កីឡា
លីគកំពូលកម្ពុជា ចុងសប្ដាហ៍នេះប្រកួតតែ៤គូទេ ខណៈ២គូទៀតលើកទៅខែមេសា
ក្រោយប្រកួតបាល់១សប្ដាហ៍មក ក្រុមបាល់ទាត់ម្ចាស់ជើងឯក៦ជំនាន់ភ្នំពេញក្រោន បានឡើងឈរកំពូលតារាងបណ្តោះអាសន្នប្រចាំសប្ដាហ៍ដំបូងនៃពានរង្វាន់លីគកំពូលកម្ពុជា Metfone Cambodian League 2021 ស្របពេលប្រកួតក្នុងសប្ដាហ៍ទី២ នៅចុងសប្ដាហ៍នេះមានការប្រកួតតែ៤គូប៉ុណ្ណោះ ហើយ២គូផ្សេងទៀតត្រូវលើកទៅប្រកួតនៅខែមេសា ខាងមុខ។
ក្រោយប្រកួតបាន១សប្តាហ៍មកនេះឃើញថាក្រុមភ្នំពេញក្រោន ឈរកំពូលតារាង ក្រុមទាំង៦គូទាត់ចូលទីគ្នាទៅវិញទៅមក២២គ្រាប់ ហើយកីឡាកររកគ្រាប់បាល់បានច្រើនជាងគេគឺចំនួន២គ្រាប់មានកីឡាកររូបផ្សេងគ្នាដូចជាកីឡាករ អ៊ន ចាន់ប៉ូលីន, Andres Nieto,Matheus Souza របស់ភ្នំពេញក្រោន កីឡាករ ព្រីន ចិត្រា របស់អាស៊ីអឺរ៉ុប និងកីឡាករ Douglas Tardin របស់គីរីវង់សុខសែនជ័យ។ ចំណែកប្រកួតសប្ដាហ៍ដំបូងនេះដែរអាជ្ញាកណ្តាលបានចាយកាតក្រហម អស់១ និងកាតលឿងចំនួន២០ កាត។
ចំណែកកីឡាករល្អប្រចាំប្រកួតនីមួយៗ ដែលគណៈកម្មការជាតិប្រកួតបាល់ទាត់កម្ពុជា (CNCC) បានវាយតម្លៃមាន Andres Nieto របស់ភ្នំពេញក្រោន, ឡេង ណូរ៉ា របស់ព្រៃវែង, ឃុន សេងថៃ របស់អគ្គីសនីកម្ពុជា, Douglas Tardin របស់គីរីវង់សុខសែនជ័យ, សុះ ស៊ូហាណា របស់ណាហ្គាវើល និងកីឡាករ កែវ សុខផេង របស់វិសាខា។
ចំណែកប្រកួតបន្ទាប់មានតែ៤គូប៉ុណ្ណោះ ដោយនៅថ្ងៃសៅរ៍ ទី១៣ ខែមីនា ឆ្នាំ២០២១ ក្រុមអាស៊ីអឺរ៉ុប ជួបក្រុមបឹងកេត នៅកីឡដ្ឋាន AEU Sport Park វេលាម៉ោង៣:៣០នាទីរសៀល ហើយក្រុមព្រះខ័នរាជស្វាយរៀង ជួបក្រុមអគ្គីសនីកម្ពុជា នៅវេលាម៉ោង៦ល្ងាចលើទីលានកីឡដ្ឋានខេត្តស្វាយរៀង។ នៅថ្ងៃអាទិត្យ មាន២គូទៀតដោយក្រុមអង្គរថាយហ្គឺរ ជួបក្រុមគីរីវង់សុខសែនជ័យ នៅវេលាម៉ោង៣:៣០នាទីរសៀល និងក្រុមខេត្តព្រៃវែង បន្តទទួលក្រុមសូលទីឡូអង្គរ នៅម៉ោងដំណាលគ្នាលើទីលានកីឡដ្ឋានខេត្តព្រៃវែង។
ចំពោះ២គូដែលត្រូវ CNCC សម្រេចផ្លាស់ប្តូរកាលបរិច្ឆេទប្រកួត ក្រោមហេតុផលថាស្ថានភាពជាក់ស្តែងនាពេលបច្ចុប្បន្ននេះនៃការរីករាលដាលជំងឺកូវីដ-១៩ នៅក្នុងសហគមន៍និងដើម្បីចូលរួមទប់ស្កាត់ការរីករាលដាលជាបន្តនិងកាត់បន្ថយហានិភ័យនៃការឆ្លងជាយថាហេតុ។ ប្រកួតដែលសម្រេចលើកពេលប្រកួតគឺក្លិបវិសាខា ត្រូវប៉ះក្រុមអគ្គស្នងការដ្ឋាននគរបាលជាតិ នៅវេលាម៉ោង៦ល្ងាចថ្ងៃទី២០ ខែមេសា ឆ្នាំ២០២១ លើទីលានកីឡដ្ឋានព្រីន និងក្រុមណាហ្គាវើល ជួបក្រុមកងយោធពលខេមរភូមិន្ទ នៅម៉ោង៣:៣០នាទីរសៀលលើទីលានកីឡដ្ឋាន Smart RSN Stadium ក្នុងថ្ងៃជាមួយគ្នា៕
អត្ថបទ៖ ម៉េង ហួរ
សូមចុចអាន៖ Juventus ធ្លាក់ត្រឹមវគ្គ១៦ក្រុម UCL ដោយសារ Porto មានគ្នាតែ១០នាក់
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%