កីឡា
ក្រុមនារី Sports កម្ពុជា ជឿជាក់ខ្ពស់ ក្នុងការប្រកួតជើងឯកពិភពលោកលើកនេះ
ក្រុមកីឡាការិនីអេឡិចត្រូនិក CFU Serendipity តំណាងឲ្យក្រុមជម្រើសជាតិនារីកម្ពុជានឹងចូលរួមប្រកួតជើងឯកពិភពលោក IESF World Esports Championship 2024 លើវិញ្ញាសា Mobile Legends Bang Bang ផ្នែកនារី ចាប់ពីថ្ងៃទី១២ ដល់ថ្ងៃទី១៩ ខែវិច្ឆិកា ឆ្នាំ២០២៤ នៅប្រទេសអារ៉ាប៊ីសាអ៊ូឌីត។
មុនចេញដំណើរទៅ កញ្ញា ឆៃលីម កិន្នារី ប្រធានក្រុម CFU Serendipity បានបង្ហាញភាពជឿជាក់ក្នុងការចូលរួមប្រកួតលំដាប់ពិភពលោកលើកទី២។ កញ្ញាបានលើកឡើងថា ៖«ចំពោះការទៅប្រកួតជើងឯកពិភពលោកនៅអារ៉ាប៊ីសាអ៊ូឌីតលើកនេះ គឺយើងមានការជឿជាក់ខ្លាំង ពីព្រោះពួកយើងធ្លាប់ទៅប្រកួតម្តងហើយ។ ក្រុមយើងមានបទពិសោធខ្លះហើយនៅទីនោះ។ កាលលើកទី១នោះបានធ្វើឲ្យក្រុមរបស់យើងស្គាល់ខ្លួនឯងកាន់តែច្បាស់ ដូច្នេះយើងបានកែលំអចំណុចខ្វះខាតសម្រាប់ការចូលរួមប្រកួតលើកនេះ»។
កញ្ញាបានបញ្ជាក់ថា ៖«ក្រុមនារីនៅប្រទេសផ្សេងៗបានដើរមុនទៅមុខមុនយើង ប៉ុន្តែឥឡូវនេះ ខ្ញុំជឿជាក់ថា ក្រុមកីឡាអេឡិចត្រូនិកនារីខ្មែរយើងក៏មិនចាញ់ប្រៀបគេប៉ុន្មានដែរ។ បើយើងខំប្រឹងបន្តិចទៀត យើងនឹងខ្លាំងដូចគេដែរ។ ខ្ញុំមិនហ៊ានថា យើងទទួលបានមេដាយឬយ៉ាងណាទេ តែយើងខ្ញុំសន្យាធ្វើឲ្យបានល្អបំផុត»។
វិញ្ញាសា MLBB ផ្នែកនារីនេះមាន១២ក្រុមដែលត្រូវបានបែងចែកជា២ពូល។ ក្រុមកីឡាអេឡិចត្រូនិកនារីកម្ពុជា ស្ថិតនៅពូល B ដែលមាន អាហ្សង់ទីន កូឡុំប៊ី ម៉ុងហ្គោលី នេប៉ាល់ និងអ៊ុយក្រែន ខណៈពូល A មាន អេហ្ស៊ីប ហ្គាតេម៉ាឡា ឥណ្ឌូណេស៊ី អារ៉ាប៊ីសាអ៊ូឌីត អារ៉ាប់រួម និងអ៊ូបេគីស្ថាន។
រូបមន្តនៃការប្រកួតគឺវិលជុំសន្សំពិន្ទុក្នុងពូល។ បន្ទាប់មក ក្រុមលេខ១ និងលេខ២ បានឡើងទៅកាន់កម្រិត Upper Bracket ខណៈលេខ២នៃពូលទាំងពីរបន្តមានឱកាសប្រកួតកម្រិត Lower Bracket។ ចំណែកក្រុម៣នៅក្រោមគេអស់ឱកាសឡើងវគ្គបន្ត។
សូមបញ្ជាក់ថា វិញ្ញាសានារីនេះ ក្រុមជើងឯកនឹងទទួលបានប្រាក់រង្វាន់៥ម៉ឺនដុល្លារ លេខ២ទទួលបាន២,៥ម៉ឺនដុល្លារ លេខ៣ទទួលបាន១,៥ម៉ឺនដុល្លារ, លេខ៤ទទួលបាន១ម៉ឺនដុល្លារ, លេខ៥-៦ ទទួលបាន៧៥០០ដុល្លារ, លេខ៧-៨ ទទួលបាន២៥០០ដុល្លារ និងលេខ៩ដល់១២ក៏ទទួលបានប្រាក់រង្វាន់ដែរ។
ក្រុម CFU Serendipity ទទួលបានកៅអីឡើងទៅជុំចុងក្រោយនៅប្រទេសអារ៉ាប៊ីសាអ៊ូឌីត បន្ទាប់ពីធ្វើបានល្អនៅក្នុងការប្រកួតប្រចាំតំបន់អាស៊ាន ដែលមានតែ២កៅអី ក្នុងនោះក្រុមនារីឥណ្ឌូណេស៊ីក៏ទទួលបាន១កៅអីដែរ៕
អត្ថបទ៖ វីរបុត្រ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
មន្ត្រីជាន់ខ្ពស់ក្រសួងការងារ អំពាវនាវឲ្យពលរដ្ឋបន្តស្មារតីជាតិនិយម ដើម្បីបង្ហាញពីទឹកចិត្តមោះមុតក្នុងការទប់ស្កាត់រាល់សកម្មភាពឈ្លានពានរបស់សត្រូវ
រដ្ឋបាលខេត្តតាកែវ ចាប់ផ្តើមផ្តល់ពាក្យ និងទទួលពាក្យស្នើសុំប្រឡងចូលក្របខ័ណ្ឌមន្រ្តីពន្ធនាគារ
ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ
កីឡាការិនី យ៉ុន យ៉ើន បង្កើតប្រវត្តិផ្ទាល់ខ្លួនទៅលេងប្រទេសទី៣ក្នុងអាជីព
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
ថៃ ក្រពុលមុខ រឿងចៅអធិការវត្តនិងស្រីស្នេហ៍ ទើបពន្លឿនការស៊ើបអង្កេត កុំឲ្យកាន់តែអាម៉ាស់
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៩ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ