កីឡា
វៀតណាម និងថៃ សោកស្ដាយ ពេលកីឡាមួយចំនួន ពុំបានបញ្ចូលស៊ីហ្គេម កម្ពុជា ២០២៣
សារព័ត៌មាន និងអ្នកគាំទ្រវៀតណាម ជាមួយថៃ បានសម្ដែងការសោកស្ដាយ បន្ទាប់ពីកីឡាសក្ដានុពលរបស់គេមួយចំនួន ពុំត្រូវបានដាក់បញ្ចូលទៅក្នុងការប្រកួតកីឡាស៊ីហ្គេម លើកទី៣២ ឆ្នាំ២០២៣ នៅកម្ពុជា។
កីឡាអូឡាំពិក ជាច្រើនដូចជា បាញ់កាំភ្លើង កីឡាប្រណាំងទូករ៉ូអ៊ីង (rowing ) និងបាញ់ធ្នូ ត្រូវបានដកចេញពីស៊ីហ្គេម លើកទី៣២ ឆ្នាំក្រោយ ខណៈដែលវៀតណាម បានចាត់ទុកកីឡានេះមានសក្ដានុពលសម្រាប់ប្រទេសរបស់ខ្លួនក្នុងការប្រជែងមេដាយ។
ថ្មីៗនេះ កម្ពុជា បានរៀបចំកិច្ចប្រជុំក្រុមប្រឹក្សាសហព័ន្ធកីឡាអាស៊ីអាគ្នេយ៍ ចាប់ពីថ្ងៃទី១១ ដល់ថ្ងៃទី១៣ ខែកក្កដា។ ក្នុងកិច្ចប្រជុំនេះ ប្រទេសម្ចាស់ផ្ទះបានស្នើប្រភេទកីឡាចំនួន៤០ សម្រាប់ស៊ីហ្គេម លើកទី៣២ ឆ្នាំ២០២៣។ ក្នុងវេបសាយរបស់វៀតណាម vnexpress និយាយថា៖ “ក្នុងចំណោមប្រភេទកីឡា ១៥ប្រភេទ នៅស៊ីហ្គេមលើកទី៣១ នៅប្រទេសវៀតណាម ត្រូវបានកាត់ចេញពីបញ្ជី រួមមានប្រភេទកីឡាអូឡាំពិកជាច្រើនដូចជាការបាញ់កាំភ្លើង បាញ់ធ្នូ និងចែវទូក (rowing )”។
កាសែតខាងលើបន្ថែមទៀតថា កម្ពុជាបានដកកីឡាទាំងនេះចេញ ដោយសារកីឡាខ្លះមិនមានសហព័ន្ធ អត្តពលិក ក៏ដូចជាសម្ភារៈបរិក្ខារស្របតាមតម្រូវការ។ យោងតាមអគ្គនាយករងនៃអគ្គនាយកដ្ឋានអប់រំកាយ និងកីឡាវៀតណាម លោក Tran Duc Phan កីឡាទាំងនេះគឺជាប្រភេទកីឡាដែលវៀតណាមមានខ្លាំង ដូច្នេះការដកនេះនឹងជះឥទ្ធិពលយ៉ាងខ្លាំងដល់ចំនួនមេដាយមាសដែលពួកគេអាចរកបាន។
កីឡាបាញ់កាំភ្លើង វៀតណាម រកមេដាយមាសបានដល់ទៅ ៧គ្រឿង ពេលគេធ្វើម្ចាស់ផ្ទះដែលទើបបញ្ចប់ថ្មីៗនេះ ខណៈបាញ់ធ្នូ ឈ្នះមេដាយប្រាក់៤ រីឯកីឡាទូករ៉ូអ៊ីង គេឈ្នះមេដាយមាស ៨គ្រឿង។
ដោយឡែកថៃវិញ បានសោកស្ដាយនៅពេលដែលកីឡាបាល់ទាត់ក្នុងសាល (Futsal) ពុំត្រូវបានដាក់បញ្ចូល ដ្បិតកីឡានេះថៃ ខ្លាំងជាងគេ និងរកមេដាយមាស បានជារៀងរាល់ឆ្នាំ។ ជាមួយគ្នានោះក្នុងកិច្ចប្រជុំគេក៏បានទាមទាឱ្យពិចារណាដាក់កីឡាបាញ់ធ្នូ ចូលប្រកួតផងដែរ។
នៅមានផ្លូវដែលកីឡាបាញ់ធ្នូ និងបាញ់កាំភ្លើង អាចត្រូវបានដាក់បញ្ចូល ខណៈកីឡាបាញ់កាំភ្លើង, កីឡាបាញ់ធ្នូ និង៣ប្រភេទកីឡាផ្សេងទៀត មានកីឡា Kurash, កីឡាកាយសម្ព័ន្ធ វិញ្ញាសា (Rythmic) និងអុកអន្តរជាតិ កំពុងដាក់ក្នុងការពិចារណ។
គួរបញ្ជាក់ថា ស៊ីហ្គេម លើកទី៣២ ឆ្នាំ២០២៣ គ្រោងនឹងប្រព្រឹត្តទៅចាប់ពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣៕
អត្ថបទ៖ មន្នីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ