កីឡា

ស៊ីហ្គេម ឆ្នាំ២០២៣៖ សូហ្វតិន្នីសឈ្នះមេដាយ ៨គ្រឿង ប៉ុន្តែឆ្នាំនេះថៃមិនដាក់ឲ្យប្រកួតទេ

បានផុស

១២ ខែ មុន

នៅ

ថ្ងៃពុធ ១១ មិថុនា ២០២៥

ដោយ

ជារឿងសោកស្ដាយ និងបាត់បង់កំណើនមេដាយរបស់កម្ពុជាផងដែរដែលប្រភេទកីឡាសូហ្វតិន្នីសត្រូវបានម្ចាស់ផ្ទះថៃមិនដាក់ឲ្យប្រកួតនៅស៊ីហ្គេម លើកទី៣៣ ឆ្នាំ២០២៥ ក្នុងចំណោមទាំង ៥០ប្រភេទកីឡានោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតកន្លងទៅ

គ្រូកីឡាសូហ្វតិន្នីសជើងចាស់លោក យី សារិន ពិតជាសោកស្ដាយជាខ្លាំងដែលម្ចាស់ផ្ទះថៃមិនដាក់ប្រភេទកីឡាមួយនេះឲ្យប្រកួតប្រជែងនៅស៊ីហ្គេម ខែធ្នូ ឆ្នាំ២០២៥ នេះ។ កីឡាមួយនេះជាប្រភេទកីឡាមានសក្ដានុពលមួយរបស់កម្ពុជា និងបានរួមចំណែករកមេដាយបានជាច្រើនគ្រឿនរុញឲ្យកម្ពុជាជាប់ចំណាត់ថ្នាក់ទី៤ នៅស៊ីហ្គេម ឆ្នាំ២០២៣ ដែលធ្វើនៅកម្ពុជាកន្លងទៅ។

ការប្រកួតកន្លងទៅ

លោក យី សារិន បន្ថែមទៀតថា កម្ពុជាគឺសង្ឃឹមខ្ពស់ក្នុងការដណ្ដើមមេដាយបានច្រើនប្រសិនបើភាគីម្ចាស់ផ្ទះថៃដាក់បញ្ជូលកីឡាសូហ្វតេន្នីសនេះ។ ប៉ុន្តែដោយសារបញ្ហាផ្ទៃក្នុងថៃទើបមិនដាក់កីឡាមួយនេះឲ្យលេងលោកពិតជាស្ដាយខ្លាំង ព្រោះកីឡាករ កីឡាការិនីកម្ពុជាពោពេញដោយសមត្ថភាពល្អ។

លោក យី សារិន (ខាងស្ដាំ)

បញ្ជាក់ដែរថា ស៊ីហ្គេម លើកទី៣៣ ឆ្នាំ២០២៥ នៅឯប្រទេសថៃ ដែលមាន ៥០ ប្រភេទកីឡាត្រូវប្រកួតប្រជែងនេះមិនមានប្រភេទកីឡាសូហ្វតិន្នីសនោះទេ។ កាលស៊ីហ្គេម ឆ្នាំ២០២៣ កម្ពុជាជាម្ចាស់ផ្ទះកាលនោះប្រភេទកីឡាសូហ្វតិន្នីសនេះឈ្នះមេដាយសរុប ៨គ្រឿង មាស២ ប្រាក់៤ សំរឹទ្ធ២។ ការឈ្នះមេដាយរបស់សូហ្វតិន្នីសនេះជួយឲ្យប្រទេសកម្ពុជាជាប់ចំណាត់ថ្នាក់លេខ៤ នៅស៊ីហ្គេម លើកទី៣៣ ឆ្នាំ២០២៣៕

អត្ថបទដោយ៖ នួន ស៊ីណា