ថ្លែងប្រាប់អ្នកសារព័ត៌មាននៅឯទីស្នាក់ការបក្សភូមិចៃថៃក្នុងទីក្រុងបាងកក លោក Prasert Jantararuangtong អគ្គលេខាធិការបក្សភឿថៃ និយាយថា បក្សភឿថៃ ត្រៀមរួចជាស្រេចដើម្បីគាំទ្រភូមិចៃថៃ ក្នុងនាមជាបក្សស្នូលក្នុងការបង្កើតរដ្ឋបាលអាណត្តិក្រោយ។

សេចក្តីប្រកាសនេះធ្វើឡើងក្រោយលោក Anutin Charnvirakul មេបក្សភូមិចៃថៃ ជួបពិភាក្សាជាមួយបេក្ខជននាយករដ្ឋមន្ត្រីខាងបក្សភឿថៃលោក Yossanan Wongsa-sawat រួមជាមួយឥស្សរជនជាន់ខ្ពស់មកពីគណបក្សទាំងពីរ៕

អត្ថបទ៖ សុខ សុវណ្ណ

The post ភឿថៃ ប្រកាសគាំទ្រភូមិចៃថៃ បង្កើតរដ្ឋាភិបាលថ្មី appeared first on Kampuchea Thmey Daily.

តាមការផ្សាយរបស់ Bangkok Post, គណបក្សភឿថៃ បានរៀបចំសន្និសីទកាសែតនៅទីស្នាក់ការបក្សក្នុងទីក្រុងបាងកក កាលពីថ្ងៃព្រហស្បតិ៍ ដោយប្រកូកប្រកាសដល់គ្រប់គណបក្សនយោបាយ អ្នកតាក់តែងច្បាប់ ក្រុមអង្គការសង្គមស៊ីវិលនិងសាធារណជនទាំងឡាយ ឲ្យសហការគ្នាដើម្បីធានាថា ឆន្ទៈរបស់ប្រជាពលរដ្ឋដែលបង្ហាញតាមរយៈការធ្វើប្រជាមតិជាតិកាលពីថ្ងៃអាទិត្យ នឹងនាំទៅរកការតាក់តែងរដ្ឋធម្មនុញ្ញដែលមានលក្ខណៈប្រជាធិបតេយ្យពិតប្រាកដ។

លោក Chaturon Chaisang ប្រធានគណៈកម្មាធិការទំនាក់ទំនងការធ្វើប្រជាមតិនិងយុទ្ធនាការរដ្ឋធម្មនុញ្ញរបស់ប្រជាជននៃគណបក្សភឿថៃ បានថ្លែងថា សំឡេងឆ្នោត Yes បានបង្ហាញយ៉ាងច្បាស់ពីបំណងប្រាថ្នារបស់ពលរដ្ឋ ចង់បានច្បាប់រដ្ឋធម្មនុញ្ញថ្មី។ យោងតាមលទ្ធផលនៃការរាប់សន្លឹកឆ្នោតបាន ៩៤% គឺមានអ្នកបោះឆ្នោតប្រហែល ១៩.៩ លាននាក់ បានគាំទ្រការតាក់តែងរដ្ឋធម្មនុញ្ញថ្មី ហើយតួលេខនេះត្រូវបានគេរំពឹងថា នឹងកើនឡើងលើសពី ២០ លាននាក់ នៅពេលការរាប់សន្លឹកឆ្នោតចប់ជាស្ថាពរ»។

លោកបញ្ជាក់ថា លទ្ធផលនេះឆ្លុះបញ្ចាំងថា ពលរដ្ឋដឹងយ៉ាងច្បាស់អំពីចំណុចខ្វះខាតនៃរដ្ឋធម្មនុញ្ញឆ្នាំ ២០១៧ ដែលតាក់តែងដោយយោធា និងការទទួលស្គាល់រួមគ្នាអំពីភាពចាំបាច់នៃកំណែទម្រង់នយោបាយ ដើម្បីដោះស្រាយបញ្ហារបស់ប្រទេសជាតិឲ្យកាន់តែមានប្រសិទ្ធភាព។

សូមជម្រាបថា រដ្ឋធម្មនុញ្ញឆ្នាំ ២០១៧ ជាច្បាប់តាក់តែងឡើងក្រោមការគ្រប់គ្រងរបស់យោធា ដែលក្រុមអ្នកប្រជាធិបតេយ្យយល់ថាមានចំណុចខ្វះខាត ដោយសារវាផ្តល់អំណាចច្រើនដល់ស្ថាប័នដែលមិនមែនកើតចេញពីការបោះឆ្នោត ដូចជា សមាជិកព្រឹទ្ធសភាដែលតែងតាំងដោយយោធា។

បន្ទាប់ពីប្រជាជនយល់ព្រមក្នុងជំហានទី១ សភាត្រូវធ្វើការកែសម្រួល មាត្រា ២៥៦ នៃរដ្ឋធម្មនុញ្ញឆ្នាំ ២០១៧ ដើម្បីបើកផ្លូវឲ្យមានការបង្កើត ក្រុមប្រឹក្សាតាក់តែងរដ្ឋធម្មនុញ្ញ (CDA) ដែលជាសភាធម្មនុញ្ញមានសមាជិកកើតចេញពីការបោះឆ្នោត។

ក្រោយពេលសភាអនុម័តលើការកែសម្រួលមាត្រានេះរួចហើយ ថៃត្រូវរៀបចំការបោះឆ្នោតប្រជាមតិលើកទី២ ដើម្បីសួរប្រជាជនថា៖ «តើអ្នកយល់ព្រមឲ្យមានការបង្កើត CDA ដើម្បីសរសេររដ្ឋធម្មនុញ្ញថ្មីទាំងស្រុងដែរឬទេ?»។

ប្រសិនបើប្រជាមតិទី២នេះជោគជ័យ នោះការបោះឆ្នោតជ្រើសរើសសមាជិក CDA នឹងប្រព្រឹត្តទៅ។ ក្រុមប្រឹក្សានេះនឹងចំណាយពេលប្រហែល ២៤០ ទៅ ៣០០ ថ្ងៃ ដើម្បីពិភាក្សា និងសរសេរខ្លឹមសារនៃរដ្ឋធម្មនុញ្ញថ្មីទាំងស្រុង។

នៅពេលសេចក្តីព្រាងរដ្ឋធម្មនុញ្ញថ្មីត្រូវបានសរសេររួចរាល់ វាមិនទាន់អាចប្រើប្រាស់បានភ្លាមៗទេ។ រដ្ឋាភិបាលត្រូវរៀបចំការបោះឆ្នោតប្រជាមតិលើកទី៣ ដើម្បីឲ្យប្រជាជនសម្រេចជាចុងក្រោយថា តើអ្នកយល់ព្រមទទួលយកសេចក្តីព្រាងរដ្ឋធម្មនុញ្ញថ្មីនេះជាផ្លូវការដែរឬទេ?

អត្ថបទ៖ សុខ សុវណ្ណ

The post បក្សភឿថៃ អំពាវនាវឲ្យមានការគាំទ្រ ដល់ការកែប្រែរដ្ឋធម្មនុញ្ញ appeared first on Kampuchea Thmey Daily.

​សារ​ព័ត៌មានថៃ​ Khaosod English ​ចេញផ្សាយ​នៅថ្ងៃទី​១៩ខែ​មករា​នេះ​ ដោយ​​​ស្រង់សម្តី​​លោក Somkid Cheukong បេក្ខជនតំណាង​រាស្រ្តនៃ​គណបក្សភឿថៃ ដែល​បានរិះគន់រដ្ឋាភិបាល​របស់​លោក​អានុទីន និងគណៈកម្មការរៀបចំការបោះ​ឆ្នោត​ថា ​​ពួក​គេ​​ការបរាជ័យតាំងពីដំបូងក្នុងការបន្តធ្វើវិសោធនកម្មរដ្ឋធម្មនុញ្ញ​យ៉ាង​ពិតប្រាកដ​ ដោយចោទប្រកាន់ពួកគេថាបានរៀបចំអ្វីដែលលោកហៅថាជា «ពិធី»​ ដើម្បីបោកបញ្ឆោតសាធារណជន។

តាមសម្រង់សម្តី​នោះ លោក Somkid បាននិយាយថា នៅសល់ពេលតិចជាង​២០ថ្ងៃទៀត មុនពេលអ្នកបោះឆ្នោត​ថៃទូទាំងប្រទេសនឹងធ្វើការសម្រេចចិត្តដ៏សំខាន់មួយអំពីអនាគតរបស់ប្រទេស រួមទាំងការបោះឆ្នោតជ្រើសរើសសមាជិកសភា និងការធ្វើប្រជាមតិលើការធ្វើវិសោធនកម្មរដ្ឋធម្មនុញ្ញឆ្នាំ ២០១៧។

​ចំណុច​ដែលបេក្ខជន​តំណាងរាស្រ្ត​នៃគណបក្ស​ភឿថៃ​ចោទ​ប្រកាន់នោះ​ គឺ​នៅត្រង់ថា​ ប្រជាជនថៃ​​ជាច្រើននៅតែមិនដឹងថា នៅថ្ងៃទី៨ខែកុម្ភៈ ក្រៅពីការបោះឆ្នោតក្នុងការបោះឆ្នោតទូទៅ​ជ្រើស​រើស​តំណាងរាស្រ្ត​ ពួកគេក៏នឹងត្រូវបានស្នើសុំឱ្យបោះឆ្នោតក្នុងការធ្វើប្រជាមតិរដ្ឋធម្មនុញ្ញផងដែរ។

​តាមការ​ចុះ​ផ្សាយ​​ដដែលនោះ ​​លោក Somkid បាននិយាយថា ក្នុងអំឡុងពេលទស្សនកិច្ចសហគមន៍ក្នុងតំបន់ លោកមានការភ្ញាក់ផ្អើលដែលបានរកឃើញថា មនុស្សជាច្រើនបាននិយាយថា ពួកគេមិនដឹងអំពីការធ្វើប្រជាមតិនោះទេ។

លោក Somkid បាននិយាយថា ទាំងរដ្ឋាភិបាល និងគណៈកម្មការរៀបចំការបោះឆ្នោត ដែលទទួលខុសត្រូវដោយផ្ទាល់​ចំពោះការរៀបចំការបោះឆ្នោត បានបរាជ័យក្នុងការផ្តល់អាទិភាពដល់ការយល់ដឹងរបស់សាធារណជន ទោះបីជាមានថវិកាច្រើនក៏ដោយ។ លោក​បាន​និយាយ​ថា គ្មាន​យុទ្ធនាការ​សាធារណៈ ឬ​ការ​ផ្សព្វផ្សាយ​ដែល​មាន​អត្ថន័យ​ណាមួយ​ដើម្បី​ពន្យល់​ពី​របៀប​ដែល​ការ​ធ្វើ​ប្រជាមតិ​​កែប្រែរដ្ឋធម្មនុញ្ញនោះ​នឹង​ដំណើរការ ឬ​មូលហេតុ​ដែល​វា​មាន​សារៈសំខាន់​នោះ​ទេ ក្រៅពី​ការ​ចែកចាយ​សៀវភៅ​ក្រាស់ៗ​ដល់​គ្រួសារ​នានា។

​ប្រទេសថៃ​​បាន​ធ្លាក់​ចុះ​ទៅក្នុងវិបត្តិ​រដ្ឋធម្មនុញ្ញ​ចាប់តាំងពី​​​ប្រទេសនេះ​បាន​ប្រឈម​រដ្ឋ​ប្រហារ​ជាច្រើន​លើក​ទម្លាក់រដ្ឋាភិបាលស៊ី​វិល​កើត​ចេញ​ពីការ​បោះឆ្នោត និងថែមទាំងបាន​​រា​​រាំង​​ដល់​ការ​ចូលកាន់​អំណាច​​របស់គណបក្ស​ឈ្នះឆ្នោត​ទៀតផង​។ រដ្ឋធម្មនុញ្ញ​ឆ្នាំ​២០១៧ ដែលតាក់តែង​ឡើង​ដោយ​រដ្ឋាភិបាល​​យោធា​ដឹកនាំដោយ​នាយករ​​ដ្ឋមន្ត្រី ប្រាយុធ​ ចាន់អូចា ​​បាន​ផ្តល់​​អាទិភាព​​ជ្រើសរើស​នាយករដ្ឋមន្ត្រី​ទៅ​កាន់ព្រឹទ្ធសភា​ដែល​​កើតចេញពីការតែងតាំង​និងមាន​​សមាជិក​២៥០រូប​មានសិទ្ធិ​​​ចូលរួម​បោះឆ្នោត​ជាមួយតំណាងរាស្ត្រ​៕​

រ៉ាន់ រើយ​

The post បេក្ខជនតំណារាស្រ្ត​បក្សភឿថៃ ចោទ​រដ្ឋាភិបាល​អានុទីន និង​គណៈកម្មការ​បោះឆ្នោតថៃ​​ appeared first on Kampuchea Thmey Daily.

​នៅ​​ក្នុងការ​បោះឆ្នោត​មុន​អាណត្តិរបស់​ប្រទេសថៃ​នាពេលខាងមុខនេះ​​ បន្ទាប់​ពី​មាន​វិបត្តិនយោបាយ​ដ៏ធ្ងន់ធ្ងររហូត​ដល់​ដូរ​នាយករដ្ឋមន្ត្រី​​ចំនួន​៣រូប​​ក្នុង​រយៈពេល​មិនដល់​៣ឆ្នាំ ប្រទេសថៃ​ប្រឈម​ការ​កែ​ប្រែ​រដ្ឋធម្មនុញ្ញ​ដ៏ចម្រូងចម្រាស ដែល​ត្រូវ​បាន​ក្រុម​អ្នក​​ប្រជាធិបតេយ្យ​​ជឿនលឿន​ចោទ​ថា រដ្ឋធម្មនុញ្ញ​​ឆ្នាំ​២០១៧​​ដែល​​តាក់​តែង​ក្រោម​របបយោធា បានលម្អៀងទៅ​រក​ក្រុម​​យោធា​និងរបបរាជបល្ល័ង្ក​។

​សារព័ត៌មាន​ថៃ Thai Enquirer ​បាន​ស្រង់សម្តី​របស់​បេក្ខជន​តំណាងរាស្ត្រ​នៃគណបក្ស​ភឿថៃ លោក Chaturon Chaisang​ ដែលជំរុញ​ឲ្យ​ពលរដ្ឋថៃ​បោះឆ្នោត​គាំទ្រ​ដល់​​ការ​​ធ្វើ់ប្រជា​​មតិ​​​សម្រាប់​កែប្រែ​រដ្ឋធម្មនុញ្ញថៃ ដែល​​ត្រូវបាន​គេ​ចោទ​ប្រកាន់​ថា «ជា​ឧបករណ៍​ឬ​ជាអាវុធ​នយោបាយ​​» សម្រាប់​បង្ក្រាប​ក្រុម​អ្នក​ប្រជាធិបតេយ្យ​ជឿន​លឿន​ ដែល​​ប្រឆាំង​របប​រាជានិយម​របស់​ថៃ​។​

​នៅ​ក្នុងពិធី​ឃោសនា​រកសំឡេងឆ្នោត​ លោក Chaturon បានសង្កត់ធ្ងន់ថា រដ្ឋធម្មនុញ្ញថ្មីមានទំនាក់ទំនងយ៉ាងជិតស្និទ្ធទៅនឹងជីវភាពរស់នៅរបស់ប្រជាពលរដ្ឋ ដែលអនុញ្ញាតឱ្យមានរដ្ឋាភិបាលដ៏រឹងមាំ ការអនុវត្តគោលនយោបាយប្រកប​ដោយប្រសិទ្ធភាព និងប្រព័ន្ធត្រួតពិនិត្យ និងតុល្យភាពដោយយុត្តិធម៌។

​លោក បាន​លើក​ឡើង​ថា ការបោះឆ្នោតនៅថ្ងៃទី ៨ខែកុម្ភៈ អនុញ្ញាតឱ្យប្រជាពលរដ្ឋមិនត្រឹមតែជ្រើសរើសសមាជិកសភាប៉ុណ្ណោះទេ ប៉ុន្តែ​ថែមទាំងបង្កើតអនាគតរបស់ប្រទេសតាមរយៈការបោះឆ្នោតប្រជាមតិផងដែរ។ គណបក្សភឿថៃ​បានលើកទឹកចិត្តអ្នកបោះឆ្នោតឱ្យអនុវត្តសិទ្ធិរបស់ពួកគេ និងអនុម័តរដ្ឋធម្មនុញ្ញថ្មី ដើម្បីជួយពង្រឹងទាំងអភិបាលកិច្ច និងជីវិតប្រចាំថ្ងៃក្នុងរយៈពេលវែង​។

​​រដ្ឋធម្មនុញ្ញ​ថៃ​​ឆ្នាំ​២០១៧ បាន​រារាំង​គណបក្ស​​ឈ្នះឆ្នោត​ក្នុងការ​ដឹកនាំ​រដ្ឋាភិបាល​ថៃ​កាលឆ្នាំ​​ ២០១៩ និង​ ឆ្នាំ​២០២៣ ដោយសារ​តែ​របៀប​នៃ​ការ​​​បោះឆ្នោត​​​យល់​ព្រម​​លើ​បេក្ខភាព​នាយករដ្ឋមន្ត្រី​ ត្រូវ​ទទួល​ការ​យល់​ព្រម​ពី​​សមាជិកព្រឹទ្ធសភា​ចំនួន​​​២៥០​ រូប​ដោយ​ត្រូវ​ចូលរួម​បោះឆ្នោតជាមួយសមាជិកសភា​ជាប់ឆ្នោតថ្មី​ចំនួន​​៥០០រូប ហើយ អ្នកដែល​ទទួលបានសំឡេងគាំទ្រ​លើស​៥០ភាគរយ​បូក១ ទើប​ជាប់ជាស្ថាពរ​។ ដូចនេះ បេក្ខជន​​ណា​ដែលក្រុមសមាជិក​ព្រឺទ្ធសភា​មិនគាំទ្រ គឺ​គេ​ងាយ​​ធ្លាក់ចេញ​ពីកៅអី​នាយករដ្ឋមន្ត្រី​ បើព្រឹទ្ធសភា​មិនគាំទ្រ​៕​

រ៉ាន់ រើយ​

The post ​ការ​បោះឆ្នោត​​​ប្រជាមតិ​គាំទ្រ​​វិសោធនកម្ម​​រដ្ឋធម្មនុញ្ញ​នៅថៃ​ ​ក្លាយ​ជារបត់នយោបាយ​ក្តៅ​​​ appeared first on Kampuchea Thmey Daily.

តាមការផ្សាយរបស់ Bangkok Post នៅថ្ងៃព្រហស្បតិ៍ទី៨ខែមករាឆ្នាំ២០២៦, អំឡុងយុទ្ធនាការឃោសនារកសំឡេងឆ្នោតក្នុងទីក្រុងបាងកកនិងខេត្តនន្ទបុរី, គណបក្សភឿថៃ បានប្តេជ្ញាថាលើកកម្ពស់ពហុវប្បធម៌ និងទទួលស្ដាប់នូវរាល់សំណើទាំងឡាយពីសហគមន៍មូស្លីម។

ក្នុងយុទ្ធនាការនោះ បេក្ខជននាយករដ្ឋមន្ត្រីបក្សភឿថៃ Yodchanan Wongsawat និយាយថា លោកផ្តោតសំខាន់លើពហុវប្បធម៌និងសមភាពរវាងគ្រប់ជំនឿសាសនានិងវប្បធម៌។ រាជធានីបាងកក ត្រូវតែជាទីក្រុងដែលមនុស្សគ្រប់គ្នាអាចទទួលបានសេវាសាធារណៈ អាហារ ការដឹកជញ្ជូន និងបរិក្ខារបស់រដ្ឋដោយស្មើភាព។

ទន្ទឹមនោះលោក Yodchanan បានបញ្ជាក់ពីការលើកកម្ពស់ទេសចរណ៍វប្បធម៌នៅក្នុងសហគមន៍មូស្លីម ការកែលម្អប្រព័ន្ធដឹកជញ្ជូនដើម្បីសម្រួលដល់ភ្ញៀវទេសចរ និងការបង្កើនចំណេះដឹងជាសាធារណៈអំពីប្រវត្តិសាស្ត្រមូស្លីមនៅក្នុងប្រទេសថៃ។

សូមជម្រាបថា ប្រជាជនមូស្លីមនៅក្នុងប្រទេសថៃ គឺជាក្រុមសាសនិកដែលមានចំនួនច្រើនជាងគេលំដាប់ទី២ បន្ទាប់ពីអ្នកកាន់ព្រះពុទ្ធសាសនា។

តាមការប៉ាន់ស្មាន ជនជាតិមូស្លីមមានប្រហែល ៥% ទៅ ៦% (ប្រហែល ៤ លាននាក់) នៃប្រជាជនសរុប។ ពួកគេភាគច្រើនរស់នៅខេត្តភាគខាងត្បូង ហើយក្រៅពីនោះ ក៏មានសហគមន៍ធំៗនៅ ទីក្រុងបាងកក និងតំបន់កណ្តាលផងដែរ។

យ៉ាងណា តំបន់ភាគខាងត្បូង ត្រូវញាំញីដោយជម្លោះប្រដាប់អាវុធ និងចលនាបំបែកខ្លួនអស់រយៈពេលជាច្រើនទសវត្សរ៍មកហើយ ដែលបញ្ហាទាំងនេះ គឺបណ្ដាលមកពីភាពខុសគ្នានៃអត្តសញ្ញាណ វប្បធម៌ និងការទាមទារស្វយ័តភាព៕

អត្ថបទ៖ សុខ សុវណ្ណ

The post គណបក្ស ភឿថៃ ងាកមកយកចិត្តប្រជាជនមូស្លីម ដើម្បីកៀរគររកសំឡេងឆ្នោត appeared first on Kampuchea Thmey Daily.

​យោង​តាមការ​ចេញ​ផ្សាយ​របស់សារព័ត៌មានថៃនៅថ្ងៃទី​​៥ខែ​​មករា​នេះ បេក្ខភាពនាយករដ្ឋមន្ត្រីនៃគណបក្សភឿថៃ លោក ​យុតឆាណាន បានច្រានចោលការរំពឹងទុក ដែល​ថា លោក អានុទីន មេដឹកនាំគណបក្ស​​មោទ​​​នភាព​ថៃ​ ដែលគេ​ស្គាល់ថា​ គណបក្ស​​ភូមិចៃ​ថៃ​ (Bhumjaithai) នឹង​​ត្រូវបានតែងតាំងជានាយករដ្ឋមន្ត្រី ដោយ​មាន​ការ​យល់ព្រម​ពី​គណបក្ស​​​​​នយោបាយ​សំខាន់​ពីរ​ផ្សេង​ទៀត​ គឺ​ គណបក្ស​ភឿថៃ​​និង​គណបក្ស​​ប្រជាជនថៃ​។

​សេចក្តី​រាយការណ៍​នោះបាន​បន្តថា ក្រុមអ្នកវិភាគបានលើកឡើងថា បើទោះជាគណបក្ស​ផ្សេង​ ដូចជាបក្សភឿថៃ ឬបក្សប្រជាជនឈ្នះសំឡេងភាគច្រើនក៏ដោយ ក៏គណបក្ស​ទាំងពីរ​នេះ​​នៅតែអាចរៀបចំ​គាំទ្រ​ លោក​ ​​អានុទីន ឲ្យ​កាន់ដំណែង​​ជានាយករដ្ឋមន្ត្រី។

​លោក យុតឆាណាន បានច្រានចោលការយល់ឃើញនេះ ដោយនិយាយថា «គ្មានអ្វីត្រូវបានកំណត់ទុកជាមុន» នោះទេ និងសង្កត់ធ្ងន់លើតម្រូវការក្នុងការគោរពការសម្រេចចិត្តរបស់អ្នកបោះឆ្នោត។

លោកក៏បានរិះគន់គណបក្សដែលដាក់ស្លាកវោហាសាស្ត្រនយោបាយដែលមិនបានប្រកាសសម្ព័ន្ធភាពដែលមានសក្តានុពលថាជា «ប្រផេះ» ឬ «ខ្មាស់អៀន»​ ដោយហៅយុទ្ធសាស្ត្របែបនេះមិនសមរម្យ។

​ក្នុង​ពេល​​​ចុ​ងក្រោយ​នេះ ប្រធានគណបក្ស​ប្រជាជន​ លោក ​ណាថា​ផុង រឿង​បញ្ញាវុឌ​ បាន​​ប្រកាសជារឿយៗ​ថា ខ្លួន​នឹ​តមិនធ្វើសម្ព័ន្ធ​ភាព​ជាមួយ​គណបក្ស​​ណា​ដែលធ្លាប់ក្បត់​គណបក្ស​​​​ប្រជាជន​នោះទេ​។ ​ក្នុង​ពេលកន្លងមក គណបក្ស​ភូមិចៃ​ថៃ​ របស់​លោក អានុទីន បាន​​ក្បត់​​ជាមួយគណបក្ស​​​ប្រជាជន​​​ដោយ​​ការរំលាយសភាមុន​កាលកំណត់ និង​បរាជ័យ​ក្នុងការ​ដឹក​​នាំ​ធ្វើវិសោធនកម្ម​​​កែប្រែ​រដ្ឋធម្មនុញ្ញដើម្បី​​​ដាក់​យោធា​​ឲ្យ​នៅឆ្ងាយ​ពី​ការ​ជ្រៀតជ្រែក​​នយោបាយ និង បន្ថយ​អំណាច​ព្រះមហារ​ក្សត្រ​ថៃ​៕​​

រ៉ាន់ រើយ​

The post ​​ប្រមុខ​​​បក្ស​ភឿថៃ​ ច្រាន​ចោល​​​​​«ការឯកភាព»មុន​ថា លោក អានុទីន នឹង​បន្ត​​ជានាយករដ្ឋមន្ត្រី​ appeared first on Kampuchea Thmey Daily.

ថ្លែងប្រាប់អ្នកកាសែតក្នុងសន្និសីទសារព័ត៌មានកាលពីថ្ងៃព្រហស្បតិ៍ទី៤ខែធ្នូឆ្នាំ២០២៥ ពាក់ព័ន្ធនឹងរូបថតបែកធ្លាយ លោក Suksit និយាយថា ដ្បិតជារូបថតចាស់ តែវាបង្ហាញយ៉ាងច្បាស់ថា ពួកគេធ្លាប់ជួបគ្នានៅច្រើនកន្លែង ច្រើនលើក និងក្នុងឱកាសផ្សេងៗគ្នា។ ម្យ៉ាងថ្មីៗ លោក Anutin ថ្លែងថា ពួកគេធ្លាប់ជួបគ្នា៥-៦ដង ដែលនេះបង្ហាញថា ទំនាក់ទំនងរបស់ពួកគេទំនងជា លើសពីការជួបគ្នាធម្មតាទៅទៀត។

ទន្ទឹមនោះ គណបក្សភឿថៃក៏បានចោទជាសំណួរចំៗផងដែរថា តើបុគ្គលក្នុងរូបថតឈ្មោះ Smith មានជាប់ពាក់ព័ន្ធជាមួយក្រុម Call Center ឬទេ? ហេតុអ្វីបានជានាយករដ្ឋមន្ត្រីមិនបង្ហាញ តម្លាភាព ក្នុងការបកស្រាយបញ្ហាទាំងនេះពីមុនមក រហូតដល់រូបថតត្រូវបានបែកធ្លាយនៅក្នុងប្រព័ន្ធផ្សព្វផ្សាយ ទើបលោកចេញមុខធ្វើសេចក្តីថ្លែងការណ៍? តើ​រឿងរ៉ាវ​នៅក្នុង​រូបភាព​ទាំងនេះ​ពាក់ព័ន្ធ​នឹង ការពន្យារពេល​របស់​រដ្ឋាភិបាល​ក្នុង​ការកាត់ទោស​ក្រុម Call Center ដែរឬទេ? ហើយ​តើ​ពួកគេ​ពាក់ព័ន្ធ​នឹង ការដោះស្រាយ​របស់​រដ្ឋាភិបាល​ចំពោះ​បុគ្គល​ដែល​​គេ​ល្បី​ថា​ពាក់ព័ន្ធ​ជាមួយ​ក្រុម Call Center ដែរឬទេ?

សូមជម្រាបជាថ្មី រូបថតបែកធ្លាយរបស់លោក Anutin ជាមួយមេ Scammer ធ្វើឲ្យផ្ទុះការសង្ស័យយ៉ាងកក្រើកជាពិសេសក្នុងប្រទេសថៃតែម្តង ដែលបង្កឲ្យមានការជជែកវែកញែកយ៉ាងក្តៅគគុក។

យ៉ាងណា លោក​ Anutin បានប្រកែកយ៉ាងញ័រមាត់​ថា រូបថត​នេះគឺ​ថត​នៅ​ប្រទេស​សិង្ហបុរី​ភ្លាមៗ​បន្ទាប់ពី​រដ្ឋប្រហារ​យោធា ក្នុងអំឡុង​អាហារ​ពេលល្ងាច​ជា​ក្រុម​ដែល​ចូលរួម​ដោយ​គណៈប្រតិភូ​របស់​លោក​ឧត្តមសេនីយ៍ Apirat Kongsompong។ លោក​​ប្រាប់​អ្នក​យក​ព័ត៌មាន​ថា៖ «ខ្ញុំ​បាន​ជួប​គាត់​នៅ​ទីនោះ​ដោយ​ចៃដន្យ។ គ្មាន​ការ​ជាប់​ពាក់ព័ន្ធ​បន្ត​ទៀត​ទេ»។

លោក Smith ដែល​ប្រព័ន្ធ​ផ្សព្វផ្សាយ​បរទេស​កំណត់​អត្តសញ្ញាណ​ ​ថា​ជា​អ្នក​ហិរញ្ញវត្ថុ​ដើមកំណើត​អាហ្វ្រិក​ខាងត្បូង​ឈ្មោះ Benjamin Mauerberger គឺត្រូវ​បាន​គេ​ភ្ជាប់​ទៅនឹង​បណ្ដាញ​ឆបោក និង​ការ​លាង​លុយ​កខ្វក់​ដ៏​ធំ​ដែល​កំពុង​ប្រតិបត្តិការ​ទូទាំង​ប្រទេស​ថៃ។

រូបលោក​បាន​ប្រឈម​នឹង​ការ​រឹបអូស​ទ្រព្យសម្បត្តិ​ដោយ​ការិយាល័យ​ប្រឆាំង​ការ​លាង​លុយ​កខ្វក់​របស់​ថៃ (AMLO) និង​ការ​ចោទប្រកាន់​ពី​ការ​ជាប់​ពាក់ព័ន្ធ​នឹង​បណ្ដាញ​ឆបោក​មាន​តម្លៃ​រាប់ពាន់​លាន​បាត៕

អត្ថបទ៖ សុខ សុវណ្ណ

The post បក្សភឿថៃ ថា ទំនាក់ទំនង Anutin ​ជាមួយ Ben Smith មិនមែនត្រឹមមិត្តភក្តិធម្មតា appeared first on Kampuchea Thmey Daily.

យោង​តាមការ​ចេញ​ផ្សាយ​របស់​ Thai Enquirer លោក Wisut Chainarun អនុប្រធានគណបក្សភឿថៃ និងជាអតីតប្រធានរដ្ឋាភិបាល បាននិយាយថា គណបក្ស​ភឿថៃ​​​ត្រៀមខ្លួនរួចរាល់ហើយក្នុងការដាក់ញត្តិ​​ដក​ទំនុកចិត្តប្រឆាំងនឹងរដ្ឋាភិបាលដែលដឹកនាំដោយ ​លោក អានុទីន មក​ពី​គណបក្ស​ភូមិចៃ​ថៃ​ (Bhumjaithai)។

​លោក ​​អានុទីន ឆានវីរៈគុល បាន​​ចូលកាន់តួនាទី​ពេញ​លេញ​និង​ប្រកាស​គោលនយោបាយ​​នៅ​ដើមខែ​​​តុលា។ បើ​ទោះ​ជា​រដ្ឋាភិបាល​របស់​លោក​​កាន់​តំណែង​មិន​ដល់​ពីរ​ខែ​ក៏​ដោយ ​​ក៏​មន្ត្រី​គណបក្ស​ភឿថៃ ដែល​​ក្លាយ​ជាគណបក្ស​ប្រឆាំង​ ក្រោយ​បាត់បង់​ការ​​កាន់អំណាច​កាល​ពី​ដើមខែ​កញ្ញា ​លោក Wisut បាន​បញ្ជាក់ថា ការ​​ដាក់​ញត្តិ​​ជជែកដេញដោលនេះ​ជា​កាតព្វកិច្ច​របស់​គណបក្ស​ប្រឆាំង។

លោក Wisut បានបន្ថែមថា គណបក្ស​​ភឿថៃ បានទទួលព័ត៌មានយ៉ាងទូលំទូលាយ ដែលចង្អុលទៅបញ្ហាធ្ងន់ធ្ងរនៅក្នុង​ការអនុវត្តរបស់រដ្ឋាភិបាល។ ការអនុញ្ញាតឱ្យនាយករដ្ឋមន្ត្រី អានុទីន និងគណៈរដ្ឋមន្ត្រី​របស់លោក​បន្ត​​ធ្វើ​ការងារ​ដោយ​មិនមានការត្រួតពិនិត្យ អាចបំផ្លាញភាពជឿជាក់របស់ប្រទេស។ គណបក្ស​ត្រៀម​បង្ហាញ​ការពិត​ដល់​សាធារណជន និង​រារាំង​រដ្ឋាភិបាល​មិន​ឲ្យ​បន្ត​សកម្មភាព​ដែល​គួរ​ឲ្យ​សង្ស័យ។

​ឆ្លើយ​តប​ចំពោះ​ការអះអាងរបស់បក្សប្រជាជនដែលថា រដ្ឋបាលរបស់នាយករដ្ឋមន្ត្រី​ អានុទីន មិនទាន់បង្កគ្រោះថ្នាក់ធ្ងន់ធ្ងរនៅឡើយ តាម​ Thai Enquirer លោក Wisut បាននិយាយថា វាគឺសម្រាប់គណបក្សប្រជាជនជាអ្នកវិនិច្ឆ័យ។ ​គណបក្ស​ភឿថៃអាចដាក់ញត្តិដោយឯករាជ្យ ដោយមិនពឹងផ្អែកលើសំឡេងឆ្នោតរបស់បក្សប្រជាជនឡើយ។

​កន្លងទៅថ្មីៗនេះ​ នាយករដ្ឋមន្ត្រី​ អានុទីន ឆានវីរៈគុល បាន​សារភា​ព​ថា រដ្ឋាភិបាល​សំឡេង​ភាគតិច​របស់​លោក គ្មានលទ្ធ​ភាព​ការពារ​ខ្លួន​ឡើយ បើមានការ​​ដាក់ញត្តិ​ចោទ​ប្រកាន់​សម្រាប់​ការ​បោះឆ្នោត​​ដកសេចក្តីទុកចិត្ត​ក្នុងសភា​មែននោះ។

​ទោះបីជាបែបនេះ​ក្តី ភាព​មិនចុះ​សម្រុង​ផ្នែកនយោបាយ​នៅ​​ក្នុង​​​​​ប្រទេសថៃ​ បាន​ធ្វើ​ឲ្យ​គណបក្ស​នានា​ធ្វើសកម្មភាព​ដើម្បី​​បង្កើន​​ប្រជា​ប្រិយភាព​នៅ​មុន​បោះឆ្នោតសកល​​​ដែលគ្រោង​ធ្វើ់ឡើង​នៅ​ក្នុងខែ​មីនាឬ​ខែ​មេសា​ ឆ្នាំ​២០២៦ បន្ទាប់ពី​ការ​រំលាយ​សភា​មុនអាណត្តិ​របស់​នាយករដ្ឋមន្ត្រី អានុទីន៕​

រ៉ាន់ រើយ​

The post ​គណបក្ស​ភឿថៃ​​​បង្ហាញ​បំណង​​ដាក់ញត្តិ​ដកសេចក្តី​ទុកចិត្តលើ​រដ្ឋាភិបាល​​អានុទីន​ appeared first on Kampuchea Thmey Daily.