កីឡា
ព្រំ សំណាង កែប្រែជីវិតយ៉ាងឆាប់រហ័សក្នុងឆ្នាំ២០២៣
អ្នកប្រដាល់គុនខ្មែរ ព្រំ សំណាង បានកែប្រែជីវិតយ៉ាងឆាប់រហ័សនៅក្នុងពាក់កណ្តាលឆ្នាំ២០២៣នេះ បន្ទាប់ពីរូបគេទទួលបានជោគជ័យលើសង្វៀនទាំងក្នុង និងក្រៅបរទេស។
ព្រំ សំណាង បានកំពុងប្រឡូកប្រដាល់គុនខ្មែររយៈពេលជិត១៥ឆ្នាំហើយដោយបានក្លាយជាកីឡាករវ័យជ្រេម្នាក់ក្នុងចំណោមកីឡាករវ័យចំណាស់តិចតូចកំពុងប្រកបអាជីពប្រដាល់សព្វថ្ងៃ។
រហូតដល់ពេលនេះ ព្រំ សំណាង ធ្លាប់ឡើងសង្វៀនជិត២០០ដងហើយ ក្នុងនោះឈ្នះប្រហែលជា១៥០ដង និងធ្លាប់ផ្តួលដៃគូឲ្យសន្លប់៧៣ដង ហើយក៏ធ្លាប់ចាញ់ប្រហែលជា១០ដងប៉ុណ្ណោះ។
គិតចាប់តាំងពីខែមិថុនា ឆ្នាំ២០១៩ ព្រំ សំណាង បានឡើងប្រកួតចំនួន២៩ដងគឺឈ្នះ២៨ដង និងស្មើ១ដង ហើយមិនដែលចាញ់សោះ។ ឆ្នាំ២០២២ និង២០២៣ ជាពេលវេលាដែលកីឡាករមានដើមកំណើតនៅខេត្តកំពង់ស្ពឺទទួលបានជោគជ័យបំផុតក្នុងអាជីព ហើយបានកំពុងកែប្រែជីវភាពរស់នៅខ្វះមុខក្រោយក្លាយជាកីឡាករប្រដាល់ដែលមានជីវភាពធូរធារ។
កាលពីខែកុម្ភៈ ឆ្នាំ២០២៣ ព្រំ សំណាង បានឈ្នះខ្សែក្រវាត់អន្តរជាតិ Thai Fight បន្ទាប់ពីផ្តួលកីឡាករអង់គ្លេស Thomas Carpenter ក្នុងទឹកទី១ នៅប្រទេសថៃ។ បន្ទាប់មកនៅខែមេសា រូបគេបានប្រកួតឈ្នះកីឡាករថៃ Sudsakorn Sor Klinmee ដោយពិន្ទុដើម្បីទទួលបានខ្សែក្រវាត់គ្រុដ។ អ្វីដែលកាន់តែពិសេសទៀតនោះ អ្នកលេងគុនខ្មែររូបនេះបានឈ្នះមេដាយមាសកីឡាស៊ីហ្គេម បន្ទាប់ពីប្រកួតឈ្នះកីឡាករមីយ៉ាន់ម៉ា Tun Tun Min នៅវគ្គផ្តាច់ព្រ័ត្រកាលពីខែឧសភា។
ការឈ្នះខ្សែក្រវាត់ និងមេដាយមាសស៊ីហ្គេមគឺជាសមិទ្ធផលដ៏ធំធេងដែលធ្វើឲ្យរូបគេទទួលបានប្រាក់ចំណូល ក៏ដូចជាប្រាក់រង្វាន់ដ៏ច្រើនដើម្បីផ្គត់ផ្គង់ជីវភាពគ្រួសារ។ ជាងនេះទៀតនោះ រូបគេបានចូលរួមប្រកួតបីស្ត្រីជាទីស្រឡាញ់ និងទទួលបានរថយន្តមួយគ្រឿងក្នុងឱកាស«ទិវាអន្តរជាតិនារី៨មីនា»ពីម្ចាស់ឧបត្ថម្ភ។ មិនត្រឹមតែប៉ុណ្ណោះ ក្រុមហ៊ុននេះក៏បានផ្តល់ផ្ទះមួយកន្លែងថែមទៀតដល់រូបគេដែលទើបតែរៀបចំពិធីឡើងផ្ទះកាលពីពេលថ្មីៗនេះ។
សូមបញ្ជាក់ថា ព្រំ សំណាង ដែលមានអាយុ៣៦ឆ្នាំមានដើមកំណើតនៅភូមិ ក្រាំងចេក ស្រុកភ្នំស្រួច ខេត្តកំពង់ស្ពឺ កំពុងកំពុងកាន់ខ្សែក្រវាត់អន្តរជាតិ២គ្រឿង មេដាយមាសស៊ីហ្គេម ឆ្នាំ២០២៣ មេដាយមាសថ្នាក់ជាតិជាច្រើនគ្រឿង និងមេដាយសំរិទ្ធស៊ីហ្គេម ឆ្នាំ២០២១៕
អត្ថបទ៖ វីរបុត្រ
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១០ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ