កីឡា

មកដល់ខ្មែរម្សិលម្សិល ព្រះខ័នរាជស្វាយរៀង ប៉ះ បឹងកេត នៅថ្ងៃស្អែក

បានផុស

១ year មុន

នៅ

ថ្ងៃសៅរ៍ ១៩ មេសា ២០២៥

ដោយ

ព្រះខ័នរាជស្វាយរៀង គ្មានពេលវេលាសម្រាកទេ បន្ទាប់ពីវិលត្រឡប់មកពីប្រទេសឥណ្ឌូណេស៊ី ដោយត្រូវបន្តធ្វើការធ្ងន់ជាមួយ បឹងកេត នៅថ្ងៃអាទិត្យ ទី២០ ខែមេសា ឆ្នាំ២០២៥ នៅពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រយៈពេលចុងក្រោយនេះ ព្រះខ័នរាជស្វាយរៀង រវល់ខ្លាំងមែនទែនដោយបានប្រកួតឈ្នះក្រុមខ្លាំងឥណ្ឌូណេស៊ី Madura United ដោយលទ្ធផល ៣-០ ជើងទី១ កាលពីថ្ងៃទី១០ ខែមេសា ឆ្នាំ២០២៥ នៅពហុកីឡដ្ឋានជាតិមរតកតេជោ។ បន្ទាប់មក ពួកគេបានធ្វើដំណើរទៅប្រទេសឥណ្ឌូណេស៊ីដើម្បីប្រកួតជាមួយ Madura United នៅជើងទី២ដោយបញ្ចប់ក្នុងលទ្ធផលស្មើគ្នា ៣-៣ ហើយបានបង្កើតប្រវត្តិសាស្ត្រឡើងវគ្គផ្តាច់ព្រ័ត្រ ពានរង្វាន់ក្លិបអាស៊ី AFC Challenge League លើកដំបូង។

កីឡាករ និងក្រុមការងារគ្រូបង្វឹកព្រះខ័នរាជស្វាយរៀងមិនបានសម្រាកដើម្បីអបអរសាទរបុណ្យចូលឆ្នាំថ្មី ប្រពៃណីជាតិខ្មែរទេ ដោយសារភារកិច្ចក្នុងពានរង្វាន់អន្តរជាតិ។ បន្ទាប់ពីចប់ការប្រកួតវគ្គពាក់កណ្តាលផ្តាច់ព្រ័ត្រ ពួកគេបានធ្វើដំណើរមកដល់ប្រទេសកំណើតវិញនៅល្ងាចថ្ងៃសុក្រ ទី១៨ ខែមេសា ឆ្នាំ២០២៥។

ពួកគេត្រូវបន្តធ្វើការធ្ងន់ទៀតនៅថ្ងៃអាទិត្យ ទី២០ ខែមេសានេះដោយ ត្រូវទៅជួប បឹងកេត វេលាម៉ោង៦ល្ងាច នៅពហុកីឡដ្ឋានជាតិអូឡាំពិក។ ព្រះខ័នរាជស្វាយរៀងត្រូវការបង្កើន៣ពិន្ទុបន្ថែមទៀតដើម្បីក្តីសង្ឃឹមកាន់តែច្រើនក្នុងការឆ្ពោះទៅរកការឈ្នះជើងឯកលីគកំពូលកម្ពុជាជាថ្មី។

ការប្រកួតក្នុងលីគនៅសល់តែ៥ប្រកួតទៀតប៉ុណ្ណោះនឹងបញ្ចប់រដូវកាលនេះ ខណៈ ព្រះខ័នរាជស្វាយរៀង កំពុងឈរលើកំពូលតារាងមាន៦៤ពិន្ទុ ដោយមាន៤ពិន្ទុនាំមុខ ក្រុមចំណាត់ថ្នាក់លេខ២ភ្នំពេញក្រោន ដែលមាន៦០ពិន្ទុ។ ដូច្នេះព្រះខ័នរាជស្វាយរៀង ត្រូវការត្រឹមតែឈ្នះ៣ប្រកួត និងស្មើ១ប្រកួតទៀតគឺឈ្នះជើងឯកហើយក្នុងចំណោម៥ប្រកួតចុងក្រោយ៕

អត្ថបទ៖ វីរបុត្រ

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា