ព័ត៌មានជាតិ
ព្រឹកស្អែកនេះ វ៉ាក់សាំងចំនួន១លាន៥សែនដូសទៀត នឹងមកដល់កម្ពុជា
នៅព្រឹកថ្ងៃទី២៦ ខែមីនា ឆ្នាំ២០២១ ស្អែកនេះ វ៉ាក់សាំងប្រភេទ Sinovac របស់សាធារណរដ្ឋប្រជាមានិតចិនចំនួន១,៥លានដូស ដែលរដ្ឋាភិបាលកម្ពុជាបានបញ្ជាទិញពីប្រទេសចិន នឹងមកដល់អាកាសយានដ្ឋានអន្តរជាតិភ្នំពេញហើយ តាមជើងហោះហើររបស់ក្រុមហ៊ុនអាកាសចរណ៍ China Southern។
ពិធីទទួលវ៉ាក់សាំងនេះ នឹងធ្វើឡើងក្រោមវត្តមានរបស់លោក វង្ស៉ី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ជាតំណាងរាជរដ្ឋាភិបាលកម្ពុជា ចំណែកឯភាគីចិន តំណាងដោយលោក វ៉ាង វិនធាន ឯកអគ្គរដ្ឋទូតចិនប្រចាំកម្ពុជា ហើយក៏នឹងមានការចូលរួមពីអ្នកពាក់ព័ន្ធជាច្រើនទៀតផងដែរ។
សូមបញ្ជាក់ថា កាលពីថ្ងៃទី១៩ ខែមីនានេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់ថា វ៉ាក់សាំង ស៊ីណូវ៉ាក់ (Sinovac) នឹងមកដល់ប្រទេសកម្ពុជានៅថ្ងៃទី២៦ ខែមីនា ឆ្នាំ២០២១ ប្រសិនបើគ្មានអ្វីប្រែប្រួលនោះទេ ហើយនោះជាវ៉ាក់សាំង ដែលកម្ពុជាបានទិញចំនួន១ លាន៥ សែនដូស។
បើតាមសម្ដេចតេជោ ក្រៅពីវ៉ាក់សាំង ដែលនឹងមកដល់នាពេលខាងមុខនេះ កម្ពុជាយើងក៏នៅមានវ៉ាក់សាំងដែលនៅសល់ ជាវ៉ាក់សាំងស៊ីណូហ្វាមចំនួន៤០ ម៉ឺនដូសទៀត។ ជាមួយគ្នានោះសម្ដេចតេជោ ហ៊ុន សែន បានស្នើឲ្យគណៈកម្មការចំពោះកិច្ច ដែលមានលោកស្រីវេជ្ជបណ្ឌិត ឱ វណ្ណឌីន ជាប្រធាន ដំណើរការចាក់វ៉ាក់សាំង ជូនប្រជាពលរដ្ឋដែលមានអាយុ៦០ ឆ្នាំឡើង នៅរាជធានីភ្នំពេញ ដែលជាតំបន់រាតត្បាតច្រើន។
ជាមួយគ្នានោះ សម្តេចបានប្រាប់ប្រជាពលរដ្ឋកុំឱ្យប្រកាន់ថា នេះជាវាក់សាំងរបស់ចិន នេះជាវាក់សាំងរបស់ឥណ្ឌា។ សម្តេចបញ្ជាក់ថា សម្រាប់នៅប្រទេសកម្ពុជាយើង វ៉ាក់សាំង AstraZeneca ត្រូវបានគេយល់ថា ជាវ៉ាក់សាំង ដែលមានសុវត្ថិភាព ហើយអង្គការសុខភាពពិភពលោក ក៏កំពុងតែការពារវ៉ាក់សាំង AstraZeneca នេះដែរ ប៉ុន្តែបញ្ហារបស់យើង ស្ថិតនៅត្រង់ថា គឺយើងមិនមានវាក់សាំងគ្រប់គ្រាន់ ដើម្បីចាក់ជូនទាំងអស់គ្នាក្នុងពេលតែមួយនោះទេ។
សម្តេចតេជោនាយករដ្ឋមន្ត្រីបានបញ្ជាក់ដែរថា បើតាមដឹង ស៊ីណូវ៉ាក់ មិនបានគិតពីអាយុនោះទេ ពីព្រោះនៅប្រទេសឥណ្ឌូនេស៊ី គឺបានដំណើរការចាក់ ស៊ីណូវ៉ាក់ រាប់ទាំងប្រធានាធិបតី ឥណ្ឌូណេស៊ី ដែលជាប្រទេសលំដាប់ទី៤ ដែលមានប្រជាជនច្រើនជាងគេ ក៏ប្រើប្រាស់វ៉ាក់សាំង ស៊ីណូវ៉ាក់នេះដែរ៕
ដោយ ៖ កោះកែវ
-
កីឡា៣ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៤ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ១ សប្តាហ៍ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៨ ម៉ោង agoសេតវិមានអះអាងថា អ៊ីរ៉ង់នៅតែចង់ធ្វើកិច្ចព្រមព្រៀងជាមួយអាមេរិក ទោះកំពុងវាយគ្នាក៏ដោយ
-
ព័ត៌មានជាតិ១ ថ្ងៃ agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
ព័ត៌មានជាតិ៣ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
កីឡា២ ថ្ងៃ agoអាហ្សង់ទីន បញ្ចប់ក្តីស្រមៃ ៦០ ឆ្នាំ របស់ អង់គ្លេស ឡើងទៅវគ្គផ្តាច់ព្រ័ត្រជើងឯកពិភពលោក World Cup 2026
-
ព័ត៌មានអន្ដរជាតិ៣ ម៉ោង agoអស្ចារ្យ! FIFA នឹងផ្តល់រង្វាន់ ចិញ្ចៀនមាសដាំពេជ្រ បន្ថែមពីលើមេដាយ និងពាន ដល់ក្រុមជើងឯក World Cup 2026