កីឡា

ថៃកំណត់រូបមន្តថ្មី សម្រាប់បាល់ទាត់ក្នុងកីឡាស៊ីហ្គេម ចុងឆ្នាំនេះ

បានផុស

១ year មុន

នៅ

ថ្ងៃព្រហស្បតិ៍ ២៤ មេសា ២០២៥

ដោយ

ម្ចាស់ផ្ទះថៃបានកំណត់ទម្រង់ថ្មីនៃការប្រកួតបាល់ទាត់ ក្នុងកីឡាស៊ីហ្គេម លើកទី៣៣ នាខែធ្នូ ឆ្នាំ២០២៥ ដែលរូបមន្តនេះ ក្រុមបាល់ទាត់យុវជនកម្ពុជាបានខកចិត្តជាច្រើនលើក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិញ្ញាសាបាល់ទាត់បុរសអាយុ២២ឆ្នាំ

សមាគមបាល់ទាត់ថៃបានដាក់សំណើរទៅ សហព័ន្ធកីឡាបាល់ទាត់អាស៊ី (AFC) ដោយកំណត់ថា ក្រុមបាល់ទាត់អាយុក្រោម២២ឆ្នាំប្រចាំតំបន់អាស៊ានទាំង១១ប្រទេស ត្រូវបានបែងចែកជា៣ពូល ក្នុងនោះ ២ពូលមាន៤ក្រុម និងពូលមួយទៀតមាន៣ក្រុម។ ក្រុមលេខ១នៃពូលទាំង៣គឺចំនួន៣ក្រុម និងក្រុមចំណាត់ថ្នាក់លេខ២ល្អបំផុតក្នុងពូលចំនួន១ក្រុម គឺបានឡើងទៅកាន់វគ្គពាក់កណ្តាលផ្តាច់ព្រ័ត្រ។

គោលបំណងនៃការកំណត់គោលការណ៍ថ្មីនេះគឺដើម្បីកាត់បន្ថយពី៤ទៅ៥ប្រកួត និងកាត់បន្ថយហានិភ័យនៃបញ្ហារបួសផ្សេងៗ ព្រមទាំងធ្វើឲ្យកាន់តែមានគុណភាព។

កីឡាករថៃ និង ឥណ្ឌូណេស៊ី ក្នុងវគ្គផ្តាច់ព្រ័ត្រ ស៊ីហ្គេម ឆ្នាំ២០២៣

វិញ្ញាសាបាល់ទាត់នារី

ក្រុមបាល់ទាត់ជម្រើសជាតិនារីអាស៊ានចំនួន៩បានចូលរួមប្រកួតក្នុងព្រឹត្តិការណ៍កីឡាស៊ីហ្គេម លើកទី៣៣ ឆ្នាំ២០២៥។ ក្រុមទាំង៩ត្រូវបានបែងចែកជា៣ពូល ហើយក្នុង១ពូលមាន៣ក្រុម។ ក្រុមលេខ១នៃពូលទាំង៣ និងក្រុមចំណាត់ថ្នាក់លេខ២ល្អបំផុត បានឡើងទៅកាន់វគ្គពាក់កណ្តាលផ្តាច់ព្រ័ត្រ។

ក្រុមនារីកម្ពុជា និង ក្រុមនារីថៃ ក្នុងកីឡាស៊ីហ្គេម

ក្រុមម្ចាស់ផ្ទះថៃ ស្ថិតនៅ Pot 1 និងចូលក្នុងពូល A ដោយស្វ័យប្រវត្តិក្នុងនាមជាម្ចាស់ផ្ទះ។ គោលបំណងថៃដាក់ ក្រុមអាយុ២២ឆ្នាំគឺដើម្បីជាការត្រៀមខ្លួនសម្រាប់ចូលរួមប្រកួតពានរង្វាន់អាស៊ី 23 Asian Championship 2026។

កីឡដ្ឋានសម្រាប់ការប្រកួតវគ្គសន្សំពិន្ទុក្នុងពូលមាននៅក្នុងទីក្រុងបាងកក ខេត្តឈៀងម៉ៃ និងខេត្ត សង់ខ្លា។ ចំពោះការប្រកួតវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រធ្វើនៅតែក្នុងទីក្រុងបាងកក។

កីឡាការិនីកម្ពុជា និងកីឡាការិនីថៃ ក្នុងកីឡាស៊ីហ្គេម

រូបមន្តនៃការប្រកួតដូចខាងលើនេះ ក្រុមយុវជនជម្រើសជាតិកម្ពុជាបានខកចិត្តជាច្រើនមកហើយ។ ក្រុមកម្ពុជាទទួលបានចំណាត់ថ្នាក់លេខ២ក្នុងពូលជាច្រើនលើក ប៉ុន្តែចាញ់គ្រាប់បាល់គឺគ្មានឱកាសឡើងវគ្គពាក់កណ្តាលផ្តាច់ព្រ័ត្រ។

កាលស៊ីហ្គេម លើកទី៣២ ឆ្នាំ២០២៣ នៅទឹកដីកម្ពុជា ការប្រកួតបាល់ទាត់បុរសមាន១០ប្រទេសចូលរួម ក្នុងនោះបែងចែកជា២ពូល ហើយក្នុង១ពូលមាន៥ក្រុម។ ក្រុមលេខ១ និងលេខ២ក្នុងពូលឡើងវគ្គពាក់កណ្តាលផ្តាច់ព្រ័ត្រ។ ចំណែកផ្នែកនារីមាន៩ក្រុមគឺបែងចែកជា២ពូល ដោយ១ពូលមាន៥ក្រុម និងពូល១ទៀតមាន៤ក្រុម។ ក្រុមលេខ១ និងលេខ២ក្នុងពូលបានឡើងទៅកាន់វគ្គពាក់កណ្តាលផ្តាច់ព្រ័ត្រ៕

ក្រុមឡាវ និង វៀតណាម ក្នុងកីឡាស៊ីហ្គេម ឆ្នាំ២០២៣

អត្ថបទ៖ វីរបុត្រ

Related Topics:កីឡាស៊ីហ្គេម កីឡាបាល់ទាត់

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា