ព័ត៌មានជាតិ

ក្រុមបុរស Pro Esports និងនារី Galaxy Phoenix តំណាងកម្ពុជា ទៅប្រកួតជើងឯកពិភពលោកនៅបារាំង

បានផុស

១ ខែ មុន

នៅ

ថ្ងៃអង្គារ ២ មិថុនា ២០២៦

ដោយ

ព្រឹត្តិការណ៍ប្រកួតកីឡាអេឡិចត្រូនិកពិភពលោក (Esports World Cup) ឆ្នាំ ២០២៦ គ្រោងធ្វើពីថ្ងៃទី៦ ខែកក្កដា ដល់ ថ្ងៃទី២៣ ខែសីហា នៅទីក្រុងបារីស ប្រទេសបារាំង ដោយមានចំនួន ២៥ វិញ្ញាសា និងមានប្រាក់រង្វាន់សរុប ៧៥លានដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

និយាយដាច់ដោយឡែកតែ កីឡាអេឡិចត្រូនិកវិញ្ញាសាទូរសព្ទដៃ Mobile Legends Bang Bang ផ្នែកបុរស និងនារី មានប្រាក់រង្វាន់ខុសគ្នា។ សម្រាប់ការប្រកួតជុំចុងក្រោយនៅប្រទេសបារាំង ត្រូវជ្រើសរើសក្រុមចំនួន ១៦ សម្រាប់បុរស និងក្រុមចំនួន ១៦ សម្រាប់នារី មកពីទូទាំងពិភពលោក។

ចំពោះប្រាក់រង្វាន់សម្រាប់ក្រុមជើងឯកផ្នែកបុរសគឺចំនួន ១ លានដុល្លារអាមេរិក លេខ ២ ទទួលបាន ៥០ ម៉ឺនដុល្លារអាមេរិក លេខ៣ ទទួលបាន ២៥ម៉ឺនដុល្លារអាមេរិក និងលេខ ៤ ទទួលបាន ១៥ ម៉ឺនដុល្លារអាមេរិក។ ក្រុមផ្សេងៗក៏ទទួលបានប្រាក់ឧបត្ថម្ភដែរ ក្នុងនោះសូម្បីតែក្រុមដែលបានចូលរួមប្រកួត ប៉ុន្តែមិនទទួលបានកៅអីឡើងទៅជុំចុងក្រោយនៅប្រទេសបារាំងក៏ទទួលបានប្រាក់ឧបត្ថម្ភដែរ។

ចំណែកប្រាក់រង្វាន់សម្រាប់នារីវិញ ក្រុមជើងឯក ទទួលបាន ១៥ ម៉ឺនដុល្លារអាមេរិក ក្រុមលេខ២ ទទួលបាន ៩ ម៉ឺនដុល្លារអាមេរិក ក្រុមលេខ៣ ទទួលបាន ៥ ម៉ឺនដុល្លារអាមេរិក និងក្រុមលេខ៤ ទទួលបាន ៣ ម៉ឺនដុល្លារអាមេរិក។ ក្រុមពីលេខ ៥ ដល់លេខ ១៦ ក៏ទទួលបានប្រាក់ឧបត្ថម្ភដែរ។

ចំពោះកម្ពុជា មានក្រុមទាំងបុរស និងនារីបានកក់កៅអីឡើងទៅជុំចុងក្រោយនៅប្រទេសបារាំងរួចរាល់ហើយ។ ក្រុមនារី Galaxy Phoenix ជាជើងឯកលីគនារីកម្ពុជា Queen Legends រដូវកាលទី៣ និងក្រុមបុរស Pro Esports ជាជើងឯកលីគបុរសកម្ពុជា MPL Cambodia រដូវកាលទី១០ នឹងតំណាងឲ្យក្រុមកម្ពុជាចូលរួមនប្រកួត ព្រឹត្តិការណ៍ប្រកួតកីឡាអេឡិចត្រូនិកពិភពលោក៕