ការបញ្ជាក់ពីសំណាក់រដ្ឋមន្ត្រីការពារជាតិកូរ៉េខាងត្បូងកើតមានឡើងត្រឹមតែប៉ុន្មានសប្ដាហ៍ប៉ុណ្ណោះ បន្ទាប់ពីប្រមុខការពារជាតិក្រុមប្រទេស AUKUS ក៏ខ្នះខ្នែងធ្វើកិច្ចសហប្រតិបត្តិការរួមគ្នាជាមួយប្រទេសជប៉ុនលើគម្រោងការពង្រឹងសមត្ថភាពក្រោមក្របខណ្ឌសន្តិសុខនៃកិច្ចព្រមព្រៀងមួយនេះ ។

ក្រុមប្រទេស AUKUS មានសសរស្តម្ភចំនួន ២ ហើយទី ១ នោះគឺការដាក់ពង្រាយនាវាមុជទឹកដើរដោយថាមពលនុយក្លេអែរនៅក្នុងប្រទេសអូស្ត្រាលី ខណៈសសរស្តម្ភទី ២ អំពាវនាវឲ្យមានកិច្ចសហប្រតិបត្តិការផ្ដោតលើការបង្កើនបច្ចេកវិទ្យាទំនើបៗ រួមទាំងបញ្ញាសិប្បនិម្មិត (AI) និងការផលិតមីស៊ីលលឿនជាងសំឡេងជាដើម ។

ពាក់ព័ន្ធនឹងបញ្ហានេះទៀតសោត លោក Shin បាននិយាយនៅក្នុងសន្និសីទសារព័ត៌មានមួយ បន្ទាប់ពីកិច្ចប្រជុំរវាងរដ្ឋមន្ត្រីការបរទេស និងការពារជាតិរបស់ប្រទេសអូស្ត្រាលី និងកូរ៉េខាងត្បូងនៅទីក្រុងមែលប៊នថា ប្រទេសកូរ៉េខាងត្បូងអាចចូលរួមចំណែកជាមួយក្រុមប្រទេស AUKUS ជាពិសេសក្នុងសសរស្តម្ភទី ២ ជាមួយនឹងការបង្កើនសមត្ថភាពការពារជាតិ ផ្នែកវិទ្យាសាស្រ្ត និងបច្ចេកវិទ្យាជាដើម ។

កូរ៉េខាងត្បូងដែលមានទំនាក់ទំនងយ៉ាងស្អិតរមួតជាមួយសហរដ្ឋអាមេរិក និងជាប្រទេសមានឧស្សាហកម្មការពារជាតិឈានមុខគេមួយនៅលើពិភពលោក ត្រូវបានគេប៉ាន់ស្មានជាយូរមកហើយថា ជាដៃគូដ៏មានសក្តានុពលក្នុងសសរស្តម្ភទី ២ របស់ AUKUS រួមជាមួយកាណាដា នូវែលសេឡង់ និងជប៉ុន ស្របពេលដែលក្រុមប្រទេសនៃកិច្ចព្រមព្រៀងស្ដីពីនាវាដើរដោយថាមពលនុយក្លេអ៊ែរមួយនេះ ក៏ទើបតែពិចារណាធ្វើការជាមួយប្រទេសជប៉ុនផងដែរ ។

ស្របពេលជាមួយគ្នានេះ រដ្ឋមន្ត្រីការពារជាតិអូស្ត្រាលីលោក Richard Marles ក៏បានលើកឡើងផងដែរថា “កូរ៉េខាងត្បូងគឺជាប្រទេសមួយដែលមានបច្ចេកវិទ្យាគួរឲ្យចាប់ចិត្តយ៉ាងខ្លាំង ដែលយើងរាល់គ្នាគួរតែមានការចែករំលែក ។ នៅពេលដែលសសរស្តម្ភទី ២ របស់ AUKUS មានការវិវឌ្ឍន៍ វានឹងផ្ដល់ឱកាសឲ្យយើងនាពេលអនាគត ហើយវាក៏មានទំនាក់ទំនងនឹងប្រទេសជប៉ុនដូចគ្នា” ។

ទោះយ៉ាងណា ប្រទេសចិនដែលជាអ្នករិះគន់យ៉ាងចាស់ដៃទៅលើកតិកាសញ្ញានេះបាននិយាយកាលពីខែមេសាថា ការបន្ថែមសមាជិកថ្មីនឹងធ្វើឲ្យមានអស្ថិរភាពក្នុងតំបន់ ជាពិសេសតំបន់ប៉ាស៊ីហ្វិក ហើយអាមេរិក អង់គ្លេស និងអូស្ត្រាលីមិនគួរយកតំបន់ទាំងនេះធ្វើជាសង្វៀនសម្រាប់ការប្រកួតប្រជែងរបស់មហាអំណាចនោះទេ ។

គួរបញ្ជាក់ថា កិច្ចព្រមព្រៀងត្រីភាគីដែលរួមមាន សហរដ្ឋអាមេរិក ចក្រភពអង់គ្លេស និងអូស្ត្រាលី បានចាប់កំណើតក្នុងឆ្នាំ ២០២១ ដែលជាផ្នែកមួយនៃកិច្ចខិតខំប្រឹងប្រែងដើម្បីទប់ស្កាត់ការហក់ឡើងឥទ្ធិពលរបស់ប្រទេសចិនក្នុងតំបន់ឥណ្ឌូប៉ាស៊ីហ្វិក ខណៈរដ្ឋាភិបាលទីក្រុងប៉េកាំងចាត់ទុក AUKUS គឺជាគ្រោះថ្នាក់មួយ ហើយថែមទាំងព្រមានទៀតថា កិច្ចព្រមព្រៀងនេះអាចនឹងរុញច្រានឲ្យមានការបង្ហាញសាច់ដុំផ្នែកសព្វាវុធនៅក្នុងតំបន់ផងដែរ ៕

ដោយ ៖ សុខ ជីវ័ន្ត

ចុចអាន ៖ ហេតុអ្វីពេលនេះហើយ វៀតណាម នៅមិនទាន់រកបានប្រធានាធិបតីថ្មី?

The post ប្រទេសអាស៊ីមួយទៀតឈ្មុសឈ្មុលចង់ចូលរួមជាមួយក្រុមប្រទេស AUKUS appeared first on Kampuchea Thmey Daily.

ថ្លែងក្នុងសន្និសីទសារព័ត៌មានរួមគ្នាជាមួយលោក Justin Tkatchenko រដ្ឋមន្ត្រីការបរទេសប៉ាពួញូហ្គីណេកាលពីថ្ងៃអាទិត្យ, លោក Wang Yi បានសម្ដែងក្ដីភ័យព្រួយចំពោះកិច្ចព្រមព្រៀងត្រីភាគី AUKUS ជាពិសេសចិនសូមជំទាស់ចំពោះសហរដ្ឋអាមេរិក ចក្រភពអង់គ្លេស និងអូស្ត្រាលី ដែលមានគោលដៅអភិវឌ្ឍន៍នាវាមុជទឹកដើរដោយថាមពលនុយក្លេអ៊ែរនៅក្នុងតំបន់ ។

លោករដ្ឋមន្ត្រីបានសង្កត់ធ្ងន់ទៀតថា “តំបន់ប៉ាស៊ីហ្វិកមិនគួរជាទីធ្លាសម្រាប់លេងកម្សាន្តរបស់មហាអំណាចនោះទេ ។ ទង្វើទាំងនេះរំលោភបំពានលើសន្ធិសញ្ញាតំបន់គ្មាននុយក្លេអ៊ែរនៅតំបន់ប៉ាស៊ីហ្វិកខាងត្បូងដែលគេស្គាល់ថាជាសន្ធិសញ្ញា Rarotonga ដែលជាកិច្ចព្រមព្រៀងមិនរីកសាយភាព និងរំសាយអាវុធនុយក្លេអ៊ែរក្នុងតំបន់ឆ្នាំ ១៩៨៥ ។

ទន្ទឹមនោះ លោក Wang Yi ក៏បានរំលឹកឡើងវិញនូវជំហររបស់ប្រទេសចិនប្រឆាំងនឹងការប្រឈមមុខដាក់គ្នារវាងប្លុកក្នុងតំបន់ ដោយបានគូសបញ្ជាក់ថា វិធីសាស្រ្តបែបនេះមិនសមស្របនឹងតម្រូវការ និងនិន្នាការអភិវឌ្ឍន៍ជាប្រវត្តិសាស្ត្ររបស់ប្រទេសប៉ាស៊ីហ្វិកនោះទេ ។

ស្របពេលជាមួយគ្នានេះ ជាការឆ្លើយតបទៅនឹងកិច្ចខិតខំប្រឹងប្រែងដើម្បីទប់ទល់ឥទ្ធិពលសេដ្ឋកិច្ចរបស់ចិននៅក្នុងតំបន់ប៉ាស៊ីហ្វិក រួមទាំងតាមរយៈសម្ព័ន្ធភាព AUKUS និង QUAD ផង, ទីក្រុងប៉េកាំងបាននឹងកំពុងពង្រឹងទំនាក់ទំនងរបស់ខ្លួនជាមួយបណ្ដាប្រទេសកោះប៉ាស៊ីហ្វិកដើម្បីបង្កើតមូលដ្ឋានដ៏រឹងមាំនៅក្នុងតំបន់ ។

គួរបញ្ជាក់ថា កិច្ចព្រមព្រៀងត្រីភាគីដែលរួមមាន សហរដ្ឋអាមេរិក ចក្រភពអង់គ្លេស និងអូស្ត្រាលី បានចាប់កំណើតក្នុងឆ្នាំ ២០២១ ដែលជាផ្នែកមួយនៃកិច្ចខិតខំប្រឹងប្រែងដើម្បីទប់ស្កាត់ការហក់ឡើងឥទ្ធិពលរបស់ប្រទេសចិនក្នុងតំបន់ឥណ្ឌូប៉ាស៊ីហ្វិក ខណៈរដ្ឋាភិបាលទីក្រុងប៉េកាំងចាត់ទុក AUKUS គឺជាគ្រោះថ្នាក់មួយ ហើយថែមទាំងព្រមានទៀតថា កិច្ចព្រមព្រៀងនេះអាចនឹងរុញច្រានឲ្យមានការបង្ហាញសាច់ដុំផ្នែកសព្វាវុធនៅក្នុងតំបន់ផងដែរ ៕

ដោយ ៖ សុខ ជីវ័ន្ត

ចុចអាន ៖ ចិន ជំរុញកិច្ចសហប្រតិបត្តិការជាមួយ កម្ពុជា លើវិស័យសំខាន់ៗចំនួន ៦

The post ចិន ថាឲ្យក្រុមប្រទេស AUKUS កុំយកតំបន់ប៉ាស៊ីហ្វិកជាសង្វៀនសម្រាប់​ប្រកួតប្រជែងអំណាច appeared first on Kampuchea Thmey Daily.

រដ្ឋមន្ត្រីការពារជាតិអាមេរិក លោក Lloyd Austin រដ្ឋមន្ត្រីការពារជាតិចក្រភពអង់គ្លេស Grant Shapps និងរដ្ឋមន្ត្រីការពារជាតិអូស្ត្រាលីលោក Richard Marles បានចេញសេចក្តីថ្លែងការណ៍រួមមួយកាលពីថ្ងៃចន្ទថា “ក្រុមប្រទេស AUKUS ទទួលស្គាល់ភាពខ្លាំងរបស់ជប៉ុន និងភាពជាដៃគូការពារជាតិទ្វេភាគីយ៉ាងជិតស្និទ្ធជាមួយប្រទេសទាំងបី ហើយសម្ព័ន្ធមិត្តមួយនេះកំពុងពិចារណាធ្វើការជាមួយប្រទេសជប៉ុនលើគម្រោងបង្កើនសមត្ថភាពឲ្យខ្លាំងថែមមួយកម្រិតទៀតក្រោមគម្រោងសន្តិសុខដែលហៅថា “សសរស្តម្ភ ២” ។

ក្រុមប្រទេស AUKUS មានសសរស្តម្ភចំនួន ២ ហើយទី ១ នោះគឺការដាក់ពង្រាយនាវាមុជទឹកដើរដោយថាមពលនុយក្លេអែរនៅក្នុងប្រទេសអូស្ត្រាលី ខណៈសសរស្តម្ភទី ២ អំពាវនាវឲ្យមានកិច្ចសហប្រតិបត្តិការផ្ដោតលើការបង្កើនបច្ចេកវិទ្យាទំនើបៗ រួមទាំងបញ្ញាសិប្បនិម្មិត (AI) និងការផលិតមីស៊ីលលឿនជាងសំឡេងជាដើម ។

ពាក់ព័ន្ធនឹងបញ្ហា សសរស្តម្ភទី ២ នេះទៀតសោត រដ្ឋបាលរបស់ប្រធានាធិបតីអាមេរិក Joe Biden ពេញចិត្តដែលមានសម្ព័ន្ធមិត្ត និងប្រទេសដែលមានចិត្តគំនិតដូចគ្នាក្នុងការរចូលរួមជាមួយកិច្ចព្រមព្រៀងត្រីភាគីនេះ ស្របពេលដែលមន្ត្រីរដ្ឋាភិបាលជាន់ខ្ពស់របស់អាមេរិកលើកឡើងយ៉ាងដូច្នេះថា បញ្ហានេះរំពឹងនឹងលើកយកមកពិភាក្សា នៅពេលដែលលោក Biden ជួបជាមួយនាយករដ្ឋមន្ត្រីជប៉ុន Kishida Fumio ក្នុងកិច្ចប្រជុំកំពូលទ្វេភាគីនៅទីក្រុងវ៉ាស៊ីនតោននាថ្ងៃពុធនេះ ។

គួរបញ្ជាក់ថា កិច្ចព្រមព្រៀងត្រីភាគីដែលរួមមាន សហរដ្ឋអាមេរិក ចក្រភពអង់គ្លេស និងអូស្ត្រាលី បានចាប់កំណើតក្នុងឆ្នាំ ២០២១ ដែលជាផ្នែកមួយនៃកិច្ចខិតខំប្រឹងប្រែងដើម្បីទប់ស្កាត់ការហក់ឡើងឥទ្ធិពលរបស់ប្រទេសចិនក្នុងតំបន់ឥណ្ឌូប៉ាស៊ីហ្វិក ខណៈរដ្ឋាភិបាលទីក្រុងប៉េកាំងចាត់ទុក AUKUS គឺជាគ្រោះថ្នាក់មួយ ហើយថែមទាំងព្រមានទៀតថា កិច្ចព្រមព្រៀងនេះអាចនឹងរុញច្រានឲ្យមានការបង្ហាញសាច់ដុំផ្នែកសព្វាវុធនៅក្នុងតំបន់ផងដែរ ៕

ដោយ ៖ សុខ ជីវ័ន្ត

ចុចអាន ៖ ៦ ខែនៃភ្លើងសង្គ្រាម អ៊ីស្រាអែល-ហាម៉ាស នៅតែមិនទាន់មានទឹកត្រជាក់មកពន្លត់

The post ក្រុមប្រទេស AUKUS ខ្នះខ្នែងរក ជប៉ុន ធ្វើកិច្ចសហប្រតិបត្តិការរួមគ្នា appeared first on Kampuchea Thmey Daily.

យោងតាមរដ្ឋមន្ត្រីក្រសួងការពារជាតិចក្រភពអង់គ្លេសលោក Grant Shapps បាននិយាយនៅឯសមាជគណបក្សអភិរក្សថា “យើងបានចុះហត្ថលេខាលើកិច្ចសន្យាដែលមានតម្លៃ ៤.៨ ពាន់លានដុល្លារជាមួយនឹងអាជីវកម្មឈានមុខគេរបស់ចក្រភពអង់គ្លេស ដើម្បីជំរុញការអភិវឌ្ឍន៍នៃនាវាមុជទឹកវាយប្រហារដ៏មានឥទ្ធិពលបំផុតដែលមិនធ្លាប់មាន និងប្រតិបត្តិការដោយកងនាវាចររបស់អង់គ្លេស” ។

ប្រមុខការពារជាតិអង់គ្លេសរូបនេះបានបន្ថែមថា នាវាមុជទឹកឈ្មោះ “អ្នកប្រមាញ់ឃាតករ” ថ្មីនឹងអនុញ្ញាតឲ្យប្រទេសនេះរក្សាបាននូវអត្ថប្រយោជន៍ជាយុទ្ធសាស្ត្ររបស់ខ្លួននៅក្រោមសមុទ្រ និងជួយផ្តល់ការងាររាប់ពាន់កន្លែង ក៏ដូចជាប្រាក់ខែដល់ប្រជាពលរដ្ឋនៅក្នុងប្រទេសផងដែរ ។

លើសពីនេះ លោក Shapps បានថែមទាំងបានសង្កត់ធ្ងន់ថា ចក្រភពអង់គ្លេសក៏កំពុងដាក់ពង្រាយយន្តហោះចម្បាំង Typhoon នៅក្នុងប្រទេសប៉ូឡូញផងដែរ ដើម្បីការពារសម្ព័ន្ធមិត្តណាតូរបស់ខ្លួនពីការគំរាមកំហែងរបស់ប្រទេសរុស្ស៊ី ។

គួរបញ្ជាក់ថា អូស្ត្រាលី សហរដ្ឋអាមេរិក និងចក្រភពអង់គ្លេសបានប្រកាសពីភាពជាដៃគូការពារជាតិត្រីភាគីថ្មីមួយហៅថា AUKUS នៅក្នុងខែកញ្ញា ឆ្នាំ ២០២១ ខណៈគំនិតផ្តួចផ្តើមដំបូងរបស់ AUKUS គឺការអភិវឌ្ឍន៍បច្ចេកវិទ្យានាវាមុជទឹកដើរដោយថាមពលនុយក្លេអ៊ែរសម្រាប់កងទ័ពជើងទឹកអូស្ត្រាលី ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ មេទ័ព អង់គ្លេស ទទួលស្គាល់ថា ខែលការពាររុស្ស៊ី រឹងមាំជាងការគិត

The post អង់គ្លេស បញ្ចេញលុយ ៤.៨ ពាន់លានដុល្លារផលិតនាវាមុជទឹកវាយប្រហារ ក្រោមកិច្ចព្រមព្រៀង AUKUS appeared first on Kampuchea Thmey Daily.

គម្រោង AUKUS ពហុដំណាក់កាលដែលប្រកាសកាលពីខែមីនា គ្រោងនឹងបញ្ចប់នៅចុងទសវត្សរ៍ឆ្នាំ២០៣០ឬដើមទសវត្សរ៍ឆ្នាំ២០៤០ ដោយចក្រភពអង់គ្លេស និងអូស្ត្រាលី នឹងផលិត ហើយប្រតិបត្តិការនាវាមុជទឹកប្រភេទថ្មី SSN-Aukus។

លោក Blinken បានប្រាប់សន្និសីទសារព័ត៌មាននៅទីក្រុង Wellington ថា “ទ្វារកំពុងបើកចំហសម្រាប់ប្រទេសនូវែលសេឡង់ និងដៃគូផ្សេងទៀតដើម្បីចូលរួម។ យើងបានធ្វើការជាមួយគ្នាជាយូរមកហើយ លើបញ្ហាសន្តិសុខជាតិដែលសំខាន់បំផុត។ ដូច្នេះនៅពេលយើងអភិវឌ្ឍ Aukus បន្ថែមទៀត ទ្វារគឺបើកចំហសម្រាប់អ្នកចង់ចូលរួម”។

គួរបញ្ជាក់ថា លោក Blinken បានទៅដល់ប្រទេសនូវែលសេឡង់ ជាផ្នែកនៃដំណើរទស្សនកិច្ចបីប្រទេស នៅតំបន់ប៉ាស៊ីហ្វិក ហើយនៅក្នុងដំណើរនោះ លោកបានជួបជាមួយនាយករដ្ឋមន្ត្រីនូវែលសេឡង់ Chris Hipkins និងរដ្ឋមន្ត្រីការបរទេស Nanaia Mahuta។ ក្រោយមក លោកនឹងធ្វើដំណើរទៅកាន់ប្រទេសអូស្ត្រាលី ចំពេលសមយុទ្ធយោធា អូស្ត្រាលី-អាមេរិកដ៏ធំបំផុត នឹងត្រូវចាប់ផ្តើម៕

ប្រែសម្រួល៖ Vann Vann

ប្រភព៖ Straits Times

ចុចអាន៖ ប្រទេសអាស៊ីអាគ្នេយ៍ចំនួន ៣ បង្ហាញទស្សនៈផ្ទុយគ្នាចំពោះកិច្ចព្រមព្រៀង AUKUS

The post អាមេរិក បញ្ចុះបញ្ចូលប្រទេសមួយទៀត ឲ្យចូលរួមជាមួយ AUKUS appeared first on Kampuchea Thmey Daily.

លោក​ Tan បានព្រមាន​ថា​ កិច្ចព្រមព្រៀងដែលពោរពេញទៅ​ដោយ​ចិត្តគំនិត​ក្នុង​សម័យ​សង្គ្រាម​ត្រជាក់​មួយនេះ គឺ​គ្មាន​ប្រយោជន៍​អ្វី​ឡើយ ហើយ​មាន​គ្រោះថ្នាក់​ខ្លាំង​ណាស់​ ដូច្នេះយើងត្រូវតែមានវិធានការទប់ស្កាត់ ដើម្បីកុំឲ្យរីកសាយភាយបន្ថែមទៀត ​។

អ្នកនាំពាក្យរូបនេះបញ្ជាក់ថា កិច្ចព្រមព្រៀងដែលបានចុះហត្ថលេខាដោយសហរដ្ឋអាមេរិក ចក្រភពអង់គ្លេស និងអូស្ត្រាលីមួយនេះ កំពុងប្រថុយនឹងការរីកសាយភាយនុយក្លេអ៊ែរ ហើយវានឹងបង្កឲ្យមានការប្រកួតប្រជែងផ្នែកសព្វាវុធ ក៏ដូចជាបង្កើនភាពតានតឹងក្នុងផងដែរ ។

លោក Tan បាននិយាយទៀតថា “កិច្ចសហប្រតិបត្តិការបែបនេះ គឺជាការពង្រីកគោលនយោបាយទប់ស្កាត់នុយក្លេអ៊ែររបស់ប្រទេសនីមួយៗ ហើយវាគឺជាហ្គេមសម្រាប់ពួកគេក្នុងការកសាង ‘កំណែទម្រង់អង្គការណាតូនៅអាស៊ីប៉ាស៊ីហ្វិក’ ក៏ដូចជាដើម្បីរក្សាអនុត្តរភាពផ្ទាល់ខ្លួនរបស់ពួកគេ ជាពិសេសវានឹងធ្វើឲ្យប៉ះពាល់​ដល់​សន្តិភាព និង​ស្ថិរភាព​នៃ​តំបន់​អាស៊ី​ប៉ាស៊ីហ្វិក ហើយ​ប្រទេស​ជា​ច្រើន​ក្នុង​តំបន់​កំពុងមាន​ការ​ព្រួយ​បារម្ភ​យ៉ាង​ខ្លាំង​អំពី​បញ្ហា​នេះ” ។

ជាចុងក្រោយលោក Tan បានអំពាវនាវដល់អាមេរិក អង់គ្លេស និងអូស្ត្រាលី បញ្ឈប់ការបង្កគ្រោះថ្នាក់ដល់អ្នកដទៃ ដើម្បីតែផលប្រយោជន៍ដល់ខ្លួនឯង ហើយសូមស្តាប់សំឡេងអំពាវនាវរបស់សហគមន៍អន្តរជាតិដោយចិត្តបើកចំហ បំពេញការទទួលខុសត្រូវ និងកាតព្វកិច្ចអន្តរជាតិរបស់ពួកគេដោយស្មោះស្ម័គ្រ ជាពិសេសត្រូវធ្វើ​កិច្ចការ​បន្ថែម​ទៀត​ដែល​អំណោយ​ផល​ដល់​សន្តិភាព និង​ស្ថិរភាព​ក្នុង​តំបន់ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ អ៊ីស្រាអែល ប្រាប់ អាមេរិក នៅឲ្យឆ្ងាយ និងកុំចេះលូកលាន់រឿងកំណែទម្រង់ ប្រព័ន្ធតុលាការ

The post ចិន ព្រមានថា កិច្ចព្រមព្រៀងនាវាមុជទឹកដើរដោយនុយក្លេអ៊ែរ AUKUS គ្មានប្រយោជន៍ និងគ្រោះថ្នាក់ខ្លាំង appeared first on Kampuchea Thmey Daily.

នៅពេលអ្នកសារព័ត៌មានសួរថា តើអូស្ត្រាលីនឹងជួយដល់សហរដ្ឋអាមេរិក ក្នុងអំឡុងពេលមានជម្លោះលើកោះតៃវ៉ាន់ជាថ្នូរនឹងការទិញនាវាមុជទឹកដែរឬយ៉ាងនោះ, លោក Marles បានប្រាប់ថា “វាមិពិតនោះទេ ហើយដាច់ខាតអូស្ត្រាលីក៏នឹងមិនធ្វើការប្ដេជ្ញាបែបនេះនោះដែរ” ។

អូស្ត្រាលី សហរដ្ឋអាមេរិក និងអង់គ្លេស បានបង្ហាញព័ត៌មានលម្អិតនៃកិច្ចព្រមព្រៀង AUKUS កាលពីថ្ងៃចន្ទសប្ដាហ៍មុន ដោយនៅក្នុងនោះទីក្រុងកង់បេរ៉ានឹងទិញនាវាមុជទឹកដើរដោយថាមពលនុយក្លេអ៊ែរធុន Virginia របស់អាមេរិកចំនួន ៥ គ្រឿងនៅក្នុងទសវត្សរ៍ឆ្នាំ ២០៣០ ។

រហូតមកដល់ពេលនេះ ចិននៅតែ​ចាត់ទុក​តៃវ៉ាន់​ជា​ទឹកដី​របស់ខ្លួន ហើយ​មិន​ដែល​បោះបង់​ជម្រើស​នៃ​ការបង្ខំ​យក​កោះ​នេះ​មកវិញ​ឡើយ​ ខណៈប្រធានាធិបតី Joe Biden ក៏បានលើកឡើងផងដែរថា សហរដ្ឋអាមេរិកនឹងការពារកោះតៃវ៉ាន់ពីការវាយប្រហារដែលមិនធ្លាប់មានពីមុនមកពីសំណាក់ប្រទេសចិន ។

គួររំឭកឡើងវិញថា តៃវ៉ាន់មានឯករាជ្យពិតប្រាកដតាំងពីឆ្នាំ ១៩៤៩ នៅពេលដែលភាគីចាញ់ក្នុងសង្គ្រាមស៊ីវិលចិនបានភៀសខ្លួនទៅកាន់កោះនេះ និងបានបង្កើតរដ្ឋបាលរបស់ខ្លួន ហើយប្រទេសចិនបានចាត់ទុកតៃវ៉ាន់ជាផ្នែកដែលមិនអាចកាត់ផ្តាច់បាននៃទឹកដីរបស់ខ្លួន ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ រុស្ស៊ី ថា ការបញ្ជូនអាវុធរបស់ អាមេរិក ឲ្យទីក្រុងកៀវ គឺប្រៀបដូចជាយកទៅ សម្លាប់ប្រជាជន អ៊ុយក្រែន

The post អូស្ត្រាលី ដាច់ខាតមិនជួយ អាមេរិក ការពារ តៃវ៉ាន់ ជាថ្នូរនឹងនាវាមុជទឹក​នុយក្លេអ៊ែរឡើយ appeared first on Kampuchea Thmey Daily.

កិច្ចព្រមព្រៀងដំបូងរួមមាន ការទិញនាវាមុជទឹកថ្នាក់ Virginia ចំនួន៣គ្រឿងពីសហរដ្ឋអាមេរិកនៅដើមទសវត្សរ៍ឆ្នាំ២០៣០ និងជម្រើសទិញនាវា២គ្រឿងបន្ថែមទៀត។ នេះបើតាមសេចក្តីប្រកាសពី មេដឹកនាំនៃប្រទេសទាំងបី នៅថ្ងៃអង្គារទី១៤ខែមីនា ក្នុងកិច្ចប្រជុំមួយនៅទីក្រុង San Diego។

ផែនការនេះ ក៏អំពាវនាវឲ្យអភិវឌ្ឍន៍នាវាមុជទឹកថ្មីឈ្មោះ SSN-AUKUS ដែលនឹងសាងសង់នៅចក្រភពអង់គ្លេស និងអូស្ត្រាលីជាមួយបច្ចេកវិទ្យា និងការគាំទ្ររបស់សហរដ្ឋអាមេរិក។

ថ្លែងនៅឯមូលដ្ឋានកងទ័ពជើងទឹក​ Point Loma ក្នុងទីក្រុង San Diego, ប្រធានាធិបតីសហរដ្ឋអាមេរិកលោក Joe Biden បាននិយាយថា សម្ព័ន្ធមិត្តទាំងបីគឺស្ថិតក្នុង “ចំណុចរបត់ជាប្រវត្តិសាស្ត្រ” ដែលកិច្ចខិតខំប្រឹងប្រែងក្នុងការពង្រីកសមត្ថភាព និងការលើកកម្ពស់ស្ថិរភាព នឹងផ្តល់ផលដល់សន្តិភាពសម្រាប់ទសវត្សរ៍ខាងមុខ។

ប្រទេសអូស្ត្រាលី បានព្យាយាមធ្វើទំនើបកម្មកងនាវាចររបស់ខ្លួន ចំពេលមានក្តីព្រួយបារម្ភអំពីឥទ្ធិពលដែលកំពុងកើនឡើងរបស់ចិននៅក្នុងតំបន់ឥណ្ឌូប៉ាស៊ីហ្វិក។ នៅពេលភាពជាដៃគូរបស់ AUKUS បានចាប់ផ្តើមក្នុងឆ្នាំ២០២១ អូស្រ្តាលី បានទទួលកិច្ចព្រមព្រៀងតម្លៃ៦៦ពាន់លានដុល្លារ ដើម្បីទិញនាវាមុជទឹកបារាំង ដែលប្រើថាមពលធម្មតា ជាមួយជម្រើសនៃនាវាមុជទឹកបំបាំងកាយដើរដោយថាមពលនុយក្លេអ៊ែរស៊េរីថ្មី។

គួរបញ្ជាក់ថា កិច្ចព្រមព្រៀងនាវាមុជទឹកនេះ គឺទើបជាលើកទីពីរប៉ុណ្ណោះក្នុងប្រវត្តិសាស្ត្រអាមេរិក ហើយជាលើកដំបូងក្នុងរយៈពេល៦៥ឆ្នាំ ដែលទីក្រុងវ៉ាស៊ីនតោនបានចែករំលែកបច្ចេកវិទ្យាជំរុញនុយក្លេអ៊ែររបស់ខ្លួនជាមួយប្រទេសផ្សេង។

ទោះបីជាយ៉ាងណាក៏ដោយ ទីក្រុងប៉េកាំងបានចោទប្រកាន់ដៃគូរបស់ AUKUS ពីបទបំផ្លាញសន្តិភាព និងស្ថិរភាពនៅក្នុងតំបន់អាស៊ីប៉ាស៊ីហ្វិក ដោយប្រតិបត្តិការក្រោមចិត្តគំនិតសង្រ្គាមត្រជាក់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖​ RT

ចុចអាន៖ ប្រទេសអាស៊ីអាគ្នេយ៍ចំនួន ៣ បង្ហាញទស្សនៈផ្ទុយគ្នាចំពោះកិច្ចព្រមព្រៀង AUKUS

The post សម្ព័ន្ធមិត្តទាំង៣ បង្ហាញព័ត៌មានលម្អិត នៃកិច្ចព្រមព្រៀងនាវាមុជទឹកដើរដោយថាមពលនុយក្លេអ៊ែរ AUKUS (មានវីដេអូ) appeared first on Kampuchea Thmey Daily.