ព័ត៌មានអន្ដរជាតិ
ម៉ាឡេស៊ី ប្រឈមមុខនឹងគ្រោះធម្មជាតិ២ដំណាលគ្នា ក្នុងពេលតែមួយ
នៅប្រទេសម៉ាឡេស៊ី ជាពិសេសរដ្ឋ Johor កំពុងប្រឈមមុខនឹងគ្រោះធម្មជាតិ២ដំណាលគ្នាក្នុងពេលតែមួយ នោះគឺរលកកម្តៅនិងជំនន់ទឹកភ្លៀង។

តាមការចុះផ្សាយរបស់ The Star នៅថ្ងៃពុធទី២៣ខែមេសាឆ្នាំ២០២៥, អាជ្ញាធរក្នុងរដ្ឋនេះ បានចេញការព្រមានឲ្យប្រជាជនត្រូវប្រុងប្រយ័ត្នខ្ពស់ចំពោះគ្រោះធម្មជាតិក្នុងសប្តាហ៍នេះ នោះគឺដោយសារតែការផ្លាស់ប្តូរខ្យល់មូសុងនិងបម្រែបម្រួលអាកាសធាតុ។
លោក Anuar Abd Manap ប្រធានគណៈកម្មាធិការផ្នែកបម្រែបម្រួលអាកាសធាតុនិងគ្រប់គ្រងគ្រោះមហន្តរាយរដ្ឋ Johor បានឲ្យដឹងថា «ពលរដ្ឋត្រូវត្រៀមខ្លួនប្រឈមមុខនឹងបញ្ហាទាំងនេះ។ យើងបានឈានចូលរដូវក្តៅហើយ និងថែមទាំងប្រឈមជាមួយព្យុះដែលបង្កជាជំនន់ទឹកភ្លៀងទាំងមិននឹកស្មានដល់ថែមទៀតផង នៅតំបន់មួយចំនួន។ គំរូអាកាសធាតុបច្ចុប្នន្ន មិនស្រួលព្យាករដូចមុនទេ»។

យោងតាមគណៈកម្មាធិការនេះ កម្តៅនៅ Johor នឹងក្តៅខ្លាំង ដោយសីតុណ្ហភាពអាចហក់ដល់៣៥អង្សាសេ ដែលបង្កជាបញ្ហាប្រឈមដល់ក្រុមមនុស្សងាយរងគ្រោះ ជាពិសេសមនុស្សចាស់តែម្តង។
ទោះបីជាយ៉ាងណាក៏ដោយ គណៈកម្មាធិការនេះ នឹងកោះប្រជុំគ្នានៅដើមខែក្រោយ ដើម្បីរិះរកវិធីទប់ស្កាត់និងដោះស្រាយ ព្រមទាំងចាត់វិធានការចាំបាច់នានាដើម្បីធានាសុវត្ថិភាពជូនពលរដ្ឋ៕
អត្ថបទ៖ សុខ សុវណ្ណ
ចុចអាន៖ ទឹកជំនន់ឆ្នាំ២០២៤ បណ្តាលឲ្យម៉ាឡេស៊ីខាតបង់ប្រាក់ចំនួន២១១លានដុល្លារ

-
ព័ត៌មានជាតិ៥ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៣ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៤ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៥ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៦ ថ្ងៃ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម១ សប្តាហ៍ ago
មន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
សន្តិសុខសង្គម៥ ថ្ងៃ ago
សមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
សេចក្ដីជូនដំណឹង៣ ថ្ងៃ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស