អត្តពលិក​គុនដាវអ៊ុយក្រែន​ ​ត្រូវ​បានសម្លាប់​ក្នុង​សង្គ្រាម​ជាមួយ​រុស្ស៊ី

កីឡាករ Denys Boreyko ដែលជាអត្តពលិកកីឡាគុនដាវជួរមុខម្នាក់របស់អ៊ុយក្រែន ត្រូវបានសម្លាប់ជា​មួយរុស្ស៊ី។

ព័ត៌មាននៃការស្លាប់របស់កីឡាករ​រូប​នេះ​ត្រូវបានផ្សព្វផ្សាយនៅលើប្រព័ន្ធផ្សព្វផ្សាយសង្គមដោយលោក Anton Gerashchenko ​ដែល​ជា​ទីប្រឹក្សាក្រសួងមហាផ្ទៃរបស់ប្រទេសអ៊ុយក្រែន។

លោក Gerashchenko បានសរសេរថា ៖«ចាប់ពីថ្ងៃដំបូងនៃការលុកលុយរបស់រុស្ស៊ីក្នុងខែកុម្ភៈ [ឆ្នាំ២០២២]។ លោក Denys បានជួយយោធាអ៊ុយក្រែន និងការពារទឹកដីរបស់ Dnipro ហើយនៅខែមីនា ឆ្នាំ២០២២ គាត់បានចូលរួមដោយស្ម័គ្រចិត្តនៅក្នុងកងកម្លាំងប្រដាប់អាវុធអ៊ុយក្រែន»។

ការស្លាប់របស់ Boreyko បាន​ធ្វើឱ្យកាន់តែមានភាពតានតឹងក្នុងវិស័យកីឡាគុនដាវ ហើយដែលនាំឱ្យមានបញ្ហានៃការចូលរួមរបស់រុស្ស៊ីកាន់តែរសើបខ្លាំង ។

សេចក្តីសម្រេចរបស់សហព័ន្ធកីឡាគុនដាវធអន្តរជាតិ ក្នុងខែមីនា​បាន​លើក​ឡើងថា កីឡាករគុនដាវរុស្ស៊ី និងបេឡារុស្ស អាចត្រឡប់ទៅការប្រកួតរបស់ខ្លួនវិញ ដោយប្រើប្រាស់ទង់អព្យាក្រឹតបានបង្ហាញពីការបែកបាក់គ្នាយ៉ាងខ្លាំង ហើយបានបណ្តាលឱ្យព្រឹត្តិការណ៍ជាច្រើននៅអឺរ៉ុបត្រូវបានលុបចោល។

យោងតាមការធ្វើបច្ចុប្បន្នភាពចុងក្រោយដែលផ្តល់ដោយរដ្ឋមន្ត្រីកីឡារបស់ប្រទេស និងជាប្រធានគណៈកម្មាធិការជាតិអូឡាំពិកលោក Vadym Gutzeit ក្នុងខែមេសា​ថា អត្តពលិកអ៊ុយក្រែន ២៦២នាក់ត្រូវបានសម្លាប់ និងទីតាំងប្រកួតកីឡា ៣៦២កន្លែងត្រូវបានបំផ្លាញនៅក្នុងសង្គ្រាម៕

ប្រែសម្រួល៖ មន្នីរ័ត្ន
ប្រភព៖ insidethegames.biz