និយាយដល់ប្រាក់ខែពិតប្រាកដរបស់ថ្នាក់ដឹកនាំជាន់ខ្ពស់ ពិតជាកម្រមាននរណាបង្ហើបឱ្យជាក់លាក់ណាស់។ បើទោះបីក្រុមអ្នកកាសែតព្យាយាមសម្ភាសន៍យ៉ាងណាក្ដី ក៏ក្រុមសហគ្រិនទាំងនោះកម្របញ្ចេញបំផុត។

ដូចគ្នានេះ ប្រាក់បៀវត្សរ៍នាយកប្រតិបត្តិក្រុមហ៊ុនវ៉ាក់សាំង Sinovac Biotech Ltd ដែលជាសហគ្រាសផលិតឱសថធំបំផុតមួយរបស់ចិន ក៏ត្រូវបានខាងសាមីខ្លួនព្យាយាមមិនឆ្លើយជាមួយសារព័ត៌មានដែរ។ ត្បិតតែយ៉ាងនេះក៏ដោយ បើតាមប្រភពពីវេបសាយ wallmine បានប្រាប់ថា វេជ្ជបណ្ឌិត WeiDong Yin ដែលជាប្រធានក្រុមប្រឹក្សាភិបាល ក៏ប្រធាននាយកប្រតិបត្តិ និងជាលេខាធិការក្រុមហ៊ុនផងនោះ ទទួលបានប្រាក់សំណងសរុបចំនួន ១០៥,៦៣២ ដុល្លារអាមេរិកក្នុងមួយខែ។ ប្រាក់សំណងនេះរួមបញ្ចូល ប្រាក់ខែគោល ប្រាក់លើកទឹកចិត្ត ប្រាក់បេសកកម្ម ប្រាក់ធានារ៉ាប់រង និងអត្ថប្រយោជន៍ដដទៃទៀត។ នេះបើយោងតាមរបាយការណ៍ចុះផ្សាយនៅដើមខែឧសភា ឆ្នាំ ២០២១។

បណ្ឌិត WeiDong Yin ក្នុងវ័យ ៥៧ ឆ្នាំ មកទល់នឹងបច្ចុប្បន្នធ្លាប់ជាប្រធានក្រុមប្រឹក្សា នាយកប្រតិបត្តិ ជាអតីតអ្នកគ្រប់គ្រងនិងជាលេខាធិការរបស់ក្រុមហ៊ុនផងដែរ។ លោកឡើងកាន់តំណែងជា CEO របស់ក្រុមហ៊ុន Sinovac Biotech Ltd តាំងពីឆ្នាំ ២០០៥ មកម្ល៉េះ៕

ប្រែសម្រួល៖ ​សន្យា

ចុចអាន៖ មកដឹងបទពិសោធន៍ការងារនិងប្រាក់ចំណូលរបស់មេធំក្រុមហ៊ុនផលិតវ៉ាក់សាំង Sinopharm

ចុចអាន៖ ទីបំផុត WHO ទទួលស្គាល់ថា វ៉ាក់សាំង Sinovac ពិតជាមានប្រសិទ្ធភាពមែន!

The post ចំណូល CEO ក្រុមហ៊ុនវ៉ាក់សាំង Sinovac មួយខែរកបានមិនក្រោម១០ម៉ឺនដុល្លារ appeared first on Kampuchea Thmey Daily.

​លោក ​អ៊ុំ ​រាត្រី អភិបាលខេត្ត​បន្ទាយមានជ័យ​បាន​ប្រាប់​ឲ្យ​ដឹងថា យុទ្ធនាចាក់​វ៉ាក់សាំងកូវីដ១៩ ប្រភេទ Sinovac​ជូន​មន្ត្រី​អគ្គិសនី រដ្ឋបាល ឃុំ សង្កាត់ និង​ប្រជាពលរដ្ឋ​មាន​ទីតាំង​ចំនួន​១២​កន្លែង​ក្នុងនោះ​មាន ១​.មន្ទីរពេទ្យ​ខេត្ត មិត្តភាព កម្ពុជា​ជប៉ុន ស្រុក​មង្គល​បូរី, ២. ការិយាល័យ​សុខាភិបាល​ស្រុក​ប្រតិបត្តិ​មង្គល​បូរី, ៣​. មន្ទីរពេទ្យបង្អែក​សិរីសោភ័ណ, ៤​. វិទ្យាល័យ​សិរីសោភ័ណ, ៥​. មន្ទីរពេទ្យបង្អែក​ព្រះនេត្រ​ព្រះ, ៦​. សាលាបឋមសិក្សា​ស្រះ​ជីក, ​៧. មន្ទីរពេទ្យបង្អែក​ស្វាយចេក, ៨​. មន្ទីរពេទ្យបង្អែក​ស្រុក​ថ្ម​ពួក, ៩​. មន្ទីរ​បង្អែក​ស្រុក​ម៉ាឡៃ​, ១០. ​មន្ទីរពេទ្យបង្អែក​ស្រុក​ម៉ាឡៃ​សន្តិភាព, ១១​. មន្ទីរពេទ្យបង្អែក​ប៉ោយប៉ែត, ១២. ​ស្ថានីយ​រថភ្លើង​ក្រុង​ប៉ោយប៉ែត មាន​ក្រុម​គ្រូពេទ្យ​ចាក់​វ៉ាក់សាំង​២​ក្រុម​។​

សូមជម្រាបជូនថា វ៉ាក់សាំងស៊ីណូវ៉ាក់ នេះ ចាក់បានចាប់ពីមនុស្សអាយុ១៨ឆ្នាំឡើងទៅ ហើយថ្ងៃនេះជាថ្ងៃទី១ នៃការបើកឆាកយុទ្ធនា ការចាក់ថ្នាំបង្ការជំងឺកូវីដ១៩ ប្រភេទ Sinovac ដែលបានប្រព្រឹត្តិទៅក្នុងក្របខ័ណ្ឌទូទាំងប្រទេស ក្រោមការគិតគូរ និង ដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ដើម្បី​សុខុមាលភាពរបស់ប្រជាជនកម្ពុជា ក្នុងនោះខេត្តបន្ទាយមានជ័យ ចំពោះ កិច្ចចាក់វ៉ាក់សាំង បានរៀបចំចាក់ជូនដល់ថ្នាក់ដឹកនាំ មន្ត្រីរាជការ ​សាលាក្រុង សាលាស្រុក និង​ប្រជាពលរដ្ឋ​ទូទាំង៩ក្រុងស្រុក ក្នុង​ខេត្តបន្ទាយមានជ័យ​ទៅតាមពេលវេលា និង ទីកន្លែងដែល រដ្ឋបាល​ក្រុងស្រុក បានបែងចែក ក្នុងការចាក់វ៉ាក់សាំងជូនដោយផ្អែកលើគោលការស្ម័គ្រចិត្ត តែប៉ុណ្ណោះ​៕

អត្ថបទ៖ វ៉ាន់ ណា​ង

សូមចុចអាន៖ ​ឆ្លង​កូវីដ​មិន​ដឹង​ខ្លួន មនុស្សជាង ១០០នាក់ជាប់ពាក់ព័ន្ធ មាន​ទាំង​ម្តាយ​និង​ប្រពន្ធ

The post ខេត្តបន្ទាយមានជ័យ​ បើកយុទ្ធនាចាក់​វ៉ាក់សាំង Sinovac ការពារ​កូវីដ១៩ ដល់ពលរដ្ឋ ២០៥២​នាក់​ appeared first on Kampuchea Thmey Daily.

លោក Alejandro Cravioto បានប្រាប់សន្និសីទសារព័ត៌មានមួយនៅទីក្រុងហ្សឺណែវថា ក្រុមអ្នកជំនាញ SAGE នៃ WHO សង្ឃឹមថានឹងចេញអនុសាសន៍ស្តីពីការប្រើប្រាស់វ៉ាក់សាំងទាំងនោះនៅចុងខែមេសានេះ ។

លោក Cravioto បាននិយាយថា វាមានប្រសិទ្ធភាពប្រហែល ៥០ ភាគរយ ឬលើស ៧០ ភាគរយ ហើយជាការពិតពួកគេមានទិន្នន័យសុវត្ថិភាពទាំងអស់ដើម្បីបង្ហាញថា វ៉ាក់សាំងនេះនឹងមិនបង្កគ្រោះថ្នាក់ដល់មនុស្សនៅពេលប្រើនោះទេ ។

ទន្ទឹមនោះអ្នកនាំពាក្យអង្គការសុខភាពពិភពលោកលោកស្រី Margaret Harris បាននិយាយកាលពីដើមខែនេះថា វ៉ាក់សាំង Sinopharm និង Sinovac អាចទទួលបានការចុះបញ្ជីបន្ទាន់របស់អង្គការសុខភាពពិភពលោកឆាប់ៗនេះ” ។

មិនមានទិន្នន័យប្រសិទ្ធភាពលម្អិតនៃវ៉ាក់សាំងការពារជំងឺកូវីដ ១៩ របស់ក្រុមហ៊ុន Sinopharm ត្រូវបានចេញផ្សាយជាសាធារណៈទេ ប៉ុន្តែក្រុមហ៊ុនបុត្រសម្ព័ន្ធជីវសាស្ត្រជាតិចិន (CNBG) បាននិយាយថា វ៉ាក់សាំងនេះមានប្រសិទ្ធភាព ៧៩.៣៤ ភាគរយក្នុងការការពារមនុស្សពីការវិវត្តនៃជំងឺនេះផ្អែកលើទិន្នន័យបណ្តោះអាសន្ន ។ វាត្រូវបានអនុម័តប្រើប្រាស់នៅក្នុងប្រទេសជាច្រើនរួមមានប្រទេសចិន ប៉ាគីស្ថាន និងអារ៉ាប់រួម ។

ចំណែកវ៉ាក់សាំងរបស់ក្រុមហ៊ុន Sinovac បានបង្ហាញពីប្រសិទ្ធភាពចន្លោះ ៥០.៦៥ ភាគរយ និង ៨៣.៥ ភាគរយដោយផ្អែកលើការសាកល្បងពីប្រេស៊ីល ទួរគី និងឥណ្ឌូនេស៊ី ខណៈវ៉ាក់សាំងផលិតនៅប្រទេសចិនទាំងពីរនេះមានតម្រូវការខ្ពស់មែនទែនពីប្រទេសកំពុងអភិវឌ្ឍន៍ជាច្រើន ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ WHO ថា ជំងឺកូវីដបំប្លែងខ្លួនថ្មីកាន់តែសាហាវ និងកើតមានច្រើនឡើងៗ ហើយកំពុងបន្តរាលដាលពេញពិភពលោក

ចុចអាន ៖ WHO ថា ប្រភពដើមជំងឺកូវីដទំនងកើតក្នុងកសិដ្ឋានចិញ្ចឹមសត្វនៅអាស៊ីអាគ្នេយ៍ មិនមែននៅចិនឡើយ

The post ដំណឹងល្អ! វ៉ាក់សាំងរបស់ចិនទាំង ២ ដែលកម្ពុជាកំពុងបើកយុទ្ធនាការចាក់ ទីបំផុតត្រូវ WHO ទទួលស្គាល់ប្រសិទ្ធភាព appeared first on Kampuchea Thmey Daily.

លោកជំទាវ យក់ សម្បត្តិ រដ្ឋលេខាធិការ​ក្រសួង​សុខាភិបាលបាន​ឲ្យ​ដឹង​ថា កម្ពុជាបានចំណាយថវិកាដើម្បី​ទិញ​​វ៉ាក់សាំងស៉ីណូវ៉ាក់ចំនួន ១.៥ លាន​ដូសបន្ថែម​ពីប្រទេស​ចិន។ វ៉ាក់សាំង​ស៊ីណូវ៉ាក ដែល​រដ្ឋាភិបាល​ចិនលក់​ឲ្យ​កម្ពុជា​ក្នុង​តម្លៃ​មួយ​ដែល​ទាប​ជាង​ទីផ្សារ​ទូទៅតាម​ប្រទេស​មួយ​ចំនួន។

លោក វ៉ាង វិនធាន ឯក​អគ្គរាជ​ទូត​ចិន​ប្រចាំ​នៅ​កម្ពុជាបាន​ឲ្យ​ដឹង​ថា រដ្ឋាភិបាល​ចិន​បាន​សម្រួល​ឲ្យ​កម្ពុជា​អាច​បញ្ជាទិញ​វ៉ាក់សាំងស៊ី​ណូ​វ៉ា​ក់ ប្រើប្រាស់​ពេល​ត្រឹម ២ សប្ដាហ៍​ប៉ុណ្ណោះ។ លោក​បន្ត​ថា កម្ពុជា​បាន​បញ្ជា​ទិញ​ជា​លើក​ដំបូង ហើយ​រដ្ឋាភិបាល​ចិន​លក់ឲ្យ​​​ក្នុង​តម្លៃ​ពិសេស​បំផុត។ វ៉ាក់សាំងនេះ​​នឹង​​បង្កើត​ជញ្ជាំង​​ការពារសុខភាព​​ប្រជាជន​កម្ពុជាពីការ​វាយ​ប្រហារ​នៃ​មេរោគ​​កូវីដ១៩។

រាជរដ្ឋាភិបាល​កម្ពុជា មាន​ផែន​ការ​បញ្ជាទិញ​វ៉ាក់សាំង​បង្ការ​ជំងឺ​កូ​វីដ​-១៩ ប្រភេទស៊ី​ណូ​វ៉ា​ក់ ប្រមាណ​៤​លាន​ដូ​ស​បន្ថែម​ទៀតពី​ភាគី​ចិន ខណៈ​បាន​ទិញ​វ៉ាក់សាំង​កូ​វីដ​-១៩ ស៊ី​ណូ​វ៉ា​ក់ ចំនួន ១.៥​លាន​ដូ​ស​ ដែល​បាន​ដឹក​មកដល់​កាលពី​ព្រឹកម្សិល​មិញ​នេះ​។

តាមរយៈ​ការ​បង្ហោះ​នៅ​លើ​គេហទំព័រ​ហ្វេ​ស​បុក​ផ្លូវការ​នា​រសៀល​ថ្ងៃទី​២៦ មីនា​ សម្តេច​តេ​ជោ​ហ៊ុន សែន​នាយករដ្ឋមន្ត្រី​កម្ពុជាបាន​ថ្លែង​ថា​ រាជរដ្ឋាភិបាល​កំពុង​ចរចា​ជាមួយ​ភាគី​ចិន ​ដើម្បី​បញ្ជា​ទិញ​វ៉ាក់សាំង​បន្ថែម​ទៀត ដើម្បី​បង្កើន​ការ​ចាក់​ជូន​ប្រជាពលរដ្ឋ​ក្នុង​បេសកកម្ម​ប្រយុទ្ធប្រឆាំង​ជំងឺ​កូ​វីដ​-១៩ ដោយឥតគិតថ្លៃ​តាម​ផែនការ​។​

កម្ពុជា​នៅ​មាន​តម្រូវការ​វ៉ាក់សាំង​ជាច្រើន​លាន​ដូ​ស​ទៀត សម្រាប់​ចាក់​ជូន​ប្រជាពលរដ្ឋ​ឲ្យ​បាន​រហូតដល់​ជាង ១០​លាន​នាក់ ដើម្បី​ទប់ស្កាត់​ការរីក​រាលដាល​ជំងឺ​កូ​វីដ​-១៩ ប្រកបដោយ​ប្រសិទ្ធភាព និង​ស្តារ​សេដ្ឋកិច្ច​ដែល​រង​ផលប៉ះពាល់​ឡើងវិញ​។

បើ​តាមលោកជំទាវ យក់​សម្បត្តិ ប្រសិទ្ធភាពរបស់វ៉ាក់សាំងស៊ី​ណូ​វ៉ា​ក់ មិនខុសប្លែងពីវ៉ាក់សាំង Sinopharm នោះទេ ហើយជីវិតវ៉ាក់សាំងនេះអាចប្រើប្រាស់បានក្នុងរយៈពេល៣៦ខែ ប៉ុន្តែក្រុមហ៊ុនណែនាំឱ្យចាក់ក្នុងរយៈពេល៦ខែ ដើម្បីកាន់តែទទួលបានប្រសិទ្ធភាព។

រាជរដ្ឋាភិបាល​កម្ពុជា​កំពុង​ស្វះ​ស្វែងរក​វ៉ាក់សាំង​ជា​បន្តបន្ទាប់​ទៀត​តាមរយៈ​ប្រទេស​ជា​មិត្ត និង​យន្តការ​ខូ​វ៉ា​ក់ (Covax)​។ ក្រៅពី​វ៉ាក់សាំងស៊ី​ណូ​វ៉ា​ក់ដែល​ទើប​មកដល់ ១.៥​លាន​ដូ​ស​នេះ តាម​ការគ្រោងទុក​វ៉ាក់សាំង​ស៊ី​ណូ​ហ្វា​ម (Sinopharm)​ដែល​ជា​ជំនួយ​របស់​រដ្ឋាភិបាល​ចិន ចំនួន​៧០​ម៉ឺន​ដូ​ស​ទៀត (៣០​ម៉ឺន​ដូ​ស​សម្រាប់​ក្រសួងការពារជាតិ និង​៤០​ម៉ឺន​ដូ​ស សម្រាប់​ក្រសួងសុខាភិបាល​) នឹង​មកដល់​កម្ពុជានាពេល​ខាងមុខនេះ​៕

អត្ថបទ៖ ប៊ុណ្ណារ៉ា

The post វ៉ាក់សាំងស៊ី​ណូ​វ៉ា​ក់ ចិន​លក់​ឲ្យ​ខ្មែរ​តម្លៃ​ទាប​ជាង​ទីផ្សារ​ទូទៅតាម​ប្រទេស​មួយ​ចំនួន appeared first on Kampuchea Thmey Daily.

តាមរយៈ​ការ​បង្ហោះ​នៅ​លើ​គេហទំព័រ​ហ្វេ​ស​បុក​ផ្លូវការ​នា​រសៀល​ថ្ងៃទី​២៦ មីនា​នេះ សម្តេច​តេ​ជោ​ហ៊ុន សែន​នាយករដ្ឋមន្ត្រី​កម្ពុជា បាន​ជម្រាប​ជូន​ជនរួមជាតិ​ថា​ពេលនេះ​ រាជរដ្ឋាភិបាល​កំពុង​ចរចា​ជាមួយ​ភាគី​ចិន ​ដើម្បី​បញ្ជា​ទិញ​វ៉ាក់សាំង​បន្ថែម​ទៀត ដើម្បី​បង្កើន​ការ​ចាក់​ជូន​ប្រជាពលរដ្ឋ​ក្នុង​បេសកកម្ម​ប្រយុទ្ធប្រឆាំង​ជំងឺ​កូ​វីដ​-១៩ ដោយ ឥតគិតថ្លៃ​តាម​ផែនការ​។​

សម្តេច​បាន​ឲ្យ​ដឹងថា កម្ពុជា​យើង​នៅ​មាន​តម្រូវការ​វ៉ាក់សាំង​ជាច្រើន​លាន​ដូ​ស​ទៀត សម្រាប់​ចាក់​ជូន​ប្រជាពលរដ្ឋ​ឲ្យ​បាន​រហូតដល់​ជាង ១០​លាន​នាក់ ដើម្បី​ទប់ស្កាត់​ការរីក​រាលដាល​ជំងឺ​កូ​វីដ​-១៩ ប្រកបដោយ​ប្រសិទ្ធភាព និង​ស្តារ​សេដ្ឋកិច្ច​ដែល​រង​ផលប៉ះពាល់​ឡើងវិញ​។ វ៉ាក់សាំង Sinovac នេះ​ផលិត​ដោយ​ក្រុមហ៊ុន​ចិន Sinovac Biotech មានតម្លៃ​១០​ដុល្លារ​ក្នុង​១​ដូ​ស​។ វ៉ាក់សាំង​នេះ​មាន​លក្ខខណ្ឌ​ប្រើប្រាស់ និង​ប្រសិទ្ធ​ភាពមិន​ខុសប្លែក​ពី​វ៉ាក់សាំង ស៊ីណូ​ហ្វា​ម (Sinopharm) នោះទេ ហើយ​ជីវិត​វ៉ាក់សាំង​ថ្មី​នេះ អាច​ប្រើប្រាស់​បាន​ក្នុង​រយៈពេល​៣៦​ខែ ប៉ុន្តែ ដើម្បី​ឲ្យ​កាន់តែ​ទទួល​បាន​ប្រសិទ្ធភាព​ខ្ពស់​ក្រុមហ៊ុន​បាន​ណែនាំ​ឲ្យ​ចាក់​ក្នុង​រយៈពេល​៦​ខែ​។

ដើម្បី​សម្រេច​ផែនការ​នេះ រាជរដ្ឋាភិបាល​កម្ពុជា​បាន​ដាក់ចេញ​ផែនការ និង​កំពុង​ស្វះ​ស្វែងរក​វ៉ាក់សាំង​ជា​បន្តបន្ទាប់​ទៀត​តាមរយៈ​ប្រទេស​ជា​មិត្ត និង​តាមរយៈ​យន្តការ​ខូ​វ៉ា​ក់ (Covax)​។ ក្រៅពី​វ៉ាក់សាំង Sinovac ដែល​ទើប​មកដល់ ១.៥​លាន​ដូ​ស​នេះ តាម​ការគ្រោងទុក​វ៉ាក់សាំង​ស៊ី​ណូ​ហ្វា​ម (Sinopharm)​ដែល​ជា​ជំនួយ​របស់​រដ្ឋាភិបាល​ចិន ចំនួន​៧០​ម៉ឺន​ដូ​ស​ទៀត (៣០​ម៉ឺន​ដូ​ស​សម្រាប់​ក្រសួងការពារជាតិ និង​៤០​ម៉ឺន​ដូ​ស សម្រាប់​ក្រសួងសុខាភិបាល​) នឹង​មកដល់​កម្ពុជា នាពេល​ខាងមុខនេះ​ផងដែរ​៕

អត្ថបទ៖ ​សំអឿន​

សូមចុចអាន៖ កម្ពុជាមានធនធានទប់ទល់វិបត្តិកូវីដ-១៩ ដល់ឆ្នាំក្រោយ

The post កម្ពុ​ជា​មាន​ផែន​ការ​បញ្ជាទិញ​វ៉ាក់សាំង Sinovac​ ពី​ភាគី​ចិន​ប្រមាណ​៤​លាន​ដូ​ស​បន្ថែម​ទៀត appeared first on Kampuchea Thmey Daily.

វ៉ាក់សាំង Sinovac ជាង ៧០ លានដូសត្រូវបានផ្តល់ឲ្យទូទាំងពិភពលោករួមទាំងនៅក្នុងប្រទេសចិនផងដែរ ។

ដំបូងឡើយប្រទេសចិនបានអនុម័តការប្រើប្រាស់វ៉ាក់សាំងនេះចំពោះមនុស្សពេញវ័យ ប៉ុន្តែវាមិនទាន់ត្រូវបានប្រើលើកុមារនោះទេ ពីព្រោះប្រព័ន្ធភាពស៊ាំរបស់ពួកគេអាចឆ្លើយតបខុសគ្នាទៅនឹងវ៉ាក់សាំង ។

ប៉ុន្តែលោកវេជ្ជបណ្ឌិត Gang Zeng នាយកវេជ្ជសាស្ត្រនៅឯក្រុមហ៊ុន Sinovac បាននិយាយនៅក្នុងសន្និសីទសារព័ត៌មានមួយថា ការសាកល្បងព្យាបាលដំណាក់កាលដំបូង និងទី ២ ដែលមានអ្នកចូលរួមជាង ៥៥០ បានបង្ហាញថា វ៉ាក់សាំងនេះនឹងធ្វើឲ្យមានការឆ្លើយតបរបស់ប្រព័ន្ធភាពស៊ាំទៅលើកុមារផងដែរ ។

ចំណែកលោក Eng Eong Ooi សាស្ត្រាចារ្យនៅសាលាវេជ្ជសាស្ត្រ Duke NUS Medical នៅប្រទេសសិង្ហបុរីបាននិយាយថា “ការសាកល្បងបង្ហាញថា វ៉ាក់សាំងនេះមានសុវត្ថិភាព ហើយអាចទទួលបានការឆ្លើយតបភាពស៊ាំដ៏មានសក្តានុពលប្រឆាំងនឹងវីរុស SARS-CoV-2 របស់កុមារ” ។

កុមារទំនងជាមិនមានជំងឺធ្ងន់ធ្ងរជាមួយនឹងវីរុសកូវីដ ១៩ នោះទេ ប៉ុន្តែពួកគេនៅតែមានគ្រោះថ្នាក់ហើយអាចឆ្លងវីរុសបាន ។ ខណៈយុទ្ធនាការចាក់វ៉ាក់សាំងនៅទូទាំងពិភពលោកបានផ្តោតលើមនុស្សពេញវ័យ កុមារក៏នឹងត្រូវទទួលការចាក់វ៉ាក់សាំងដើម្បីបញ្ចប់ការរាតត្បាត ។

ទន្ទឹមនោះវ៉ាក់សាំង Pfizer ក៏បានប្រើសម្រាប់មនុស្សចាប់ពីអាយុ ១៦ ឆ្នាំ ខណៈពេលនេះក៏ត្រូវបានសិក្សាលើមនុស្សនៅអាយុ ១២ ទៅ ១៦ ឆ្នាំផងដែរ ។ ចំណែកក្រុមហ៊ុន Moderna កំពុងសិក្សាវ៉ាក់សាំងរបស់ខ្លួនលើកុមារដែលមានអាយុចាប់ពី ១២ ឆ្នាំឡើងទៅ ហើយកាលពីសប្តាហ៍មុនបានប្រកាសពីការស្រាវជ្រាវថ្មីមួយទៀតដែលប្រើការធ្វើតេស្តរបស់ខ្លួនលើកុមារអាយុក្រោម ១២ ឆ្នាំ ។

ស្របពេលជាមួយនេះក្រុមហ៊ុនឱសថចិន Sinopharm ដែលមានវ៉ាក់សាំងការពារជំងឺកូវីដ ១៩ ចំនួន ២ ក៏កំពុងស៊ើបអង្កេតប្រសិទ្ធភាពនៃវ៉ាក់សាំងរបស់ខ្លួនចំពោះកុមារផងដែរ ។ ក្រុមហ៊ុនបាននិយាយកាលពីខែមករាថា ក្រុមហ៊ុនបានបញ្ជូនទិន្នន័យព្យាបាលទៅនិយតកររួចហើយ ទោះបីជាវាមិនច្បាស់ថាតើវាស្ថិតក្នុងវ៉ាក់សាំងណាមួយ ឬទាំងពីរក៏ដោយ ៕

ប្រែសម្រួលដោយ ៖ ជីវ័ន្ត

ប្រភព ៖ abcnews

ចុចអាន ៖ ស្វែងយល់លម្អិតពីវ៉ាក់សាំងកូវីដរបស់ ចិន Sinovac ដឹកមកកម្ពុជាថ្ងៃនេះ

ចុចអាន ៖ ដំណឹងល្អ! វ៉ាក់សាំង Sinovac របស់ ចិន ដែលកម្ពុជា ទទួលបានថ្ងៃនេះ បង្ហាញប្រសិទ្ធភាពសឹង១០០ភាគរយក្នុងការធ្វើតេស្ត

The post វ៉ាក់សាំងចិន Sinovac ដែលកម្ពុជាទើបទទួលបានមានសុវត្ថិភាពសម្រាប់កុមារអាយុ ៣ ឆ្នាំទៅ ១៧ ឆ្នាំ appeared first on Kampuchea Thmey Daily.

ដូច្នេះតើយើងត្រូវដឹងច្បាស់អំពីវ៉ាក់សាំងចិននេះយ៉ាងដូចម្តេច?

• តើមានអ្វីខុសគ្នារវាងវ៉ាក់សាំងក្រុមហ៊ុន Sinovac និងវ៉ាក់សាំងខ្លះទៀត?

វ៉ាក់សាំងឈ្មោះ CoronaVac របស់ក្រុមហ៊ុន Sinovac គឺជាវ៉ាកសាំងដែលធ្វើការសម្លាប់ភាគតូចល្អិតរបស់វីរុសដើម្បីបញ្ចោញប្រព័ន្ធភាពស៊ាំរបស់រាងកាយក្នុងការឆ្លើយតបនឹងជំងឺធ្ងន់ធ្ងរ ។

វាអាចត្រូវបានរក្សាទុកនៅក្នុងទូរទឹកកកធម្មតានៅសីតុណ្ហភាព ២ ទៅ ៨ អង្សាសេ ដូចជាវ៉ាក់សាំងរបស់សាកលវិទ្យាល័យ Oxford ដែរ ខណៈវ៉ាក់សាំងរបស់ក្រុមហ៊ុន Moderna ត្រូវការរក្សាទុកនៅឯសីតុណ្ហភាព ដក ២០ អង្សាសេ និងវ៉ាក់សាំង Pfizer នៅសីតុណ្ហភាព ដក ៧០ អង្សាសេ ។

វាមានន័យថាវ៉ាក់សាំង Sinovac មានប្រយោជន៍ច្រើនដល់បណ្តាប្រទេសកំពុងអភិវឌ្ឍន៍ដែលពិបាកទុកវ៉ាក់សាំងបានច្រើននៅសីតុណ្ហភាពទាបបែបនេះ ។

• តើវាមានប្រសិទ្ធភាពប៉ុណ្ណា?

យោងតាមទិន្នន័យបណ្តោះអាសន្នពីការសាកល្បងដំណាក់កាលចុងក្រោយនៅប្រទេសទួរគី បានបង្ហាញថា វ៉ាក់សាំងការពារជំងឺកូវីដ ១៩ ដែលបង្កើតឡើងដោយក្រុមហ៊ុន Sinovac Biotech របស់ប្រទេសចិន គឺមានប្រសិទ្ធភាព ៩១.២៥ ភាគរយ ដែលលទ្ធផលនេះមានភាពល្អប្រសើរជាងការសាកល្បងមួយដាច់ដោយឡែកដែលគេរាយការណ៍នៅក្នុងប្រទេសប្រេស៊ីល ។

លោក Zhu Fengcai និពន្ធនាយកកាសែត The Lancet បាននិយាយថា លទ្ធផលដែលផ្អែកលើអ្នកចូលរួម ១៤៤ នាក់នៅក្នុងដំណាក់កាលទី ១ និង ៦០០ នាក់នៅក្នុងដំណាក់កាលទី ២ មានន័យថា វ៉ាក់សាំងនេះសមស្របសម្រាប់ការប្រើប្រាស់បន្ទាន់ ។

នៅក្នុងខែកញ្ញាលោក Yin ប្រធានក្រុមហ៊ុន Sinovac បាននិយាយថា ការធ្វើតេស្តត្រូវបានធ្វើឡើងលើអ្នកស្ម័គ្រចិត្តក្នុងប្រទេសប្រេស៊ីលជាង ១,០០០ នាក់ដែលក្នុងនោះមានអ្នកខ្លះបង្ហាញថាអស់កម្លាំងតិចតួច ឬមិនស្រួលខ្លួនមិនលើសពី ៥ ភាគរយឡើយ ។

• តើក្រុមហ៊ុននេះអាចផលិតវ៉ាក់សាំងប៉ុន្មានដូសក្នុងមួយឆ្នាំ?

ប្រធានក្រុមហ៊ុនបានប្រាប់ទីភ្នាក់ងារសារព័ត៌មាន CGTN ថា ក្រុមហ៊ុន Sinovac នឹងអាចផលិតបាន ៣០០ លានដូសក្នុងមួយឆ្នាំ ។ ដូចវ៉ាក់សាំងដទៃទៀតដែរវាតម្រូវឲ្យចាក់ចំនួន ២ ដូសដោយអាចចាក់មនុស្ស ១៥០ លាននាក់ក្នុងមួយឆ្នាំ ។

ទោះយ៉ាងណាក៏ដោយវាបានចែកចាយទៅដល់ប្រទេសឥណ្ឌូនេស៊ីរាប់លានដូសរួចហើយ ហើយក៏កំពុងទទួលបានកិច្ចព្រមព្រៀងផ្សេងទៀតជាមួយប្រទេសទួរគី ប្រេស៊ីល និងឈីលី ជាដើម ខណៈក្នុងមួយដូសមានតម្លៃ ២០០ យ័ន (ប្រមាណ ៣០ ដុល្លារ) ។

គួរបញ្ជាក់ថា នៅ​ព្រឹក​ថ្ងៃទី​២៦ ខែមីនា ឆ្នាំ​២០២១ ស្អែក​នេះ វ៉ាក់សាំង​ប្រភេទ Sinovac របស់​សាធារណរដ្ឋ​ប្រជាមានិត​ចិន​ចំនួន​១.៥​លាន​ដូ​ស ដែល​រដ្ឋាភិបាល​កម្ពុជា​បាន​បញ្ជា​ទិញ​ពី​ប្រទេស​ចិន នឹង​មកដល់​អាកាសយានដ្ឋាន​អន្តរជាតិ​ភ្នំពេញ​ហើយ តាម​ជើងហោះហើរ​របស់​ក្រុមហ៊ុន​អាកាសចរណ៍ China Southern​។

ពិធី​ទទួល​វ៉ាក់សាំង​នេះ នឹងធ្វើ​ឡើង​ក្រោម​វត្តមាន​របស់លោក វ​ង្ស៉ី វិស្សុត រដ្ឋមន្ត្រី​ប្រតិភូ​អម​នាយករដ្ឋមន្ត្រី និង​ជា​រដ្ឋលេខាធិការ​ក្រសួង​សេដ្ឋកិច្ច និង​ហិរញ្ញវត្ថុ ជា​តំណាង​រាជរដ្ឋាភិបាល​កម្ពុជា ចំណែកឯ​ភាគី​ចិន តំណាង​ដោយ​លោក វ៉ាង វិ​ន​ធាន ឯកអគ្គរដ្ឋទូត​ចិន​ប្រចាំ​កម្ពុជា ហើយក៏​នឹង​មាន​ការចូលរួម​ពី​អ្នក​ពាក់ព័ន្ធ​ជា​ច្រើន​ទៀតផង​ដែរ​ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ ដំណឹងល្អ! វ៉ាក់សាំង Sinovac របស់ ចិន ដែលកម្ពុជា ទទួលបានថ្ងៃនេះ បង្ហាញប្រសិទ្ធភាពសឹង១០០ភាគរយក្នុងការធ្វើតេស្ត

ចុចអាន ៖ ក្រុមហ៊ុន Pfizer ចាប់ផ្តើមធ្វើតេស្តវ៉ាក់សាំងកូវីដ លើកុមារអាយុ ៦ខែដល់ ១២ឆ្នាំ

The post ស្វែងយល់លម្អិតពីវ៉ាក់សាំងកូវីដរបស់ ចិន Sinovac ដឹកមកកម្ពុជាថ្ងៃនេះ appeared first on Kampuchea Thmey Daily.

ក្រុមអ្នកស្រាវជ្រាវទួរគីបាននិយាយថា មិនមានផលប៉ះពាល់ធ្ងន់ធ្ងរណាមួយត្រូវបានគេឃើញក្នុងពេលសាកល្បងទេ ពោលគឺមានមនុស្សតែម្នាក់ប៉ុណ្ណោះដែលមានប្រតិកម្មអាឡ័កស៊ី។ ពួកគេនិយាយថា ផលប៉ះពាល់ទូទៅដែលបណ្តាលមកពីវ៉ាក់សាំងនេះមានដូចជាគ្រុនក្តៅ ឈឺតិចតួចនិងអស់កម្លាំងបន្តិច។

ក្រុមអ្នកស្រាវជ្រាវបាននិយាយថា ការសាកល្បងនៅទួរគីបានចាប់ផ្តើមកាលពីថ្ងៃទី១៤ខែកញ្ញា និងមានការចូលរួមពីអ្នកស្ម័គ្រចិត្តជាង៧,០០០នាក់។ ពួកគេបន្ថែមថា លទ្ធផលដែលប្រកាសនេះគឺផ្អែកទៅលើទិន្នន័យពីមនុស្សចំនួន ១,៣២២នាក់។

Sinovac គឺជាក្រុមហ៊ុនផលិតវ៉ាក់សាំងចិនដំបូងបង្អស់ដែលបញ្ចេញព័ត៌មានលម្អិតពីការសាកល្បងដំណាក់កាលចុងក្រោយបន្ទាប់ពីការបញ្ចេញលទ្ធផលវិជ្ជមានពីផលិតផលជាគូប្រជែងដែលបង្កើតដោយក្រុមហ៊ុន Pfizer, Moderna និង AstraZeneca កាលពីខែមុន។

ប្រទេសទួរគីបានទិញវ៉ាក់សាំងរបស់ក្រុមហ៊ុន Sinovac ចំនួន៥០លានដូសរួចទៅហើយ។

គួរបញ្ជាក់ថា នៅ​ព្រឹក​ថ្ងៃទី​២៦ ខែមីនា ឆ្នាំ​២០២១ ស្អែក​នេះ វ៉ាក់សាំង​ប្រភេទ Sinovac របស់​សាធារណរដ្ឋ​ប្រជាមានិត​ចិន​ចំនួន​១.៥​លាន​ដូ​ស ដែល​រដ្ឋាភិបាល​កម្ពុជា​បាន​បញ្ជា​ទិញ​ពី​ប្រទេស​ចិន នឹង​មកដល់​អាកាសយានដ្ឋាន​អន្តរជាតិ​ភ្នំពេញ​ហើយ តាម​ជើងហោះហើរ​របស់​ក្រុមហ៊ុន​អាកាសចរណ៍ China Southern​។

ពិធី​ទទួល​វ៉ាក់សាំង​នេះ នឹងធ្វើ​ឡើង​ក្រោម​វត្តមាន​របស់លោក វ​ង្ស៉ី វិស្សុត រដ្ឋមន្ត្រី​ប្រតិភូ​អម​នាយករដ្ឋមន្ត្រី និង​ជា​រដ្ឋលេខាធិការ​ក្រសួង​សេដ្ឋកិច្ច និង​ហិរញ្ញវត្ថុ ជា​តំណាង​រាជរដ្ឋាភិបាល​កម្ពុជា ចំណែកឯ​ភាគី​ចិន តំណាង​ដោយ​លោក វ៉ាង វិ​ន​ធាន ឯកអគ្គរដ្ឋទូត​ចិន​ប្រចាំ​កម្ពុជា ហើយក៏​នឹង​មាន​ការចូលរួម​ពី​អ្នក​ពាក់ព័ន្ធ​ជា​ច្រើន​ទៀតផង​ដែរ​។

ប្រែសម្រួលដោយ៖ Vann Vann

ប្រភព៖ CNA

ចុចអាន៖ ព្រឹកស្អែក​នេះ វ៉ាក់សាំង​ចំនួន​១​លាន​៥​សែន​ដូ​ស​ទៀត នឹង​មកដល់​កម្ពុជា​

The post ដំណឹងល្អ! វ៉ាក់សាំង Sinovac របស់ ចិន ដែលកម្ពុជា ទទួលបានថ្ងៃនេះ បង្ហាញប្រសិទ្ធភាពសឹង១០០ភាគរយក្នុងការធ្វើតេស្ត appeared first on Kampuchea Thmey Daily.