កីឡាការិនី​អ៊ុយក្រែន​ត្រូវ​បាន​ដក​សិទ្ធិ​ពីការ​ប្រកួតគុនដាវពិភពលោក ព្រោះមិន​ចាប់​ដៃកីឡាការិនី​រុស្ស៊ី

ការខឹងសម្បារ​បាន​កើត​មាន​ឡើង​នៅក្នុងព្រឹត្តិការណ៍ប្រកួតកីឡាគុនដាវពិភពលោក Fencing World Championships នៅទីក្រុង Milan ប្រទេស​អ៉ីតាលី​ ជាកន្លែងម្ចាស់មេដាយអូឡាំពិក ៤សម័យកាលរបស់អ៊ុយក្រែន Olha Kharlan ត្រូវបានដកចេញពីការប្រកួតវិញ្ញាសាដាវ បន្ទាប់ពីបដិសេធចាប់ដៃជាមួយគូប្រជែងរុស្ស៊ី Anna Smirnova។

Kharlan បានឈ្នះការប្រកួតបើកឆាកក្នុងលទ្ធផល ១៥-៧ នៅមជ្ឈមណ្ឌលសន្និបាត Milan ហើយបានកាន់ដាវរបស់នាងដើម្បីបដិសេធចាប់ដៃជាមួយ Smirnova បន្ទាប់ពីការប៉ះទង្គិចគ្នាជាលើកដំបូងរវាងអត្តពលិកអ៊ុយក្រែន និងអត្តពលិកអព្យាក្រឹតរុស្ស៊ី នៅឯព្រឹត្តិការណ៍កីឡាគុនដាវពិភពលោក។

Smirnova បានចាប់ផ្តើមការតវ៉ា ដោយនៅតែឈរនៅលើទីលានប្រហែល ៥០នាទីបន្ទាប់ពីជាមួយ Kharlan បាន​បញ្ចប់ ប៉ុន្តែដំបូងឡើយ​ត្រូវបានគេរាយការណ៍ថា វាត្រូវបានបដិសេធ។ ទោះជាយ៉ាងណា Kharlan ក្រោយមកត្រូវបានពិន័យកាតខ្មៅដោយធ្វើឱ្យនាងមិនមានលក្ខណៈគ្រប់គ្រាន់សម្រាប់​ការប្រកួត។

កាតខ្មៅគឺជាការពិន័យដ៏ធ្ងន់ធ្ងរបំផុតក្នុងការប្រកួតកីឡាគុនដាវ ហើយ​ Kharlan ត្រូវ​បាន​បណ្តេញ​ចេញពីការប្រកួតជាក្រុម និង​ហាមឃាត់សម្រាប់​ចូល​រួម​ការ​ប្រកួត​រយៈ​ពេល៦០ថ្ងៃក្រោយ។

វាត្រូវបានកំណត់ និងត្រូវបានប្តឹងឧទ្ធរណ៍ដោយសហព័ន្ធកីឡាគុនដាវអ៊ុយក្រែន ដែលបាននិយាយថា “ខឹងសម្បារយ៉ាងខ្លាំងចំពោះសកម្មភាព” របស់ FIE ។

រដ្ឋាភិបាលអ៊ុយក្រែនបានខឹងសម្បារចំពោះការសម្រេចចិត្តនេះ ដោយរដ្ឋមន្ត្រីក្រសួងការបរទេស Dmytro Kuleba បានជំរុញឱ្យ FIE លុបចោលកាតខ្មៅ។

កាលពីមុននេះ កីឡាករ Ihor Reizlin របស់អ៊ុយក្រែន ដែលនឹងត្រូវ​ប្រកួត​ជាមួយអត្តពលិករុស្ស៊ី Vadim Anokhin ក្នុងវិញ្ញាសាបុរស បានដកខ្លួនចេញផងដែរដោយសារហេតុផលសុខភាព។

រដ្ឋាភិបាលអ៊ុយក្រែន បានសម្រេចឱ្យអត្តពលិករបស់ខ្លួនមិនអាចប្រកួតជាមួយ​អត្តពលិក​រុស្សី និងបេឡារុស្ស ក្នុងវគ្គជម្រុះ Paris 2024 ប៉ុន្តែថ្ងៃនេះបានដកបម្រាមចេញ៕

ប្រែសម្រួល៖ មន្នីរ័ត្ន
ប្រភព៖ insidethegames.biz