ​សារព័ត៌មាន​មុន​ការប្រកួត​។

លោក​បាន​បន្ត​ថា «​សំខាន់បំផុត​សម្រាប់​ខ្ញុំ និង​កីឡាករ យើង​ត្រូវមាន​ស្មារតី​ឈ្នះ ហើយ​ត្រូវមាន​កាតព្វកិច្ច​ដើម្បី​រក​ឱ្យបាន ៣​ពិន្ទុ​សម្រាប់​ថ្ងៃស្អែក​។​»

បច្ចុប្បន្ន វិសាខា នាំមុខ​ក្នុង​តារាង​ពិន្ទុ​ពូ​ល G បន្ទាប់ពី​ឈ្នះ ២​ប្រកួត​ដោយ រកបាន ៦ ពិន្ទុ​ពេញ ខណៈ Kedah FC ទើបតែ​រក​បាន ៣​ពិន្ទុ ក្រោយ​ឈ្នះ Kaya FC គ្រា​ដែល​ប្រកួត​ដំបូង​ចាញ់ Bali United (​ឥណ្ឌូនេស៊ី​) ០-២​។

ច្បាស់​ណាស់ គ្រូ​បង្វឹក​សញ្ជាតិ​សិង្ហ​បុរី​រូប​នេះ​បានឱ្យដឹងថា កីឡាករ​របស់លោក​ទាំ​ង​អស់​មិនមាន​បញ្ហា​របួស​ឡើយ ហើយ​ពួកគេ​នឹងមាន​ក្រុម​ដ៏​ខ្លាំង​បំផុត​នៅ​យប់​ស្អែក​។ «​ខ្ញុំ​គិត​ថា ​ការរៀបចំ​របស់​យើង​គឺ​សាមញ្ញ ពីព្រោះ​យើង​បាន​លេង ២​ប្រកួត ហើយ​មានការ​សម្រួល​កម្លាំង​មកវិញ​ល្អ និង​មិនមាន​របួស​អ្វី​ទេ​បន្ទាប់ពី ២​ប្រកួត បើទោះបីជា​ឆ្លងកាត់​កម្មវិធី​ប្រកួត​មមាញឹក​ក៏ដោយ​។​»

«​ប៉ុន្តែ​ខ្ញុំ​គិតថា​ ថ្ងៃនេះ​យើង​មានការ​ហ្វឹកហាត់​មួយទៀត​សម្រាប់​ការរៀបចំ​នៅ​ថ្ងៃស្អែក ហើយ​កីឡាករ​បាន​ទន្ទឹង​រង់ចាំ និង​ត្រៀមខ្លួន​រួចជាស្រេច​ជាមួយនឹង​ការតាំង​ទឹកចិត្ត​ពេញលេញ បន្ទាប់ពី​ការយក​ឈ្នះ​លើ Kaya FC ដែល​ពិតជា​មិន​ងាយស្រួល​នោះទេ​។​» លោក Aidil បាន​បន្ថែម​។

​លោក​បាន​បន្តថា «​យើង​ដឹងថា​វិសាខា​ជា​ក្រុម​មួយ​ហើយ​បានឈ្នះ ២​ប្រកួត​មុន ប៉ុន្តែ​ក្នុងការ​ប្រកួត​បាល់ទាត់​យើង​ត្រូវតែមាន​ទំនុកចិត្ត ហើយ​សកម្មភាព​ចាប់ផ្ដើម​ពី​លទ្ធផល ០-០»​។

​គួរ​បញ្ជាក់ថា ការប្រកួត​រវាង​ក្រុម​ទាំងពីរ​នៅ​ថ្ងៃទី​៣០ ខែមិថុនា ស្អែក​នេះ នឹងធ្វើ​ឡើង​នា​វេលា​ម៉ោង ៨​យប់ (​ម៉ោង​នៅ​កម្ពុជា​) ខណៈ​ប្រកួត​នេះ វិសាខា ត្រូវការ​ត្រឹម​ស្មើ​ក៏​ទទួល​បាន​ឱកាស​ឡើង​វគ្គ​បន្តបាន​ផងដែរ​៕

អត្ថបទ​៖ មន្នី​រ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា៦ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ៦ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ៧ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៧ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៨ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម