តាមការផ្សាយរបស់ Khaosod, ហេតុការណ៍នេះកើតឡើងនៅថ្ងៃពុធទី១១ខែមីនាឆ្នាំ២០២៦ ពេលជើងហោះហើរ IX938 ដែលចេញដំណើរពីទីក្រុង Hyderabad នៃប្រទេសឥណ្ឌា បានដាច់កង់ រត់ខុសផ្លូវ ពេលចុះចតនៅអាកាសយានដ្ឋានភូកេត ប្រទេសថៃ។

យ៉ាងណា ភ្លាមៗគ្មានរបាយការណ៍អំពីជនរងគ្រោះទេ ខណៈអ្នកដំណើរទាំងអស់ ត្រូវបានជម្លៀសចេញដោយសុវត្ថិភាព។

មន្ត្រីថៃ កំពុងបើកការស៊ើបអង្កេតករណីនេះ ហើយក៏បានបិទផ្លូវរត់នៅព្រលានយន្តហោះនោះជាបណ្តោះអាសន្នសិនផងដែរ៕

អត្ថបទ៖ សុខ សុវណ្ណ

The post យន្តហោះដាច់កង់ពេលចុះចតនៅភូកេត, អ្នកដំណើរ១៣៣នាក់ ព្រលឹងចុងសក់  appeared first on Kampuchea Thmey Daily.

តាមរយៈវីដេអូដែលថតបាន គេឃើញនារីថៃនិងទេសចររុស្ស៊ី បានប្រព្រឹត្តអំពើអនាចារនៅលើគូទរថយន្តភីកអាប់ កំពុងបើកបរតាមទីសាធារណៈក្នុងខេត្តភូកេត ដែលនេះជាការបង្ហាញពីភាពអនាធិបតេយ្យរបស់ប្រទេសថៃឲ្យពិភពលោកបានឃើញ។

សារព័ត៌មានបរទេសជាច្រើនដូចជា Straits Times, The Star និង VN Express សុទ្ធតែចេញផ្សាយអំពីរឿងនេះ ដែលធ្វើឲ្យប្រទេសថៃ ត្រូវអាម៉ាស់និងខ្មាសគេពេញពិភពលោក មិនដឹងយកមុខទៅទុកឯណា។

បើយោងតាមសេចក្តីរាយការណ៍របស់ Khaosod កាលពីថ្ងៃសុក្រទី២៦ខែកញ្ញាឆ្នាំ២០២៥ ស្រ្តីរូបនោះមានវ័យ៤១ឆ្នាំជាអ្នកខេត្តភូកេតផ្ទាល់ ដោយទទួលបានប្រាក់ ១ ០០០បាតពីជនជាតិរុស្ស៊ី ដើម្បីថតវីដេអូនេះបង្កើតជាមាតិកាសម្រាប់បង្ហោះក្នុងបណ្តាញសង្គម។

ក្រោយមកប៉ូលិសក៏បានឃាត់ខ្លួនបុរសជនជាតិរុស្ស៊ីនៅឯអាកាសយានដ្ឋានសុវណ្ណភូមិ ពេលរូបគេប៉ុនប៉ងចាកចេញពីប្រទេសថៃ ដើម្បីសាកសួរនិងចាត់ការតាមនីតិវិធីច្បាប់។

ថៃជាប្រទេសពោរពេញដោយអំពើពេស្យាចារ ជាពិសេសទីក្រុងប៉ាតាយ៉ា ដែល​ជា​កន្លែង​មានស្រ្តី​រកស៊ី​ផ្លូវ​ភេទ​ច្រើន​ជាង​គេ​ ហើយ​ជា​ញឹក​ញាប់​គេ​ហៅ​ថា​ជា «រាជធានី​ផ្លូវភេទ​របស់​ប្រទេស​ថៃ»។

ចំណែកនៅខេត្ត ភូកេត នេះ ក៏ដើរតួយ៉ាងសំខាន់នៅក្នុងឧស្សាហកម្មផ្លូវភេទរបស់ប្រទេសថៃដែរ។ វាសម្បូរហាងម៉ាស្សា បារ៍ និងខារ៉ាអូខេមាននារីបម្រើការតាមចំណង់ចំណូលចិត្តជាច្រើន៕

អត្ថបទ៖ សុខ សុវណ្ណ

ចុចអាន៖ Pattaya ​ជាប់​ចំណាត់លេខមួយមានពេស្យាចារច្រើនជាងគេក្នុងប្រទេសថៃ

The post ថៃ ខ្មាសគេពេញពិភពលោក ក្រោយនារីនៅ​ភូកេត​ រួមភេទជាមួយជនបរទេស លើរថយន្តបើកតាម​ផ្លូវសាធារណៈ  appeared first on Kampuchea Thmey Daily.

Koh Siray គឺជាវត្តដែលល្បីថាស័ក្តិសិទ្ធិ និងជាកន្លែងពេញនិយមសម្រាប់អ្នកធ្វើសមាធិក្នុងខេត្ត ភូកេត ហើយវត្តនេះក៏ល្បីឈ្មោះផងដែរ សម្រាប់ព្រះពុទ្ធរូបបដិមាដ៏ធំ ទាក់ទាញអ្នកកាន់ពុទ្ធសាសនាទៅគោរពបូជា។

ទោះបីជាយ៉ាងណាក៏ដោយ ឥទ្ធិពលនៃព្យុះ ណយហ្វា បានបង្កឲ្យមានភ្លៀងធ្លាក់ខ្លាំងចាប់តាំងពីចុងសប្តាហ៍មក បណ្តាលឲ្យបាក់ដីវាយប្រហារវត្ត ឈានដល់ការប្រកាសដាក់ក្នុងគ្រាអាសន្នតែម្តង។

ភ្លាមៗ អាជ្ញាធរមិនទាន់ចេញរបាយការណ៍អំពីជនរងគ្រោះឬការខូចខាតនៅឡើយទេ ប៉ុន្តែទីតាំងនោះ ត្រូវបានបិទ លែងឲ្យមនុស្សចេញចូលទៀតហើយ។

ជុំវិញឥទ្ធិពលនៃព្យុះណងហ្វានេះដែរ ថៃបានចេញការព្រមានរួចហើយអំពីគ្រោះធម្មជាតិដ៏កាចសាហាវ ដែលនឹងវាយប្រហារខេត្តសឹងមួយប្រទេស ​ចាប់ពីថ្ងៃអង្គារទី២ខែកញ្ញាទៅ។

នាយកដ្ឋានឧតុនិយមថៃ បានចេញសេចក្តីប្រកាសថា ខេត្តចំនួន៥១ បូករួមទាំងទីក្រុងបាងកកផងដែរ នឹងកើតមានភ្លៀងធ្លាក់ជញ្ជ្រំខ្លាំងបំផុត ទឹកជំនន់ធ្ងន់ធ្ងរ រន្ទះបាញ់និងបំណាក់ដីភ្នំដ៏កាចសាហាវ ចាប់ពី២៤ម៉ោងក្រោយទៅ។

កន្លែងដែលរងការវាយប្រហារខ្លាំងជាងគេនៅតែជាតំបន់ភាគខាងជើង ដែលមានដូចជាខេត្ត Hong Son, Chiang Mai, Lamphun, Lampang, Phrae, Uttaradit, Sukhothai, Tak, Kamphaeng Phet, Phitsanulok, Phichit និង Phetchabun។ ក្រៅពីនេះ តំបន់ដែលរងការវាយប្រហារធ្ងន់ធ្ងរផ្សេងទៀតមាននៅភាគកណ្តាលចំនួន១០ខេត្ត, ប៉ែកអាគ្នេយ៍៨ខេត្ត, ប៉ែកនិរតី៥ខេត្ត, ប៉ែកឦសាន១៨ខេត្ត និងប៉ែកខាងកើត៨ខេត្ត៕

អត្ថបទ៖ សុខ សុវណ្ណ

ចុចអាន៖ សឹងមួយប្រទេសថៃ បន្តជួបគ្រោះធម្មជាតិដ៏កាចសាហាវ រួមទាំងបាក់ដីភ្នំនិងរន្ទះបាញ់

The post វត្តល្បីស័ក្តិសិទ្ធិនៅភូកេត ត្រូវដាក់ជាតំបន់គ្រាអាសន្នគ្រោះមហន្តរាយ ព្រោះបំណាក់ដីធ្ងន់ធ្ងរពេក appeared first on Kampuchea Thmey Daily.

តំបន់ជាច្រើនក្នុងខេត្តភូកេត រួមមាននៅទីក្រុងPatong ទឹកជំនន់ធ្ងន់ធ្ងរបានកើតឡើងនៅចំណុចសំខាន់ៗ ជំរុញឲ្យមានការព្រមាន​អ្នក​បើក​បរ​ឲ្យ​ជៀស​វាង​តំបន់​ដែល​លិច​ទឹក​ខ្លាំង។ ស្រុកជាច្រើនទៀតដូចជាស្រុក Muang និងផ្លូវក្នុងតំបន់ទេសចរណ៍ពេញនិយមួយចំនួន បានរងការជន់លិចខ្លាំង។ ជាការឆ្លើយតប ប៉ូលិសចរាចរណ៍ត្រូវបានដាក់ពង្រាយដើម្បីគ្រប់គ្រងការកកស្ទះ ជាពិសេសនៅមុខសាលារៀន ដោយសារទឹកនៅតែមាននៅលើដងផ្លូវ។

លើសពីនេះនាយកដ្ឋានឧតុនិយមថៃបានចេញសេចក្តីជូនដំណឹងមួយ ដោយចាត់ថ្នាក់ខេត្តភូកេត ជាតំបន់ហានិភ័យពណ៌លឿង សម្រាប់ភ្លៀងធ្លាក់ខ្លាំង ដល់ថ្ងៃទី២៣ខែសីហា។

គួរបញ្ជាក់ថាមិនត្រឹមតែខេត្តភូកេតប្រទេសថៃនោះទេ​ ខេត្តផ្សេងទៀតក៏កំពុងប្រឈមនឹងទឹកជំនន់ដែរ​ជាពិសេសបណ្ដាខេត្តដែលនៅតំបន់ទំនាបតាមដងទន្លេចៅប្រាយ៉ាព្រោះទឹកទន្លេកំពុងហក់ឡើងខ្លាំង៕

អត្ថបទ៖ ប៊ុន សុភាព

The post ភ្លៀងធ្លាក់ជាច្រើនម៉ោងធ្វើឲ្យភូកេត ប្រទេសថៃ ជន់លិចខ្លាំង appeared first on Kampuchea Thmey Daily.

អ្នកទេសចរណ៍ដែលបានស្លាប់មានឈ្មោះ Kevin អាយុ៦៩ឆ្នាំ ត្រូវបានរកឃើញស្លាប់នៅក្នុងសណ្ឋាគាដែលគាត់ស្នាក់នៅ លើផ្លូវ Rat-U-Thit 200 Pi ស្រុក Kathu ខេត្តភូកេត។ ប៉ូលិសបានទទួលរបាយការណ៍នៅម៉ោងប្រហែល ១០:៣០ ព្រឹក ខណៈអ្នកស៊ើបអង្កេតបាននិយាយថា Kevin បានចូលមកស្នាក់នៅកាលពីថ្ងៃទី ១៤ ខែកក្កដា ហើយនឹងត្រូវចាកចេញនៅថ្ងៃទី ២០ ខែសីហា។

មិនមានសញ្ញានៃការវាយតប់ ឬបែកបាក់នៅក្នុងបន្ទប់នោះទេ។ បុគ្គលិកសណ្ឋាគារបាននិយាយថា ពួកគេបានឃើញKevin លើកចុងក្រោយនៅថ្ងៃទី ១៦ ខែកក្កដា។ ស្ត្រីជនជាតិថៃម្នាក់ដែលបានទៅបារជាមួយគាត់នៅយប់នោះបានប្រាប់ប៉ូលិសថានាងមិនអាចទាក់ទង Kevin បានទេចាប់តាំងពីពេលនោះមក។ នាងបាននិយាយថា លោក Kevin បានប្រាប់នាងថា គាត់មានអារម្មណ៍តឹងណែនក្នុងទ្រូង មុនពេលលោកទៅសណ្ឋាគារវិញ។ មកដល់ពេលនេះ ប៉ូលិសកំពុងធ្វើកោសល្យវិច័យដើម្បីរកមូលហេតុពិតប្រាកដ។

គិតត្រឹមពាក់កណ្តាលខែកក្កដា ឆ្នាំ ២០២៥ យ៉ាងហោចណាស់មានអ្នកទេសចរបរទេសចំនួន ៧នាក់បានស្លាប់នៅភូកេតក្នុងឧបវហេតុផ្សេងៗគ្នា។ ឧបទ្ទវហេតុនេះកើតឡើងនៅចំពេលដែលវិស័យទេសចរណ៍នៅភូកេតកំពុងស្ថិតនៅក្រោមសម្ពាធរួចហើយបន្ទាប់ពីការគម្រាមកំហែងគ្រាប់បែកនាពេលថ្មីៗនេះ ដែលបានបង្កឱ្យមានការភ័យខ្លាចយ៉ាងទូលំទូលាយក្នុងចំណោមភ្ញៀវទេសចរ។ សណ្ឋាគារ និងកន្លែងសាធារណៈជាច្រើនត្រូវបានជម្លៀសចេញក្នុងរយៈពេលខ្លីនៅដើមសប្តាហ៍នេះ ខណៈដែលអាជ្ញាធរបានស៊ើបអង្កេតការគំរាមកំហែងដោយអនាមិក ទោះបីជាមិនបានរកឃើញគ្រឿងផ្ទុះក៏ដោយ។

ប្រតិបត្តិករទេសចរណ៍ក្នុងស្រុកមានការព្រួយបារម្ភថា ការរួមបញ្ចូលគ្នានៃការភ័យខ្លាចសុវត្ថិភាព និងឧប្បត្តិហេតុសោកនាដកម្មដូចជាការស្លាប់របស់ Kevin អាចរារាំងអ្នកដំណើរមកកាន់តំបន់នេះ។ ភូកេត ដែលជាគោលដៅទេសចរណ៍ដ៏ពេញនិយមបំផុតមួយរបស់ប្រទេសថៃ បាននិងកំពុងធ្វើការដើម្បីស្ដារវិស័យទេសចរណ៍របស់ខ្លួនឡើងវិញនៅក្នុងយុគសម័យក្រោយការរាតត្បាតនៃជំងឺរាតត្បាត ប៉ុន្តែការព្រួយបារម្ភអំពីសុវត្ថិភាពកំពុងបន្ថែមបញ្ហាប្រឈមថ្មី។

ក្រុមមន្ត្រីកន្លងមកបានប្តេជ្ញាបង្កើនការល្បាត កែលម្អវិធានការឆ្លើយតបបន្ទាន់ និងធានាសុវត្ថិភាពភ្ញៀវទេសចរឡើងវិញ។ ទោះជាយ៉ាងណាក៏ដោយ ជាមួយនឹងឧប្បត្តិហេតុទាក់ទងនឹងសុវត្ថិភាពនៅតែបន្តកើតមាន អ្នកទេសចរជាច្រើននៅតែមានការប្រុងប្រយ័ត្នចំពោះការធ្វើដំណើរទៅកាន់ភូកេត៕

អត្ថបទ៖ ប៊ុន សុភាព

The post អ្នកទេសចរស្លាប់ម្នាក់ទៀតនៅភូកេតធ្វើឲ្យទេសចរណ៍​ក្នុងខេត្តភាគខាងត្បូង​ថៃ​កាន់តែ​​ប្រឈម​វិបត្តិធ្ងន់ធ្ងរ appeared first on Kampuchea Thmey Daily.

សារព័ត៌មាន Thai Examiner បានរាយការណ៍ថា វេជ្ជបណ្ឌិតអាមេរិកម្នាក់បានចេញការព្រមានយ៉ាងខ្លាំងដល់អ្នកដំណើរ បន្ទាប់ពីឧប្បត្តិហេតុគួរឱ្យភ្ញាក់ផ្អើលមួយដែលអ្នកទេសចរម្នាក់បានឆ្លងមេរោគស្បែកយ៉ាងធ្ងន់ធ្ងរបន្ទាប់ពីទទួលបានការម៉ាស្សាបែបថៃក្នុងតម្លៃទាប។

ការ​ចេញ​កា​រព្រមាន​នេះ​ កើត​ឡើង​​​​ក្រោយ​បុរស​​​ជន​ជាតិអូស្រ្តាលីម្នាក់​វ័យ ៤៣ឆ្នាំ បានដេកស្លាប់​ក្នុងបន្ទប់ម៉ាស្សា​ដែលខ្លួន​បាន​ចំណាយ​ប្រាក់​ជា​ង​១២​ដុល្លារ​ សម្រាប់​ការ​ម៉ាស្សា​រយៈពេល​១ម៉ោង ​កាល​ពីដើម​សប្តាហ៍នេះ។

​ការ​ដកស្រង់​ផ្សាយ​បន្ត​របស់​សារ​ព័ត៌មាន វៀតណាម VN Express ​បាន​ឲ្យ​ដឹងថា ការម៉ាស្សាដែលមានតំលៃថោកនៅក្នុងប្រទេសថៃកំពុងបង្កភាពចម្រូងចម្រាស ខណៈដែលចំនួនអ្នកទេសចរកំពុងកើនឡើងរាយការណ៍ពីបញ្ហាសុខភាព ដែល​បង្កើនការព្រួយបារម្ភអំពីស្តង់ដារអនាម័យ និងសុវត្ថិភាពនៃសេវាកម្មទាំងនេះ។

​​​ពេលនេះព័ត៌មាន​នៃ​ការស្លាប់ និង​ហានិភ័យសុខភាព​​ដោយសារ​ការឆ្លង​រោគ​​ពី​​ការ​ទទួលសេវាកម្មម៉ាស្សាកំពុង​ផ្សព្វផ្សាយ​យ៉ាងទូលំទូលាយតាមបណ្តាញ​សង្គម។ សារ​ព័ត៌មាន​វៀតណាម ផ្សាយថា​ វេជ្ជបណ្ឌិត Joe Whittington គ្រូពេទ្យបន្ទប់សង្គ្រោះបន្ទាន់បានឆ្លើយតបទៅនឹងវីដេអូ TikTok ដ៏ពេញនិយមមួយដែលត្រូវបានបង្ហោះដោយស្ត្រីម្នាក់។

វីដេអូ​នោះ បង្ហាញពីជើងរបស់មិត្តប្រុសរបស់នាងមានស្នាមក្រហម ខ្ទុះពេញខ្លួន បន្ទាប់ពីម៉ាស្សា ៥ដុល្លារដែលធ្វើឡើងដោយស្ត្រីចំណាស់ម្នាក់នៅទីតាំង​ហាងម៉ាស្សា​នៅ​ផ្លូវ​តូច​​ក្នុងប្រទេសថៃ។ តាមការ​ផ្សព្វផ្សាយ​នោះ ដំបូង បទពិសោធន៍ហាក់ដូចជាគ្មានគ្រោះថ្នាក់អ្វីឡើយ។ ទោះបីជាយ៉ាងណាក៏ដោយ នៅព្រឹកបន្ទាប់ បុរសនោះបានក្រោកពីដំណេក ឃើញជើងរបស់គាត់រលាក និងគ្របដណ្តប់ដោយដំបៅឈឺចាប់។ ការ​ផុស​វីដេអូនោះ​បាន​ទាក់​ទាញ​អ្នក​ចូលមើលជាង​៣៦ម៉ឺន​ដងពេលចេញផ្សាយ​នៅ​ថ្ងៃទី​១២ខែ​កក្កដានេះ​។

​នៅ​ដើម​សប្តាហ៍នេះ បុរសជនជាតិអូស្ត្រាលីអាយុ ៤៣​ឆ្នាំម្នាក់ត្រូវបានគេប្រទះឃើញដេកស្លាប់នៅក្នុងហាងម៉ាស្សាមួយកន្លែងនៅលើ​កោះ​សាមុយ​​​​ស្ថិតនៅ​​​ភាគខាងត្បូង​ប្រទេសថៃ ក្រោយ​ទទួលសេវាកម្មម៉ាស្សា។ ការ​ស្លាប់​របស់​បុរស​នោះ ត្រូវ​បាន​សារ​ព័ត៌មានថៃរាយការណ៍ថា បាន​កើត​ឡើង​ក្រោយពី​ការ​ដេក​លង់​លក់​ក្នុងបន្ទប់​ម៉ាស្សា ហើយ បុគ្គលិក​ម៉ាស្សា បាន​ដឹង​ពី​​ការ​ដេកស្រមុកប៉ុន្មានដងនៅម៉ោង​៤​ទៀប​ភ្លឺ ហើយ នៅ​ពេលព្រឹក​ក៏​ប្រទះឃើញបាត់បង់ជីវិត។

​​ជនជាតិ​អូស្ត្រាលី​ដែ​ល​ទទួលសេវាកម្ម​ម៉ាស្សាបាត់​បង់​ជីវិតនោះ ត្រូវបានគេ​រាងការណ៍ថា ឈ្មោះ Christopher បានទៅលេងប្រទេសថៃជាមួយភរិយា ប៉ុន្តែបានដើរតែម្នាក់ឯងពីកន្លែងស្នាក់នៅក្បែរនោះ ទៅកាន់ហាងម៉ាស្សា។

ការ​ទទួ​លសេវាកម្ម​ម៉ាស្សា​រួច​បាត់​បង់​ជីវិត​នោះ​ក៏ធ្លាប់​កើត​មាន​​លើ​បុរស​ជនជាតិសិង្ហបុរីអាយុ ៥២ឆ្នាំម្នាក់កាល​ពីចុងឆ្នាំ​២០២៤ ដែល​បាន​ទៅកម្សាន្តនៅក្នុងតំបន់ទេសចរណ៍ដ៏ពេញនិយមរបស់ប្រទេសថៃនៅ​ខេត្ត​ភូកេត​ ភាគខាងត្បូង​ថៃ​ដែរ​។​

តាមសេចក្តី​រាយការណ៍ របស់​ Bangkok Post ដោយ​ស្រង់​សម្តី​ប៉ូលិស​ក្នុង​តំបន់ កាលពីពេលនោះ​ បុរស​នោះ​បាន​ម៉ាស្សា​ខ្លួន​ដោយ​ប្រើ​ប្រេង​រយៈពេល ៤៥នាទី ប៉ុន្តែ​បាន​ថប់​ដកដង្ហើម​ភ្លាមៗ​​ក្នុងអំឡុង​ពេលម៉ាស្សា៕​

រ៉ាន់ រើយ​

The post ​​​សេវាកម្ម​ម៉ាស្សា​ថោកនៅ​ថៃ កំពុង​​​រង​ការ​វាយប្រហារ​​អំពី​​កង្វះអនាម័យ​និង​ប្រភពឆ្លងរោគ​ appeared first on Kampuchea Thmey Daily.

Khaosod ចុះផ្សាយថា យន្តហោះនេះគឺជាជើងហោះហើរ AI 379 ហោះចេញពីខេត្តភូកេត នៅម៉ោង៩:៣០នាទីព្រឹក ឆ្ពោះទៅកាន់រដ្ឋធានី ញូវដែលី នៃប្រទេសឥណ្ឌា ប៉ុន្តែវាត្រូវហោះសំកាំងលើសមុទ្រAndaman ហើយបកមកចុះចតនៅភូកេតវិញជាបន្ទាន់។

តាមការបញ្ជាក់ពីលោក Montchai Tanode នាយកអាកាសយានដ្ឋានភូកេត, អាកាសយានិកបានរកឃើញក្រដាសសរសេរគំរាមបំផ្ទុះគ្រាប់បែកនៅក្នុងបន្ទប់ទឹកយន្តហោះ ដូចនេះមន្ត្រីអាកាសយានដ្ឋានក៏សម្រេចស្នើឲ្យយន្តហោះចុះចតជាបន្ទាន់តែម្តង។

ទោះបីជាយ៉ាងណាក៏ដោយមន្ត្រីអាកាសយានដ្ឋានថៃ មិនបកស្រាយលម្អិតអំពីករណីនេះទេ។

ហេតុការណ៍នេះកើតឡើងមួយថ្ងៃប៉ុណ្ណោះ បន្ទាប់ពីយន្តហោះរបស់ក្រុមហ៊ុន Air India ដូចគ្នានេះ បានធ្លាក់នៅប្រទេសឥណ្ឌា សម្លាប់មនុស្ស២៤១នាក់។

​យន្តហោះរបស់ក្រុម​​​ហ៊ុន​អាកាស​ច​​រណ៍​ឥណ្ឌានេះ មានដឹកមនុស្ស​​​​​​២៤២​នាក់ ក្នុងដំណើរចេញពីទីក្រុង Ahmedabad នៃប្រទេសឥណ្ឌា ឆ្ពោះ​ទៅ​​​​ព្រលាន​យន្តហោះ Gatwick ​នៃ​ទីក្រុង​ឡុង​ដ៍​ចក្រភព​អង់គ្លេស​។ វា​​បាន​ធ្លាក់​​​​ភ្លាម​ៗ​ ក្រោយ​​ហោះ​​ឡើង​​​​​​​​ក្នុង​ទីក្រុង Ahmedabad ​ភាគខាងលិច​​ប្រទេសឥណ្ឌា មិនបានប៉ុន្មាននាទីផង។

យ៉ាងណា មានបុរសមហាសំណាងម្នាក់ ឈ្មោះ Ramesh Viswashkumar ជាជនជាតិអង់គ្លេសដើមកំណើតឥណ្ឌា​អាយុ៤០ឆ្នាំ ដែលជាមនុស្សម្នាក់គត់នៅរស់ពីសោកនាដកម្មនេះ ព្រោះគាត់អង្គុយនៅកៅអី 11A ជាប់ច្រកគ្រាអាសន្ន ហើយបានលោតចុះតាមទ្វារនោះ ពេលយន្តហោះរៀបនឹងធ្លាក់ដល់ដី៕

អត្ថបទ៖ សុខ សុវណ្ណ

ចុចអាន៖ អ្នកជំនាញ​នានា វិភាគមូលហេតុធ្លាក់យន្តហោះ Air India

The post យន្តហោះ Air India ត្រូវចុះចតនៅភូកេត ជាបន្ទាន់ ព្រោះមានការគំរាមបំផ្ទុះគ្រាប់បែក appeared first on Kampuchea Thmey Daily.

តាមការចុះផ្សាយរបស់ Bangkok Post, រលកកម្តៅបានវាយប្រហារប្រទេសថៃ តាំងពីថ្ងៃពុធមកម្ល៉េះ ហើយវានឹងបន្តដល់ថ្ងៃព្រហស្បតិ៍ទៀត ជាហេតុជំរុញឲ្យអាជ្ញាធរចេញការព្រមានអំពីគ្រោះថ្នាក់ដល់សុខភាព ពេលដែលមនុស្សត្រូវនឹងកម្តៅថ្ងៃ ជាពិសេសក្រុមមនុស្សងាយរងគ្រោះដូចជាចាស់ជរានិងអ្នកដែលមានជំងឺប្រចាំកាយតែម្តង។

យោងតាមនាយកដ្ឋានឧតុនិយមថៃ, ខេត្តភូកេតជាកន្លែងរងគ្រោះខ្លាំងជាងគេ ដោយរលកកម្តៅធ្វើឲ្យពលរដ្ឋមានអារម្មណ៍ថាក្តៅខ្លាំងដូច៥២អង្សា ឬលើសនេះ ដែលវាជាកម្រិតគ្រោះថ្នាក់បំផុត។

ដ្បិតថា ទីក្រុងបាងកកនិងខេត្ត៣៤ទៀតមិនក្តៅខ្លាំងដូចភូកេតក៏ដោយ ប៉ុន្តែពលរដ្ឋនៅទីនោះក៏មានអារម្មណ៍ថា ក្តៅខ្លាំងដូចជាង ៤០អង្សាសេផងដែរ។

សម្រាប់ខេត្តទាំង៣៤នោះមានដូចជា Bueng Kan, Buri Ram, Chaiyaphum, Chanthaburi, Chon Buri, Chumphon, Kalasin, Krabi, Lampang, Lop Buri, Mae Hong Son, Maha Sarakham, Nakhon Ratchasima, Nakhon Sawan, Nakhon Si Thammarat, Nong Khai, Pattani, Phangnga, Phetchabun, Phetchaburi, Phichit, Prachin Buri, Prachuap Khiri Khan, Rayong, Roi Et, Sa Kaeo, Si Sa Ket, Sukhothai, Surat Thani, Surin, Tak, Trat, Ubon Ratchathani និង Udon Thani។

ដូច្នេះហើយ ទើបក្រសួងសុខាភិបាលថៃ ចេញសេចក្តីប្រកាស ព្រមាននិងណែនាំឲ្យពលរដ្ឋទាំងឡាយ សូមនៅផ្ទះ កុំចេញខាងក្រៅប៉ះពន្លឺព្រះអាទិត្យបើមិនចាំបាច់ ព្រោះកម្តៅដ៏ខ្លាំងបែបនេះ អាចបណ្តាលឲ្យមនុស្សខ្សោះជាតិទឹក ប្រឈមជំងឺដាច់សរសៃឈាមខួរក្បាល និងមានបញ្ហាស្បែក៕

អត្ថបទ៖ សុខ សុវណ្ណ

ចុចអាន៖ ម៉ាឡេស៊ី ប្រឈមមុខនឹងគ្រោះធម្មជាតិ២ដំណាលគ្នា ក្នុងពេលតែមួយ

The post ភូកេត ក្តៅខ្លាំង ឈានដល់កម្រិតគ្រោះថ្នាក់បំផុត ឯបាងកកនិងខេត្ត៣៤ទៀតរបស់ថៃ ក៏ធ្ងន់ធ្ងរ appeared first on Kampuchea Thmey Daily.