កីឡា
Juventus ធ្លាក់ត្រឹមវគ្គ១៦ក្រុម UCL ដោយសារ Porto មានគ្នាតែ១០នាក់
ក្រុមសេះបង្កង់ Juventus អស់ឱកាសធ្វើដំណើរបន្តក្នុងព្រឹត្តិការណ៍ពានរង្វាន់ Champions League ទៀតហើយ បន្ទាប់ពីឈ្នះ FC Porto ៣-២ នៅជើងទី២ ប៉ុន្តែបើគិតទាំងពីរជើង ស្មើគ្នា ៤-៤ ដែលក្នុងដីខ្លួនឯងធ្លាយគ្រាប់បាល់ច្រើនជាង។
សម្រាប់ការប្រកួតជើងទី២នៅទឹកដីរបស់ខ្លួន Juventus ត្រូវបានក្រុមភ្ញៀវ Porto រកគ្រាប់បាល់នាំមុខ១-០មុនដោយសារការស៊ុតប៉េណាល់ទីនៅនាទីទី១៩ ដោយកីឡាករ Sergiio Olveira ខណៈវគ្គទី១នេះម្ចាស់ផ្ទះរកគ្រាប់បាល់មិនបានទេ ហើយបង្កើតការព្រួយបារម្ភកាន់តែខ្លាំង។
ការប្រកួតនៅវគ្គទី២ Juventus នៅដើមវគ្គបានរកគ្រាប់បាល់តាមស្មើ ១-១ ដោយកីឡាករ Federico Chiesa នៅនាទី៤៩ ហើយចូលដល់នាទីទី៥៤ Medhi Teremi ទទួលបានកាតក្រហមត្រូវបណ្តេញចេញពីទីលាន បន្ទាប់ពីទទួលបានកាតលឿនជាងលើកទី២។ ដូច្នេះក្រុមភ្ញៀវ FC Porto គ្មានតែ១០នាក់ប៉ុណ្ណោះ។
បន្ទាប់ពីភ្ញៀវបាត់បង់កីឡាករម្នាក់ Juventus បន្ថែមគ្រាប់បាល់នាំមុខ ២-១ ដោយកីឡាករ Federico Chiesa ដដែលនៅនាទី៦៣។ លទ្ធផលនេះរក្សារហូតដល់៩០នាទី ដែលតម្រូវបន្ថែម១៥នាទីពីរដង។
សម្រាប់ការបន្ថែម១៥នាទីលើកទី១ ក្រុមទាំងពីរគ្មានគ្រាប់ទម្លាយសំណាញ់ទីគ្នាទេ ប៉ុន្តែលើកទី២ទើបមានគ្រាប់បាល់។ ក្រុមភ្ញៀវរកបានគ្រាប់បាល់ទី២ដែលគ្រាប់បាល់តាមស្មើ ២-២ដោយការស៊ុតហ្វ្រីឃីករាប់ស្មើចូលទីបានសម្រេចដោយកីឡាករ Sergio Oliveira នៅនាទីទី១១៥ ប៉ុន្តែត្រឹមតែ២នាទីក្រោយ Juventus បន្ថែមគ្រាប់បាល់ទី៣ដែលជាគ្រាប់បាល់ជ័យជម្នះ ៣-២ ដោយការប្រើក្បាលតែតរបស់កីឡាករ Adrien Rabiot នៅនាទីទី១១៧។
ទោះជាទទួលបានជ័យជម្នះដោយលទ្ធផល ៣-២នៅជើងទី២នេះក៏ដោយ ក៏មិនអាចជួយឲ្យ Juventus បន្តដំណើរទៅមុខទៀតទេ បន្ទាប់ពីជើងទី១នៅទឹកដីរបស់ FC Porto ចាញ់ដោយលទ្ធផល ២-១។
សរុបទាំងពីរជើងស្មើគ្នា ៤-៤ ប៉ុន្តែគ្រាប់បាល់កើតមាននៅទឹកដី Juventus ច្រើនជាង ដូច្នេះ FC Porto បន្តដំណើរទៅវគ្គ៨ក្រុមចុងក្រោយទៀត ខណៈក្រុមខ្លាំងអ៊ីតាលីមួយនេះអស់ឱកាសត្រឹមវគ្គ១៦ក្រុមចុងក្រោយនេះហើយហ។
នេះជាការធ្លាក់នៅវគ្គ១៦ក្រុមចុងក្រោយ UCL ពីររដូវកាលជាប់គ្នា បន្ទាប់ពីមានវត្តមានតារាឆ្នើម Christiano Ronaldo ដែលក្រុមរំពឹងថា នឹងលេចធ្លោនៅពានរង្វាន់លំដាប់ទី១នៅអឺរ៉ុប។
ជាមួយគ្នានេះ Borussia Dortmund បានឡើងទៅវគ្គ៨ក្រុមចុងក្រោយនៃពានរង្វាន់ UCL នេះយប់មិញ បន្ទាប់ពីស្មើគ្នាជាមួយ Sevilla ដោយលទ្ធផល ២-២ នៅជើងទី២ ប៉ុន្តែកាលពីជើងទីី១ ឈ្នះ ៣-២ ដែលសរុបទាំងពីរជើង Dortmund ឈ្នះ ៥-៤៕
អត្ថបទ៖ វីរបុត្រ
ប្រភពរូប៖ Dailymail
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត